睇片︰ https://youtu.be/dWZ1xz5EXuw Day 3行程︰ 水門市場 → Chocolate Ville → Woo Bar 第三日去嘅景點比較少，因為Chocolate Ville離市區比較遠，佔咗好多時間。而我哋亦都因為前一日去唔到水門市場所以將個行程改動咗小小，變咗呢一個上晝去水門市場。 曼谷版旺中but MUCH BETTER: 水門市場 水門市場都係喺番Siam區，佢似香港嘅旺中(不過大好多)，主力都係sell平價嘅時裝、飾物、鞋袋等等。我哋去到簡直係覺得眼花繚亂，因為實在太多舖頭，而每一間嘅style同賣嘅嘢都好特別。不過啲衫嘅style可能唔係好啱我哋，有好多都係齋睇唔買。反而袋同飾物就買咗都ok多，例如頸鍊、花圈(又係港女影相飾物)、耳環等等，好難喺香港或者淘寶會搵到。 平食泰菜 行到又攰又肚餓，就稱住一袋二袋去住商場入面嘅food court食午餐。佢哋大部分都係啲local泰菜，種類繁多，價錢好平。佢哋嘅food court係用餐劵嘅系統，即係喺服務櫃枱嗰度買張卡，而嗰張卡你想入幾多錢入去都得，入完之後去唔同舖頭買餐，佢會喺你張卡度扣錢。扣淨幾多都好，都可以去番櫃枱退番啲錢。呢個方法認真唔錯，啲錢唔洗找嚟找去，又方便。呢一餐十分平民，我哋食咗泰式叉燒飯、炒粉絲同炒菜，之後仲買咗一大袋切好嘅水果，夾埋都係港紙50蚊內！所以喺曼谷食野真係豐儉由人，用低啲嘅價錢都試到地道又好味嘅餐點。 美式懷舊影相好去處Chocolate Ville 返到酒店擺低哂啲戰利品之後，我哋又再出發去Chocolate Ville喇！我哋先搭BTS同MRT去到Lat Phrao站，再轉的士去。塞下行下咁，我哋成五點幾先到Chocolate Ville。佢離市區比較遠，如果要比較嘅話，可以當係由九龍區去迪欣湖咁，車程唔會超級快。再加上我哋塞車，同本身預計嘅時間有出入。 [gallery link="file" columns="4" ids="2354604,2354606,2354609,2354612,2354615,2354617,2354618,2354619,2354620,2354622,2354624,2354625,2354627,2354628,2354630,2354631,2354634,2354635,2354636,2354638"] Anyway，我哋去到嗰陣就即刻把握時間影影影！Chocolate Ville係擺到明一個旅遊影相區，個風格好有Vintage U.S.嘅感覺，啲擺設除咗攞嚟俾你影相，就係影相，所以如果你唔係鐘意影人或者俾人影，嚟呢度會嘥氣。不過啲景係真係靚嘅，除咗門口啲公仔擺設，行入去有個(人工?)湖，有小橋流水人家，環境好tranquil，影相構圖好吸睛。除咗公園，佢周圍都有用餐區，遍佈成個內部，所以可以慢慢揀個靚景嘅位坐低用餐。我哋冇咁好彩，掛住影相好遲先搵位，靚嘅位都俾人霸哂嚕。食物方面就唔多提喇，見我冇影相記錄就知質素麻麻，始終佢唔係sell呢樣。總括嚟講，呢個地方啱我哋呢啲咁嘅影影影港女嚟，如果唔係真係會有啲悶，而且旅客好多，見到好多國內人。再加上交通唔方便，出入市區就係要搭的士，來回計計埋埋差唔多成200蚊港紙。 Woo Bar #sochic 返到酒店我哋就即刻換咗當日喺水門市場買嘅衫落去酒吧飲番我哋嗰杯免費飲品喇！ 我哋嗰晚仲係平日，所以Woo Bar比較少人。之後星期五我哋先知道原來Woo Bar都算係曼谷蒲點之一，有唔少當地人都會嚟飲嘢。Not surprising，因為佢哋調嘅飲品真係唔錯。我哋嗌咗杯 “Forever Pink” 同 “Strawberry Margarita”，都係喺香港未飲過嘅。等緊杯嘢飲嘅時候覺得奇怪，點解個Bartender會用棉花糖機嘅！原來我嗰杯Forever Pink係有舊棉花糖喺杯上面嘅！簡直係令我又驚又喜從未見過杯咁特別嘅cocktail，仲要好好飲。 Woo Bar嘅環境亦都好chic，如果喺曼谷想搵地方飲嘢，可以考慮下嚟呢度。
