自出黎做野之後..我已經無乜機會參加咁多人既x’mas party喇.. 今次好開心..可以有機會係12月23號晚..去到位於中環雲咸街46號既Home Essentials開x’mas party..今次x’mas party係由 Home Essentials同技寨 D-Square Beauty既主腦人..技安小姐一齊聯手舉辦.. 當晚我地參觀完Home Essentials既地鋪同二樓show room後..x’mas party就正式開始.. 首先由Home Essentials既職員Gigi同我地介紹一下公司既服務範疇.. Home Essentials售賣既產品有好多..大至傢俬..梳化..床等等.. 小至屋內擺設..地毯..花樽..燈..雨傘等等都有.. 對我黎講最特別而又最有興趣的..就是店內大大少少不同款式既洋燭台..香味洋燭和香薰喇.. 我好鍾意黑暗中會光既野..所以我好鍾意點洋燭..而且我是一個對氣味好敏感既人..鍾意香噴噴..但又好介意味道唔好聞..唔係乜野香味我都鍾意架.. 聽Home Essentials既職員講..原來係因為x’mas..除夕既關係..所以佢地入多左洋燭同香薰呢.. 我自己覺得Home Essentials既經營理念係好得意..好有人情味..好有心的.. 佢地有別於一般香港既傢俬店..佢地既傢俬除左可以買..仲可以租.. 傢俬既租賃期最長為2年..最短租1日都得..心多多..想試多d野既人又岩..係外地黎香港做野要住幾個月既人又岩..拍電影同舞台劇怖景搵傢俬都好岩去Home Essentials..靈活度相當高.. 另外..佢地仲有一個好細心既服務..只要你講你想要一個點樣既家居環境..佢地就會幫你設計一個dream home既模式..你想要咩類型既傢俬擺設..只要同佢地溝通..佢地都會幫你去搵..真正做到..用家至上..完全用心的服務.. Home Essentials可以話係一間一應俱全既傢俱服務公司.. 我地好大面子..Home Essentials既老闆當晚都在場..而且仲特登同我地祝賀..向我地講聲’聖誕快樂’添^^so nice.. 大會安排左精美既食物比我地.. 輪到技安小姐出場為我地示範如何日妝轉x’mas party妝喇.. 靚靚blogger杏仁既party 妝..話咁快就攪掂喇..加埋個閃粉玫瑰花紋身..即刻sharp上加sharp^o^ 除左玫瑰花圖案之外..技安小姐仲預備左其他圖案比其他bloggers選擇..務求令大家都咁sharp醒^^ 遊戲時間..’收賣佬’..’開口中’..哈哈..睇大家玩得幾投入..企晒身起.. 之後就到’估歌仔’..結果由Kanix勝出..估Kanix win既仲有機會同佢一樣得到保暖杯添.. 抽獎喇..Home Essentials職員贊助左兩份.. 技寨D-Square Beauty既主腦人..技安小姐就送出三份..恭喜晒得獎既朋友仔.. 仲有店內既產品大特賣益我地添..當晚玩得好開心^^ 最後到由眾人投票選出最佳衣著獎得主..福爾摩斯二世大熱勝出呀.. Home Essentials送上每人一個玻璃杯盛載住既香味洋燭.. 多謝Home Essentials同技寨 D-Square Beauty令我重拾舊日開x’mas party既回憶呀..^o^ 如果想了解更多..可到以下網址瀏覽 Home Essentials : http://www.homeessentials.com.hk/ 技寨 D-Square Beauty : http://d-squarebeauty.photogala.com/
