‘季季紅’的蝦禾米乳香豬有幾好味..早於年前已見識過..自那次之後..每當家庭聚會有10人以上..大家必會第一考慮’季季紅’..即使明知整隻會吃不掉..他們都非常樂意吃剩拿走..他們說回家再吃仍然好味.. 當我告訴家人今次有機會到季季紅新分支的＜家常便飯＞試食..他們比我還興奮..知道＜家常便飯＞有’季季紅’禾米乳香豬的家庭變化版’禾米雞’..他們都非常雀躍..(事實是我去..但他們比我還興奮呢^^) 有名你叫＜家常便飯＞..當然主打是家庭式感覺的菜式啦.. 吃出家的感覺相信是這裡的宗旨..尤於要有家的感覺嘛..員工的圍裙都印上爸爸媽媽哥哥妹妹之類的稱呼..雖然有點肉麻..不過都算是一種特式丫^^ ＜家常便飯＞位於灣仔與銅鑼灣交界..鋪內坐位不算太多..可容納三四十人左右..坦白說..如果大家都知它是季季紅新分支的飯店..我肯定這裡一定晚晚爆滿..若想前來..相信walk in會較難吃到了.. 到場後＜家常便飯＞首先為我們奉上青蕎麥茶..單聞我已很喜歡它的茶香..再呷一口..的確不錯..據知有清脂降血壓功效..岩晒我地都市人啦..正當我有興趣問有否茶包購買之時..原來大會已細心安排了一些送給我們^^太好了.. 看看禮物盒上的心思..每盒都不同架.. 桌上的餐紙印製成報紙一樣..事實是＜家常便飯＞的有關資料呀.. 這位就是＜家常便飯＞的主理人Paul哥..郭漢平先生.. 他從事有關飲食行業超過20年..對食物充滿熱誠和創意.. 這裡的餐具都是懷舊味十足的公雞系列.. 杏汁白菜蝴蝶腩豬肺湯..這個燉湯..之前我於’季季紅’已試過數次..足料清甜..媽咪話洗豬肺是非常麻煩的事..很花功夫呢..這裡售價hkd 88..絕對合理..看湯渣都知道真材實料啦..豬肺頂部的蝴蝶腩..再加鮮白菜、南北杏及杏粉等.. 通宵燉製..絶無味精..想飲記得要預訂呀..每日限量12煲咋.. 小食拼盤以high tea架上菜..非常新穎..而且還可以慳位..令桌上可騰出更多空間擺放其他菜式..的確花心思有諗頭.. 由上至下..分別是 : 蓮藕馬蹄餅.. 芝心花枝丸和秘製士多啤梨醬炸魚塊.. 分別有三種醬汁 : 自家製日式芥辣蜂蜜沙律醬..秘製士多啤梨醬和酸辣醬.. 我較喜歡前兩者..而且秘製士多啤梨醬真的很創新..我都想試試自己調製^^ 蓮藕馬蹄餅..蓮藕片爽口..馬蹄切粒混合新鮮猪肉..這部份都很香口..兩者分別都好吃..但走在一起我又覺得不太夾.. 芝心花枝丸..我很喜歡..手打花枝丸..彈牙鮮味又香口..中間夾雜了車打芝士..吃時要小心..會有爆漿效果呀.真的很好味.. 秘製士多啤梨醬炸魚塊..用優質冰鮮龍脷柳沾上自調脆槳炸熟..的確是外脆內軟的..配上新鮮士多啤梨果茸混入沙律醬..酸酸甜甜..唔錯..我覺得沾多點士多啤梨沙律醬更好味..魚滑脆漿新鮮香口..有感比例是一比一..如果脆漿可少一點..那就更完美了... 石鍋胡椒蝦..未吃已有香濃的胡椒香湧上..以白胡椒..炸蒜片等配料..夾新鮮蝦來炒..非常惹味..蝦爽連蝦殼都很入味呢..哈..以石鍋上..能確保熱辣辣的感覺..正.. 吃過香口和濃味的茶式後..當然要吃一點清淡的中和一下啦.. 清炒蕃薯苗..原來蕃薯苗營養價值相當高呀..吃多點菜身體好呀..我當然會乖啦..唔油又唔咸..岩晒我呀.. 終於輪到主角出場..蝦禾米炸子雞..首先原隻未切給我們看看..然後Paul哥親手操刀示範切法..當晚我們還以雞代蛋糕向壽星女祝賀..名證言順..’吹雞’呀^o^ 影相過後..切好的蝦禾米炸子雞就正式上檯.. 師傅把蝦禾米炸子雞切開後..整齊地擺放出原隻雞的模樣..和‘季季紅’的蝦禾米乳香豬一樣..雞身中間釀滿炒得甘香的飯..飯粒充分沾上雞內精華..每啖飯都充滿雞油香..令人欲罷不能..明明怕肥都要吃呀..>~< 大廚選用每隻約2斤的百日雞..皮薄肉嫩雞味濃..即叫即炸..除了雞奕位乾了點之外..差不多每個位置都非常嫩滑..難以置信連一向出面’鞋’的雞胸都一樣滑..實在難得..整隻雞的雞皮都是脆的..坦白說我從未吃過炸子雞的雞皮全是脆的..所以…明知會肥都吃了再算..哈..單吃雞不沾它們自家製的沙薑蓉和瑞士汁..都已經很惹味..我一定要帶媽咪來試試..這個嘛..每天限量15隻..記得預訂.. 吃到這裡我已飽到不得了..大會還安排了甜品給我們..是南瓜西米露..明顯我真是飽呆了..連相都忘記拍..由於我已經很飽..實在不能再吃..南瓜製品普遍較飽..所以我吃一兩口便停..記憶中不過不失吧.. 對我來說..一家人或朋友出外吃飯..除了吃味道..還會吃服務..氣氛和態度.. ＜家常便飯＞於以上幾點都做得相當不錯..它以吃出家的感覺為主題..我認同它說到做到..無味精..少油少鹽的家常小菜..在這裡一定找到..無論於菜式或擺設上..它們除了保留傳統亦用心地加入了創新元素..這一點相信大家亦感覺到..唯一我希望改進的..就是希望Paul哥可快點開分店..特別在新界九龍區..否則想帶家人一起吃蝦禾米炸子雞都比較難了.. 多謝＜家常便飯＞送給我們的禮物呀..公雞杯..青蕎麥茶包和coupon..我住新界..Paul哥..快點擴展過來啦.. 最後多謝 PR ALEX和＜家常便飯＞給我這次吃出家的感覺體驗呀.. 家常便飯 香港銅鑼灣謝斐道379號地下6-7號鋪 11am - 11pm Tel: 2893 9891 如欲瞭解更多..可以click入以下網址瀏覽 : http://www.homecuisine.com.hk/ http://www.facebook.com/homemade.cuisinehk
