睇片︰ https://youtu.be/dWZ1xz5EXuw 好喇，講完哂啲前傳，開始正題，就係行程喇。 第一日行程︰ W Hotel Bangkok (Check-in) → Le Bua at State Tower 空中酒吧 → Central Embassy 晚餐 因為我哋係10:45機，由曼谷廊曼機場到酒店已經三點幾，settle down得嚟已經係黃昏，所以第一日去嘅地方唔多。 今次我哋係飛亞洲航空(Air Asia)，佢land嘅機場係曼谷嘅舊機場，中文名為「曼谷廊曼機場」，英文為Don Muang Airport。不過呢樣嘢對我哋嘅行程影響唔大，無論係新定舊，我哋都係咁去酒店架啦，haha。 出發 由於搭廉航，閘口比較遠要搭機場入面啲車去，除咗自拍就係自拍。港女遊記，名副其實，浪不虛名。 順道講一講搭Air Asia嘅體會，其實我哋兩個都係鐘意將機票洗費降到最低嘅旅伴。第一、機程短，冇需要坐得太high-class；第二、承上題，其實坐廉航冇話坐得唔舒服，咪又係有張凳俾你坐；第三、我哋情願用啲錢嚟嘆多過坐貴啲嘅airlines。機上係冇嘢食，咁咪喺機場嘆個靚早餐先上機囉haha。 到達曼谷 廊曼機場係真係舊機場，比較簡樸，不過講機場係真係冇乜機場會好似香港咁架喇所以 I don’t really care，只要安全快捷就得。不過過關都搞咗幾耐，我呢啲典型香港人就覺得佢哋手腳比較慢喇。 我哋原本諗住坐MRT或者BTS (認住呢2個term喇，佢即係曼谷嘅地鐵) 去酒店，但奈何我哋2個始終都係扮唔到可以擔擔抬抬十幾K嘅行李嘅壯女子，最後都係屈服搭的士。你會話「下搭的士咁富貴」，但其實喺曼谷，的士嘅收費同香港係兩回事，搭的士出番市區都係唔過100蚊港幣。雖然等的士條龍係有啲長，但係個流程幾順暢，我哋等咗大約15分鐘就有車。佢有幾個櫃位，有專人問你去邊度，佢會assign的士同埋同你報價，唔怕比司機坐地起價「略」你水。 沿路司機叔叔好friendly，有同我哋傾吓計，仲教我哋thank you 泰文點讀(fyi: 女仔讀ko-poon-ka)。喺呢趟車程就學識咗曼谷交通嘅一個特點係，你唔想塞車就要行highway，不過代價係比多少少錢。 住宿︰W Hotel Bangkok 順順利利到咗酒店，不過我哋真係比佢嚇到哇一聲。首先，佢唔係就咁一棟座落喺街道上嘅building，地庫有停車場嗰種。佢係有道大閘，中間有個噴水池迴旋處，噴水池隔離就係佢嘅主樓(周圍環境可以睇片)，有valet喺度恭候你光臨，好似貴賓待遇咁。最衰就係嗰陣下巴已經跌咗落地下唔識執返，更莫講話拍片。(利申︰小妹妹未見過世面，大鄉里出城之舉有怪莫怪)。之前做research嘅時候知道W Hotel標榜young同好嘅service，係冇講大話嘅。由我哋落的士，到埋櫃枱做check-in手續，啲staff都好friendly，仲要個個都好靚仔靚女 (by that I mean above average)。佢個lobby嘅裝潢好luxurious同stylish，潮得嚟唔會覺得佢好夾硬嚟，比人一種好young得嚟又奢華嘅感覺。 附近環境 由於我哋間房未ready，check-in嘅時候個Staff比咗張Woo Bar (酒店自己嘅bar)嘅drinks coupon我哋，一人一張。由於我哋想著靚啲影靚相先去bar度飲嘢，我哋喺等房嗰陣去咗隔離嘅一棟商場slash商業大廈，名為Sathorn Square度探索周圍嘅環境。本來睇酒店reviews啲人話因為W Hotel位於商業區，附近冇乜起居飲食嘅商店，會比較「荒蕪」，但原來Sathron Square入面有間好大嘅7-11，生活所需都可以喺嗰度買到。 除咗7-11之外仲有一間Dean & Deluca Café, 仲有銀行、美容院同Boots (相等於香港嘅屈臣氏/萬寜)等等，有啲咩帶漏咗其實都可以買到。 等咗大約20分鐘，我哋就攞到房喇！風格同啲reviews描述一樣，絕對冇令我哋失望。想睇room tour, 條片入面有架。房間設施、裝備同其他同級酒店差唔多，唯一特別之處就係佢間房有個tablet去控制燈光、冷氣，仲有得校鬧鐘。 點擊圖片放大 +3 空中酒吧Sirocco 喺間房癲完哇完一輪，我哋就換衫化妝準備出發去Le Bua Hotel at State Tower，去嗰度嘅Sirocco Sky Bar飲杯酒、睇夜景。由於Le Bua Hotel同MRT/BTS站唔近，而且佢同W Hotel嘅距離唔遠，我哋搭的士去。但我哋漏計咗嘅就係曼谷塞車問題，慢慢郁先去到目的地。Nevertheless，都係要搭架喇，因為我哋特登著到靚一靚踩住高踭鞋諗住去影靚相。 呢間酒店都係靚酒店，不過風格偏向grand啲。 上到去Sky Bar喇，行入去經過Bar枱就有玻璃門出去戶外嘅seating。沿路喺落地玻璃已經見到好靚嘅夜景，點知一出到去，好 大 風！個程度係冇可能舒舒服服咁飲野(雖然唔知點解有啲外國人仲係好chill咁摸住杯底談笑風生)。我哋吹到頭鬆髻散忍唔住入番去bar枱度飲嘢。 我哋嗌咗2杯白酒，一杯carbenet sauvignon，另一杯merlot，就有小小失望咁飲，因為去呢間bar係為咗睇夜景架嘛。飲到一半我哋再觀察下出面，發覺風好似冇咁大，就出番去影相喇，好在都值回票價。曼谷夜景雖然都係炫目，但我始終都係覺得香港嘅再令人屏息啲。睇到肚餓，我哋就離開咗Le Bua，去Central Embassy出發。 Sirocco Sky Bar︰ http://www.lebua.com/sirocco 消費︰每人約港幣四百元 (按︰好貴甚至唔值，其實想喺Rooftop bar睇夜景仲有好多平啲嘅options，我其他文章會有講) 曼谷IFC︰Central Embassy Mall 由於又係距離近，我哋由Le Bua Hotel搭的士去Central Embassy商場。一入到去就覺得佢路線好似香港嘅IFC，都係有好多high-end名店，我哋呢個歲數都係冇乜可能喺度行街買嘢架喇，再加上其實要買嘅話，香港都有呢啲舖。不過我哋嚟嘅目的都係去Audrey Café Glamour食晚餐。 點擊圖片放大 +2 呢間餐廳裝飾路線比較歐式，食物都係serve番泰式或者fusion泰菜。我哋嗌咗個意粉、泰式沙律同類似腸粉嘅物體(已經唔記得哂啲名喇)。唔識評食物，總之一個字，好食。最滿意嘅係價錢，我哋喺呢種級數商場食，兩個人食飽(我哋好細食)都係約150港幣(2個人！)。 之後我哋喺同一層見到啲好得意嘅迷你雪糕，就貪得意咁一人買一個嚟食，純粹得意，唔係特別好食。 臨返上房之前，喺酒店電梯大堂呢幅靚牆度影咗好多相先肯走。 Central Embassy: www.centralembassy.com Audrey Café Glamour: http://audreygroup.com/
