說了兩篇有關婚禮的文章,得到不少回響的令小妹很驚喜 也謝謝大家對小妹我既無限支持,就係你地既支持 令我更有努力去完成呢個系列!! 希望我唔會爛尾吧~>w<請繼續給力比小妹吧!! 好啦,上回已說了定日子的問題 我的朋友亦有補充給予小妹,原來重陽都是可以的 因為只是登山而已,但始終也要詢問一下老人家吧~ 最好都係比錢出去問啦,最快捷方便亦唔會再有說話比人講的 好吧,定立了日期~ 問準長老們是沒問題的時候~ 大家或者會話係唔係應該去行下婚紗展睇下有咩野BOOK 呢? 其實經小妹既意見,應該....係由你準備攪結婚開始 就需要去睇場地,一定立左日子就即刻去心水酒樓/酒店去訂位就最好了 唔係好似小妹咁樣,雖然有心水酒樓,但係始終心多多 最後心目中的酒樓冇左揀左個次選架啦.... 咁如果想知我當初點樣去搵樓酒樓就可以望望以下既Blog 文 小明&amp;天使大囍事 ღ 第一步。遊走油尖旺 由於我家需要大排延席,所以我是需要找尋大場的 然而我家長老又想我找尋的是油尖旺區 方便不同人仕出席我的婚禮... 到而家呢一刻,小妹也是在說? 究竟個婚禮係我定係係長老們呢?? 我要求既場最好就係無柱,樓底高,場靚,光猛 夠擺20圍或以上就最好了~~~ 其實除左樓上個一篇文章~小妹自己都同朋友也行了不少的酒樓 又不如來一個小紀錄給大家知道吧? 首先就係想介紹一下鑽石山既聯邦酒樓 佢都係我第一間好心動既酒樓,主要原因係佢係中間個場係冇柱架 同埋個場係鑽石型,D 賓客就可以易睇D 同埋個場幾Grand ,個台都叫幾大真係好鐘意架個陣~~ 又係地鐵站對面,賓客黎又方便係唔係? 不過最後冇揀到當然係＿有原因啦 主要就係阿媽話係鑽石山啦,唔算係大路地區已out 同埋佢本身上落個度,上個陣有條電梯仔,落個陣行樓梯 當然個陣經理係有講你走個陣可以係轉番做落既, 但係又係個句,你唔擔保D 老人家去廁所架嗎 同埋個新娘房都唔算係好大,如果好介意新娘們既女生們就可以OUT 架啦 最重要係價錢,老實既佢要加既附加費都幾多下 好似任飲啦,咩清潔費啦,咩衫袋錢...咁呢D 數都係幾難計架~~ 仲有一個問題,佢本身都有d 房架,可能同一時間有人同你一齊擺 除非你多圍到包全場啦,所以要考慮一下 而迎囍集團,係真心的是小妹第一既首選!! 因為它價錢上唔算係好貴,但係乜都包哂 即係你個酒席錢就係咁多就咁多,唔會加乜加乜 最重要係佢d 野食真係唔差,小妹都飲左幾餐朋友係呢個集團既 我自己本身心水就係旺角雅蘭既4/F 係西式場黎架.而3/F 就係中式場 可惜呀,四樓一早就比人Book 左,三樓就比人Book 左半場得番20圍可以擺 而我都去過荃灣個間,我都覺得唔差既~ 但係有個小問題就係你可能擺緊酒同時有人係出面打緊邊壚 不過擺酒個場都幾靚架,而且鄰近西鐵站~ 本身酒樓個度又有商場可以行,其實都係一個幾好既選擇 另外港島區銅鑼灣個間迎囍亦都係好吸引既 佢係位於皇室堡個度,同樣同荃灣個間一樣會有人係出面打邊壚 但係我又覺得唔係好大影響,始終都要做生意架嗎係唔係? 不過唔係成個集團都係好好既d 酒樓xd 好似佐敦個間就玩細場就好得包場就唔洗講啦 因為我同事係擺約十五圍左右 就覺得冇咩影響,但係上次我問包全場就好多柱啦~~ 而屯門個間我就未去飲過但係就成日行過, 我自己就認為它位於地下,雖然的確是好好既地方, 鄰近巴士站但係呢~佢好多落地玻璃 唔係望住D 咩靚景而係對住巴士站~ 雖然我次次見到佢擺酒都係拉哂D 布既,但係對我而言好似唔太好囉~ 第二個首選就係彩福皇宴 小妹其實好早已經睇中左佐敦個間架啦... 點知.......成個酒樓,三個場都可以Full 哂 喜歡它既原因主要係樓底夠高,佈置又真係好鬼好鬼靚 可惜係我身邊冇咩朋友有去擺呢間,所以小妹比唔到d 咩意見大家 但係聽講價錢上都唔算平架~呢個都係要諗一諗啦 另外一個集團亦係我book 哂酒樓先發覺原來佢唔係好貴 但係個場又係好鬼靚架囉~ 就係近來既蠻出名的婚宴專門店~它就是【譽宴】 因為我一路都認為它的價錢不平 所以我沒有特別去問價錢亦沒有去睇場 但係有去飲過朋友的銅鑼灣分店 它的樓底的確好高,又有專用Lift.... 不過係唔係真係好呢就自己可以去睇下場 如果岩就可以去婚展可唔可以R 下有冇D 咩優惠 另外我個人認為細場都有以下既選擇~ The Club 絕對係一個近期不錯的細場選擇 因為佢可以揀午間自助餐,或者夜晚既婚宴 雖然小妹就未去過任何一間Club One 既場地~ 但係我有朋友也介紹過位於啟德位置個度個場都好大又夠Grand 不過唯一唔好就係地方唔就腳囉,有d 人咪可能唔鐘意 都係個句個婚禮係你既,但係你揀場就唔好搵d 長老級啦xd 又或者如果你會揀觀塘區既朋友,亦可以考慮一下APM 隔離個座既婚宴場地 因為我個人認為佢個場較細,擺得多會好迫,所以就一路都冇去揀啦 另外有一間聘珍樓,佢絕對係古典極重但係好Grand 既場地 絕對唔係閃爆個d 啦,但係值得一去睇睇既~ 其實仲有好多場,我都覺得不錯的~ 但係小妹不在呢度介紹啦...因為我實在太長篇啦~ 如果大家對於某d 區有興趣就可以問下我有冇去望過下啦xd 咁小妹揀左個間就係太子始創5/F 既帝皇廷 係一間獨立既酒樓唔係集團式,可以話價錢唔錯係我心目中既價位 咁佢係點呢?就麻煩各位待我既新文啦XDD 但係最後一定想講一下,我跟媽媽都極之冇好感的集團 佢都係兩個字既婚宴場地,雖然佢個場係好靚好Grand 由其佢係the One 個場簡單你認定自己係公主一樣~ 但係一個大問題係佢最平既酒席都要八千幾數起(12年價) 仲要都要加乜加乜附加費個d 最重要係D 野食講真好麻麻地.....有時試過係凍架囉-口- 所以我一早已經把它們Brand 左架啦.... 好吧,今次呢篇少圖多文字既文章,會幫到各位未睇場又有未知有咩好介紹既朋友啦 下一篇,我就講一下攝影同搵化妝師既 不過攝影方面我係懶得去搵,我朋友介紹左佢個間就直接去啦 真心的,小妹個人認為一定左酒席就好即刻去搵攝影 又或者你本身已有心水,就即刻去Book 左先 因為你結婚都有可能係人地會結婚,所以你揀既野或者都有人揀左架~~ 盡可能有心水就去馬啦,唔係都搵左我心目中既攝影師啦 我今次場婚禮搵到既野未必係係最好既野 但係最重要係自己揀架嗎係唔係?? 好啦~~下一篇文!! 我地講攝影,講搵大婚日既化妝師~~ ** 1109 大婚享 ❤ 系列將於不日分享** 希望你也喜歡小妹的新分享吧^^ ＊＊ 1109 大婚享 ❤ 系列＊＊ 【序】▌1109 大婚享 ❤ 婚後檢討(文字篇) ▌ 【一】▌1109 大婚享 ❤ 怎樣決定婚期呢? ▌ 想隨時留意小妹既Blog 既動態及生活點滴 記得要Like 我既專頁啦 ↓↓↓↓↓↓↓ ◕‿◕如有任何問題歡迎聯絡小妹
