唔經唔覺又過左一陣..我已經上左mee wedding cofirm左第一次既衫喇.. 距離我既大日子..仲有唔夠7個月..好緊張.. 關於我自己而又要靠人的最重要部份..我都已經揀左喇..個心真係定好多.. 化妝係好早已經攪掂左..衫方面我係mee wedding一間攪掂晒..連男朋友既兩件禮服我都係mee wedding租..原本伴娘都係架..試完當日比埋錢..就好安心啦..哈..我都估到無理由咁順利架喇.. 兩日後伴娘問我..可唔可以唔要係mee wedding hold左個條裙..因為佢係第二個網站睇中左5條咁多呀..佢覺得個到岩佢心水多d..我自己都做過伴娘..我都明白如果揀左條唔岩心水既裙真係會好唔開心的.做得我伴娘.一定係好朋友..我緊係希望佢可以開開心心啦..好好彩..打電話比mee wedding既jessie..佢好好人.肯幫我將已比既伴娘裙錢撥入我未比晒既尾數入面.. 伴娘睇中個間叫Joy Marry.係百利..佢話呢間專做伴娘姐妹裙架..因為爺爺過左身關係..呢排我好忙..星期六日真係無時間陪伴娘去試..好彩伴娘話佢妹妹會陪佢去..咁就太好喇..伴娘仲話自己會出mail問報價..太好了..有好朋友幫手..真係可以煩少好多野.. 由於我對扮靚既知識其實真係唔太多..特別係著衫方面..我就更加係bbb班..無錯..係3個b呀..我係唔識著衫的..好彩伴娘一早已有一間相熟而又好幫到手既bra鋪..呵呵..我地可以一齊去個到買grindle喇..伴娘話老闆娘好好的..真係拎個心出黎..唔岩我地佢唔會hard sell..但要預左佢會狠批你既身型..目的係幫我地姐..ok..我知我k型既身型一定會被講到體無完膚..最緊要靚..我..頂得住架..>~< 暫時約左伴娘6月一齊去..佢話係上環架喎.. 講返自己d衫先..4月頭第一次上mee wedding join package時..我hold左件婚紗同一件粉黃粉綠既晚裝..到我月尾再去時..hee^^試多幾件婚紗..我已經轉左款喇..我認我係多心既..越試得多..就越心多..哈..有時真係好矛盾..試得多..心多多..但唔試多d又點知邊樣岩自己喎.一生人做一次公主架咋..而且..比左錢架嘛..緊係試到岩自己啦.. 我唔高唔瘦既身型..真係好鬼麻煩..好彩..試衫既過程都相當順利..而且jessie同伴娘都覺得我決定得超快..伴娘遲一個鐘頭黎..我已經揀好晒晚裝..婚紗都試左4件.當時只係未決定到hold邊條.. 結果..當然係決定到啦..而且唔怕..到9.10月左右我第二次confirm衫時..仲可以轉一次既..萬一到時有新衫..我又心郁都仲可以轉^^ 其實而家揀既顏色..有兩件都係我本身唔諗住揀既顏色..但難得試上身又唔錯喎..而且..到時我會化妝架嘛..怕咩著得面色唔靚喎.. 暫時..晚裝3條我揀左1條粉黃+少少粉綠..1條湖水藍..仲有1條就緊係我一定要揀既..紅色系列啦..暫定呢條係淡粉紅..我係紅底人..一定最少有一條紅色元素嘛..呵呵.. 仲係唔影得相..所以都只可以齋講..悶親大家唔好意思呀..
