轉眼間又到秋天了......也是我最喜愛的季節 呢種又唔會好熱但係又有D 涼風既時候太舒服啦~簡直唔想起身呀!!! 不過我的肌膚就應不太喜歡它們的來臨了,因為皮膚變得很繃緊啦 衣服要轉季~我們的保養品當然也跟住一齊轉啦~ 而家既護膚品多數都可以令你一年四季都岩用,但係始終都係有d 係岩番呢d 天氣用既 咁岩我d 乳液都用得7788 啦~係平時係夏天我真係好懶,用左精華就會上床訓教, 但係而家咁既天氣絕對唔可以比我咁做~真係要查番Cream 啦, 所以我今次就一於用下呢個NUXE 植物鮮奶輕盈乳液 其實NUXE 對於我黎講佢絕對唔陌生,雖然我從未用過~ 但係我第一次認識它就是玫瑰花瓣系列~當時真的比其他Blogger 的文燒得緊要, 不過係今次試用之前我更加去搵左呢個品牌既資料~ 唔講唔知~原來NUXE 係法國十大藥妝之一架~ 等小妹簡單咁介紹一下NUXE 既資料啦~~ NUXE之由來NUXE創立於1957年，由巴黎一位對天然護膚療法充滿熱誠的藥劑師兼芳療及植物療法專家研製出來。NUXE全線產品的質地柔滑細膩，氣味芳香獨特，能夠令心靈愉快舒暢，為您帶來前所未有的護膚新體驗。 一直以來，NUXE以「植物療法」Phytotherapy、「芳香療法」Aromatherapy為兩大基礎，加上創意與幻想，選用最優質、天然的材料，再結合現代化的科技，研製出最緊貼護膚潮流、成分最為溫和的護膚產品。 而今次我用既系列就係「植物療法」既,主要成份係以8種植物鮮奶~ 分別就係: 羽扇豆,金豌豆,綠茶,金合歡花,杏仁,椰子,燕麥,非基因改造大豆 仲有就係保濕成份啦,唔係點頂得住係呢d 天氣用架先~~ 分別就係海蓬子,小麥子+木糖,紅花分子釘+堅果油 NUXE 既產品主要都係適合敏感肌,當然唔少得有舒緩同抗刺激成份架 主要成份就係: 杏仁花+橙花,純蘆薈汁液同埋尿囊素~ 最重要既係~佢地既產品係法國做架,所以就可以用得安心啦 講完咁多成份資料~係時候要介紹一下呢枝乳液啦,一枝50/ml $316 再比多少少時間我介紹一下,呢枝乳液究竟有咩咁好用先啦~ 以清爽既乳液加上Lamellar 既結構可以令肌膚快速吸收, 加上含有米粉末既成份,可以有效吸走油脂分秘,仲可以平衡水油分例tim~ 講完咁多資料性既野,真真正正介紹番自己用既實況啦~ 第一次使用前會有錫紙封住出口位,防止產品變壞~ 而出口位絕對唔大,所以吱出黎唔會好多~絕對唔會哂野 質地方面雖然係乳液,但係都帶少少淋絕對唔難推開~ 不過單單查係手方面就係一睇可以分高下~ 點都要查番係面仔比你地睇先得既,小妹個人認為係查之前同未查呢, 就係查完係你好似Feel到面仔係油淋淋咁,不過絕對吸收得快~ 好快就完全爽哂面仔~仲有既係呢枝面霜可以當埋Bass 用架 所以岩哂我呢d懶鬼~又有陣時趕番工但係又要出街個陣用啦~ 仲有呀>w< 呢枝乳液呢對於粉刺方面~都有用架~ 當你夜晚厚敷小粉刺既地方~~但係我個d 頑強黑頭~已經冇用啦 或者有人會講呢枝面霜洗唔洗真係買咁貴呀? 都係用黎保濕咋嗎~小妹雖然唔係敏感肌,但係呢排d 天氣攪到我個面又乾又紅 即使唔係敏感肌係呢d 天氣真係難攪~加上人大左~真係皮膚呢家野冇野呃 所以希望你也喜歡它今次推出的產品系列,除了乳液仲有其他產品的~ 有興趣的朋友絕對可以到Sasa 選購呢~ 最後送上一張~我用左乳液化好的妝容~是跟好姊妹的澳門一天遊呢~~ 你們會想看我們的行程嗎? 多謝你的收看,希望你也會喜歡小妹的文章 如果你也喜歡我的文章,希望你可以也給我一個Like 可以隨時留意小妹既Blog 既動態及生活點滴^^ ◕‿◕歡迎聯絡小妹出席品牌活動‧邀稿試用 電郵: man_man811@yahoo.com.hk Weibo: http://www.weibo.com/siuangel Facebook 專頁: http://www.facebook.com/angelbabyhome
