大家做Facial 除左想Keep 住個樣靚靚之外,最重意係邊Part 呢? 其實我除左想幫皮膚做一次深層清潔之外, 最鐘意做Facial 個陣既按摩 早前我去左位於尖沙咀既Beauty Focus 美聚坊 去體驗【 Skinovage玫瑰金PX幹細胞亮澤嫩膚療程】 一去到呢間美聚坊就見到一大班同事係度招呼我啦 美容師問我需唔需要去一去廁所? 當小妹去完廁所之後,就被安排去一個梳化位填一填番個人資料, 換一換番對拖鞋就入房做Facial 啦 今次做Facial 既主要成份都係用番 德國品牌BABOR既Skinovage玫瑰金PX幹細胞系列 就單單洗面都會四款唔同既產品 適合番不同膚質既朋友既~ 仲有其他既不同產品都係配合番唔同既肌膚 當美容師Angel 帶左入我房之後(嘻嘻~同我同名架~) 就先請我換好件浴袍~換好之後就開少少門就可以 當我不斷影左好耐相,仲要自戀一番既時候~ 先慢慢開門,枉Angel 企係度等我咁鬼耐真係十萬個唔好意思 開始做Facial 啦~~~Yeah!! 由於我當日我有化妝,所以今次先用落妝水落左妝先 再用番兩款潔面產品幫我清潔整個臉部 當美容師一路幫我清潔同按摩個陣, 一路嗅到一陣陣玫瑰花香~真係好Relax (其實個陣已經想訓架啦真係...) 之後就搽番個BABOR Enzyme Peeling 仲會搽到去頸個度呀>w< 咁今次呢個Peeling 其實都係酵素黎架,不過性質溫和, 即使敏感性人仕都岩做架~做完個臉都會白d 架 搽哂之後就蒸一陣先~~好煙霧迷漫唷!! (不過當時有人打黎囉,攪到又冇得訓仲要成個電話濕左) 蒸完臉之後~就開始我最怕既針清同修眉啦, 不過Angel 既手勢都唔係好差,都係少少痛咁啦, 不過佢修我條眉都幾好睇啵真係~ 做完針清之後除左搽消炎水之外, 仲會有個個儀器再幫我消炎tim 呀, 第一次做Facial 會有雙重消炎效果呢~~ 你話我條眉修完係唔係好睇左好多呢? 黑頭都真係清左好多呀,痛係值得架xdd 跟住就搽精華啦~會揀番各個客人既膚質而決定用邊種既, 分別有1. Moisture Plus Fluid (特強保濕精華) 2. Algae Active Fluid (淨化保濕精華) 3. 3D Lifting Fluid (3D立體輪廓精華) 4. Anti-stress Fluid (急救降紅精華) 5. Pure Fluid (治療暗瘡精華) 大家又估唔估到我用邊隻呢?我估我自己係用2啦 因為angel 只係講我用保濕咋~ 搽完精華之後就開始我最喜歡既按摩啦 首先會按摩頭部~真係好耐冇做Facial有得按頭 之後就按臉啦～按臉個陣真係訓著左，好舒服呀！！ 當佢按到咁上下就開始搽d Cream 就敷Mask 啦~不過今次既倒模跟以往我做開既絕對唔同~ 因為今次係用番韓國原廠醫學矽膠面膜 用呢個Mask 可以完全滲透至肌底， 充份發揮幹細胞緊緻活肌功效 係呢個時候~Angel 又再一次幫我做按摩~ 今次係做肩膀呀~又係舒服到暈~ 唔洗一陣又訓著左啦~~ 當佢入番黎幫我解番個Mask 搽番d 玫瑰Toner 同埋 BABOR系列面霜及防曬就完成呢個舒服到爆既Facial 啦 比大家睇下我做完即時個樣啦~ 小小總結: 係今次既Facial 入面點解我會講有三個唔同既享受呢? 就係因為我可以同時享受頭,臉同肩既按摩~ 可惜既係每次按摩既時間都好少啦(我認我貪心xdd) 加上第一次認識德國品牌BABOR~而芭寶既產品唔只係一條Line 所以都有唔同既產品可以配合各個顧客既需要~ 就如左圖一既精華啦,右圖一既Eye Mask 左圖二專為敏感肌用既精華棒~同埋右圖二既面霜 Angel 亦話比我知,佢地而家鋪頭做緊個聖誕優惠, 就係用$1020 可以體驗番呢個BABOR 既產品呀, 仲有........送多個Facial 呀,都好似幾抵咁wor 當日做完Facial 之後回家吃飯~媽媽問我做咩出街化妝, 又唔搽眼影/線~又唔搽胭脂呀? 我話:(下~我出門口個陣有呀~但係而家做完Facial 就梗係乜都冇啦) 媽咪: (你做完Facial？我仲諗緊點解你化妝只化底咋)媽咪之後仲伸手摸一摸我個臉~即刻話好滑呀~ 嘻嘻~~第一次做完Facial 阿媽會咁讚我皮膚好到好似化左妝咁 仲要讚我好似雞蛋咁滑~你地又覺得我似唔似化左底妝呢? 最重要都係要比大家睇下皮膚既改變啦, 我覺得除左肌膚既毛孔係收左,皮膚滑左~ 有光澤左~最重要係成個Facial 真係好Relax~ 正正就係今次Facial 最想我地顧客得到既野~ 今次呢個Facial 我真係好享受~仲要好多謝Angel 既體諒 因為我個日一訓底就咳唔停,完全做唔到Facial 咁濟, 但係angel 冇黑面仲不斷比暖水我飲~最後都做完呢個體驗~ 如果對於我今次體驗既Facial 有興趣既朋友 可以到以下地方聯絡及詢問有關資料 Beauty Focus 美聚坊 尖沙咀廣東道30號新港中心1座17樓1704室 Tel: 3542 5178 官方網站:www.beautyfocus.com.hk FB 專頁: www.facebook.com/beautyfocus 多謝你的收看,希望你喜歡我今次既介紹 想隨時留意小妹既Blog 既動態及生活點滴 記得要給我一個Like 啦!!!^^ ◕‿◕如有任何問題歡迎聯絡小妹 電郵: man_man811@yahoo.com.hk Weibo: http://www.weibo.com/siuangel Facebook 專頁: http://www.facebook.com/angelbabyhome Y!Blog Link : http://blog.yahoo.com/siuangelbaby/
