情人節又到喇..今次angel送你n個心..^^ 今次整既係..oreo車厘子n層蛋糕^^ (得10層左右我唔好意思叫自己做千層蛋糕呀^^) 完成時太眼訓喇..所以影得好求其..今晚男友收左後..我再試下影張靚d既^^ 由於屋企焗爐而家唔係咁方便用..無得焗.. 唯有轉轉方向..無得整海綿蛋糕..一於整n層班戟皮自己層層疊啦.. 班戟材料：(約做到11片直徑10寸的班戟皮) 麵粉 160g 粟粉 30g 糖 100g 蛋 6隻 奶 500ml 菜油 80g 食用色素(紅色) 適量 做法： (1) 將蛋、奶、麵粉、粟粉、糖和菜油放入容器內，以低速攪勻， 再用篩隔去麵粉粒，然後加入適量紅色食用色素。 (2) 燒熱班戟鑊(平底鑊)， 加入少許油， 將班戟漿放在鑊上，烘至一面金黃 色， 再反轉烘另一面至金黃色便成。冷卻後備用。 *記得要搵定對受得熱既手套幫手..一定要帶住手套幫手反件班戟的..記得要手快.. 預備班戟皮之外..我今次揀左車厘子..一來男友好鍾意..二來..我想揀帶紅色既生果(情人節嘛)..但我唔識買士多啤梨..我係絕對唔容許個蛋糕得個樣但超酸架..所以..車厘子最穩陣.. 車厘子(切片) 適量 想食多d咪買多d囉..^^ Cream方面..單cream好似太單調..所以我決定oreo cream..諗落好似幾好味.. Oreo cream 材料 : 淡忌廉 500 ml 糖 20g Oreo碎 適量 做法 : (1) 淡忌廉加糖打起至企身 (2) 加入oreo餅碎溝勻即可 口味好個人的..我建議邊打忌廉邊試味..試過覺得淡就落多少少糖.. 但記得要預oreo餅碎都有甜味..所以忌廉可以係覺得有平時要求的7成甜味其實都夠架喇.. 加埋oreo餅碎就岩岩好..如果唔係就可能會太甜喇.. Oreo餅碎都係一樣..跟自己喜好..想濃味d香d就可以落多d.. 大膽d去調教出最岩自己/身邊人既口味就得架喇.. 預備好晒就開始層層疊喇…oreo車厘子n層蛋糕 (1) 第一片班戟皮鋪底.塗上oreo cream再鋪上車厘子..如此類推層層疊.. (2) 到最後在最後一層班戟皮上..發揮你既創意..幫蛋糕扮得靚靚就完成喇.. 班戟皮煎穿左..或者整穿左..唔使驚架..有補救方法既^^ (只要唔好全部穿晒就得喇) 由於情人節關係..所以做心型啦..最痛快又最手震既一刻黎喇.. 將原本10寸大既cake..cut做心型.. 好彩家人朋友都唔介意食我其他cut左落黎既部份>~< Um..今次deco唧cream部份唔滿意呀..但我真係好眼訓..連續兩晚兩點幾..頂唔順喇.. 原本想抺左d cream再唧過.但媽咪話有d瑕疵先似自己整.(幫我搵個咁好聽既藉口^^) 班戟皮我係前一晚整定先架.因為萬一衰左仲有第二晚補鑊嘛^^ 自己衰..一晚掛住睇電視..一晚又出左去試做angelface既facial..攪到十一點幾先開始整.. 咪攪到要兩點幾先整完囉.. 老豆同媽咪都話好味呀..hee^^連唔鍾意食車厘子既弟弟都話ok呀..yeah^^ 我將剩返既班戟皮.CREAM同車厘子..做左個好豐富既班戟比媽咪.. 佢話好足料..好好味呀..哈..真識tum我.. 希望男友收到會開心啦.. 邊整餅邊影相真係好混亂..而且仲會攪到部相機好污糟>~<真論盡 同埋..真係未必個個步驟都記得影..忌廉於室溫又會好快溶..有時真係要把握自間整多d.. 希望大家唔好介意angel咁唔詳盡既分享啦.. 祝大家情人節快樂呀..有情人甜甜蜜蜜..未有就快d遇到啦..
