Day 2 行程: 酒店早餐→ 翟道翟跳蚤巿場 (JJ W Market)→Amarin Plaza→Big C →Swensens雪糕屋→Central World →番酒店→MBK→ SIAM Paragon→TIK Spa 經過一個錯哂既Day 1之後,又難得咁早訓...我第二朝好早就起左身啦 其實我係比男友d 電話鬧鐘嘈醒, 我都唔明佢點解明明放緊假都唔熄左個鬧鐘佢既.... 係第二朝我八點左右已經起左身,刷左牙洗面後就落去樓下食我地第一餐既早餐啦 酒店早餐都係以自助形式,雖然野食唔算太多, 但係都算好多選擇既,起碼有粥,有沙律有炒粉麵飯.....etc.... 咖啡係每日番工必備既飲品之一,其實我放假基本上都唔會飲咖啡 不過呢杯咖啡特別好飲....原因係 呢杯咖啡係我男友為我而沖架啦XDD 嘻嘻~哂完命係時候講起我第一日既早餐食左咩先,我自己拎左碗粥啦,沙津加蛋,蛋多士,火腿腸仔,加冇咋既意粉 再加多碗栗米片XDD真係好耐冇試過一朝食咁多野啦! 我諗我除左有再拎D蛋同沙律外,都冇再拎D 野食...... 但係突然眼前一閃,見到男友拎左D 生果番黎咁特別既?點解佢D 菠蘿係心型既? 我問: [點解你D菠蘿係心型架?] 男友:[我太有型啦,酒店個個人專登整比我架!] 我:[ ] 男友突然走左啵,其實我一早知呢間酒店D菠蘿係會機會係心型架啦 因為我之前爬文既時候,睇左一個Blog 友話左呢間酒店有心形菠蘿食 我係睇下佢有咩反應比我 突然男友番入黎個陣,就拎住呢碟野比我.... 仲話: [我而家比哂d 心你啦,你要食哂佢呀!!唔係既話我比第二個女人架啦 ] 即時冧爆呀 >w<不過碟心心菠蘿食食下,掛住同個酒店員工講野比佢收左我男友比我d心心呀!!!! 咁冇計啦,都比人收左我碟心心生果啦~就番上去沖涼洗頭化妝出發去我想去既翟道翟跳蚤巿場 啦! 今次旅行用左枝新既眼線筆畫眼線...不過畫上眼線難上色,但係下眼線就唔錯Wor... 又唔知點解明明帶左較剪,又會唔見左囉 今個Trip 冇得用公主李啦-口- (本身想唔加哈哈笑樣落男友度,但係佢話佢太型啦,唔好太公開-口-就算啦,佢唔想show 樣就遮一遮佢啦) 好啦...正式出發去翟道翟跳蚤巿場 ,男友其實係極之唔想去呢個地方,對佢黎講,呢個地方係一個又臭又熱又大既鐵籠!!! 但係我上次去曼谷個陣,男友又係因為呢個原因唔陪我去...我真係失望左好耐呀,起碼人地係度傾呢度,我都識講呀 所以佢今次即使幾唔想去,都要陪我去xdd今次我問清楚啦,問左酒店個Staff 係對面搭車, 過左對面又問左個小食檔姐姐又確認左係搭77號巴士係岩既,就安心係度等巴士啦 其實曼谷係二月黎講,都真係幾熱,當時我諗都應該有32度左右...男友仲有好心機睇緊天書有咩行好 唔知係走左班車,定係真係要等咁耐,,,我等左10mins 都仲未有車,我又熱到帶住眼鏡都出哂汗啦 不過隔左陣就有巴士上啦,不過一上車就要企啦 好在企左2-3個站就已經有位坐啦 平時我地係香港就好怕坐熱狗巴,但係係曼谷我又幾鐘意坐呢隻巴士wor... 雖然都係好熱,但係唔會熱到痴淋淋既感覺...同埋佢地d風吹埋黎又幾舒服 同埋佢地巴士上係呢d設備架,有風扇,有扶手etc.... 最重要佢地d 位又真係幾舒服架啵xdd 坐到大約半小時左右,其實當你望到街邊既地方可以係冇咩樓宇就可以留意架啦 咁其實當架巴士經過左呢座鐘樓,你可以按鐘落車架,同時你就會見到好多好多既人流,咁你就可以跟住d 人流咁行啦 當你跟住人流行之後,就會見到以下既入口架啦.... 男友講得無錯!!!!!呢度比起等車個度熱好多好多好多.... 入到去其實真係係一個鐵籠,同埋真係好大好大好大....我完全唔知自己行左去邊一區, 邊條街行左又唔知,因為成個市場入面賣既野真係差唔多,同埋我覺得d 價錢又唔係特別好平 加上我又冇爬文,又冇搵左邊一part 有d 特別野行...最大問題係我都唔知邊區係我岩行既地方 本身有檔賣d 卡通大頭衫架,想買件[史迪仔]+[Angel]做件情侶衫係情人節個日著架 (天音:你唔係愛Kitty 架咩?)咁冇呀嗎?迪迪仔又幾可愛呀 ) 但係件衫都賣成260b件,仲要冇得講價~~~仲有檔係賣d 好Lady 既衫,有衝動想買架... 不過我又覺得我而家番工呢度根本冇需要著呢d咁Lady 既衫,所以都冇入去睇啦..... 大約行左一個鐘左右之後我真係頂唔順啦....因為我自己行行下都頂唔順,要除左個網衫黎行, 難為男友仲要拎住個背包,成個背隻濕哂啦...好肉赤呢 最後唔想男友咁辛苦,我又唔覺得有咩好行又熱既關係... 影左張到此一遊既相就去搭BTS 番Siam 啦!!! 我地一離開呢個熱辣辣既地方之後,男友話行入去公園再轉過去BTS 站啦, 不過唔知係我地行錯路呀,定係個公園入口真係咁難搵....我地行好遠好遠先入到個公園=口= 但係如果真係有時間既話,我覺得呢個係一個幾好既郊遊地方 一個好舒服好大又好多綠色地方既公園,係香港你真係冇咩機會見到... 最重要係人流唔多,係度拍拖談心真係一流架... 仲有好多人係度餵白鴒架,點解人地唔會話有《禽流感》呢家野架呢... 我仲好白痴咁走去D 白鴒度 男友話:[你以為你咁走過D去,D 白鴿係咁係你面飛呀!!一陣間一pet pet鴿屎係你頭頂呀 !] 即時無哂隱囉..... 最後影番張到此一遊既相~我估呢個公園都有機會係D 紀念公園 就行番條橋仔去搭BTS 啦~~~ 終於到達BTS Mo Chit 站了,其實如果大家想去翟道翟跳蚤巿場 ,除了可以跟我去搭巴士之外, 最快捷方便就梗係搭BTS 啦,搭到去總站 Mo Chit 同樣跟住人流就一定到架啦.... 不過認真的,去 翟道翟跳蚤巿場真係有咁少著咁少,但係一定一定要噴蚊怕水!!!!!! 好啦,上了BTS 後我地就搭BTS 到 Chit Lom 啦,原因就係我想去食水門街粉紅衫海南雞飯啦 不過第一站我地竟然去左Amarin Plaza啵,原因係因為男友實在太熱啦,所以佢要過一過冷河 當然我都唔少得同d 公仔影下相架啦 呢對公仔隔左兩日,地下個副眼鏡帶上媽媽對眼度,超有形呀 但係我最後冇再專登落去影相啦.....可惜呀>.< 仲有仲有I"M Loving It!!! 一個係香港我未見過既公仔 好過隱呀!!! 原本有諗過去試下呢度Anntie Anne's既,上一次黎BBK我都有食架~ 不過我話要食雞飯就拿拿臨趕過去啦....真係唔好講笑...BIG C 個條街真係多人到呢.... 第一日,我地食唔到....當時個陣未夠三點鐘,今次我都係點幾o者..... 點知................請待續......
