早前跟姊妹吃個飯,她好興奮咁同我講 "我搵到一間超抵但係服務不錯既Facial 鋪頭呀" 一路食飯一路佢就係咁講有幾抵有幾抵咁 但係對於我來說,它都唔算話抵o者,因為佢話試做價$300咁 但係睇到佢d肌膚真係好鬼左好多,連d暗粒都好似少左 攪到我都心思思都好鬼想試下呢間講到咁正既Facial 店 試下佢講個個咩鬼Dermalogica既Facial 等我先介紹一下呢間美容店先, 今次我去既美容院係位於尖沙咀既Nuage 雲裳醫學美肌中心 點解我會有機會影到相呢? 原因就係因為我好似成個記者咁拎哂相機咁, 主要係因為我係做Facial 之前要幫公司影相 所以我既裝束當然令到美容顧問既疑惑 所以她都忍唔住要問我,本身我係做咩工架? (或者佢可能以為我係同行收料XD) 咁我就答佢因為我今日要幫公司做野, 我就打蛇隨棒上問佢,其實我都係Blogger 黎既,方唔方便比我影相呢? 美容顧問實在太好了,好樂意比我影相 唔係大家都未必睇到我今次既Facial 效果囉~ 我本身係Booking 個陣同左店員講我想試做我Friend個隻既Facial 但係美容顧問都叫小妹填一填張From 可以了解一下我既肌膚需要/問題 或者佢既需要同你係唔同架 係填緊之際,美容顧問就倒上一杯花茶比小妹 真係岩岩好,因為趕上黎個陣出面好熱又口渴 飲左幾啖覺得佢又幾好味啵~你地又認唔認識呢個品牌呢? 等小妹有機會都買番黎飲下先 係填完之際又見美容顧問講緊電話 見到我Friend講個個品牌既展架係度~我當然又發揮我既八婆精神 影左先講啦真係,一陣我可能會用上某一個系列去做Facial 架啵 所以唔理咁多一於影定左先^^ 其實呢個Dermalogica 都有適合不同肌膚不同需要既Facial 咁我當然想試下最簡單既試左先啦, 但係姊妹話佢所有系列試做都係$288,叫我揀本身原價最貴個隻 不過都係個句,即使你揀試做最貴個隻也好,唔岩你試黎都冇用 不過今次美容顧問就話睇完我既份皮膚問卷之後, 佢問我有冇興趣試下同價錢試做既Facial 而美容顧介紹我既係【注氧美肌護理】 聽到我都挖哂頭,咩注氧呀?將D 氧氣打入去肌膚度? 其實就係無痛壓力注氧技術, 將純氧及活性護膚產品注入表皮中的生長層內 氧氣產品能在60秒內滲透皮膚基底層 究竟係唔係真係呢?就等小妹試左話比大家知!!! 咁確實左我去做咩Facial 之後,美容顧問就帶小妹入房啦 雖然房一定唔同d 大公司個隻咁大,但係我又覺得幾舒服啵 起碼佢有個小櫃比小妹擺番d 袋等等物品 而美容顧問就同小妹講當我擺好野換好衫就可以去拉開少少門 美容師就會入黎同小妹做Facial 架啦 係做之前不如就睇下小妹既Before既素顏樣先~ 開始做Facial 囉!!! 今次小妹既美容師叫Jessica 首先第一Part --洗面 第二Part ---洗搽Peeling 加按肩膀囉~ 美容師話小妹真係好攰啵原來 個肩賻硬到乜咁,佢一路按d 根就有哂聲xdd 係做完Peeling 之後就開始針清同修眉囉 今次做針清又唔算好痛,不過佢話我好多舊黑頭 而家按都出唔到黎,如果強行再按既話 就會加大左個毛孔架啦 我諗我真係要黎多幾次清一清唔知會唔會清得番d 舊黑頭呢? (不過其實都清得幾乾淨,鼻仔都變得唔係好士多啤梨xdd) 做完針清之後就開始做面部按摩囉~ 我成日都係講成個Facial 我最鐘意都係按摩既時光 但係次次覺得按得最舒服之際就會完>.< 開始進行今次既主角囉,就會用上一枝好似煙斗類既儀器 配加精華不斷地係肌膚上不斷噴出好冰凍既氧氣 係肌膚完全勁享受呢種冰涼感,由其呢個夏天咁鬼悶熱 做一做呢個Facial 真係好爽!!! 其實一路做既時候,Jessica跟小妹講 你記得一定要摸下自己既個面仔呀xdd 一做完我唔理自己隻手乾唔乾淨xd 即摸 Wu....真係堅滑呢,同埋肌膚上好水潤,好似好多好多好多精華搽係面仔咁呢 都未見過自己咁0毛孔既肌膚呢>w< 係唔係真係好似之前李心潔咁近d 都睇唔到毛孔呀 做完一個咁正既注氧就去倒模囉~ 不過倒模好似冇咩需要去影咁,我今次就唔擺相啦~ 費鬼事嚇死大家XD 我怕你夜麻麻黎睇架嗎!!! 做完Facial 囉,大家最期待都係我做完既效果架嗎 拿.....老實講,我做完哂成個Facial 好似冇左岩岩做完注氧既0毛孔效果 但係經理同小妹講,如果真係一次做完就可以Keep 住0毛孔就難少少既 正如搽Skincare 都唔可以搽一次就有效咁解 我又覺得有道理啵真係,咁如果係咁就唔會有Course 啦xdd 好啦~我都係時候走囉,個頭亂到癲雞一樣 當然去個梳妝木台攪下自己個頭先啦!! 一見到個梳妝台就真係雙眼發光~因為我好鐘意呀!!! 除左有大鏡仲有細鏡~又有Con 水比你又有噴霧Gel比你使用 唔知有冇人留意到其實右手邊藍色個個小盒呢? 又有冇人估到佢係d 咩呢? 其實它係一個消毒機黎架,主要就係消毒一下d 梳 我又覺得呢個設計幾好,即使平時去d 大型既美容院 即使佢話已經消毒又或者佢冇頭髮係度也好 唔係我用手指都梳唔掂,我都好少掂d 梳 反而今次我好放心用呢度既梳,不過正常我都係用番自己既多d既 梳好個頭,美容顧問話比我了解一下頭先個Facial 用咩產品幫我做 原來頭先我做既Facial 係用左Professional 既產品 亦都係Dermalogica旗下既產品 另外再用上ENDOCARE 強效活肌修護精華配合鮮氧 就完成呢個Facial 囉!!!! 好啦~真係要比錢走啦,正當我拎銀包出黎找數之際 美容顧問突然拎出5包Dermalogica既Sample 比我啵 佢話比我番屋企試下D Sample 咁就知它家係用咩產品同我做Facial 好貼心既安排呢!!!有爽皮水,面霜,防哂,Mask 仲有一包唔記得係咩xd 仲有提醒小妹唔好再用手去整個黑頭啦,唔係做咩Facial 都唔掂啦~ 最後當然要睇下我既肌膚有冇改善先啦!! 其實即時做完真係只係摸到臉仔好滑 不過我就覺得即時做完d 毛孔係大左啵 但係白左就少少都有既,阿媽話做完Facial 一定唔會即時見效 所以我第二日都要影多張相做比較 今次做左呢個Facial 都有一星期既時間, 由即時既白滑開始Feel 到面仔毛孔收細左 最重要係我同事話我皮膚好似好多,問我用左咩SkinCare Tim 有陣時可能你買好多好貴既SkinCare 但係都唔及你做一次好既Facial 今次我呢個Facial 只係用$288 試做~ 但係一次既效果都覺得唔錯,長期做仲洗咩搽SKXX 咩真係 又可以比自己Relax 一下呀何樂而不為呢係咪先? 另外我仲發現一個小優惠!!!原來它們仲有一個1+2+3 既套餐 不過呢個套餐唯有一個問題就係佢唔會用上任何機既 所以只係想試下唔同既Facial 類形或者試手勢絕導推介!!! 但係呢個1+2+3 既套餐就係試做$188 如果第二次再做就係$288 啦 我下次就想試下d 排毒Facial 先>w< 睇下到時美容顧問仲比唔比我影相啦xdd 如果你睇到而家呢一刻,如果你都有興趣去試下呢~就去以下地址囉~^^ 香港九龍尖沙咀加連威老道29號信基商業中心5A室(尖沙咀B2出口) Tel : 3971 0761 專頁:http://www.facebook.com/pages/Nuage-Medical-Beauty-Centre/285981148085233 其實就係The One 個條街,向後面行當你見到龍城大葯藥房行過對面 就會見到"信基商場中心"架啦~你就會見到個水牌望到5A 就到架啦!! 希望你都喜歡我既介紹 想隨時知道小魔怪既生活點滴及Blog 文更新!! 快d Like 我既專頁啦 ◕‿◕如有任何問題歡迎聯絡小妹 E-Mail : man_man811@yahoo.com.hk 專頁: http://www.facebook.com/angelbabyhome Y!Blog :http://blog.yahoo.com/siuangelbaby BlogSpot:http://littleangelbabe.blogspot.hk/