好記得我男友第一次約我出街既時候~佢問我想食咩?我揀左Pizza Hut ~因為當時我會覺得食Pizza Hut 係好豪氣既事~ 而家諗番都覺得好好笑~之前食ｍ記都已經好開心，而家直情唔想去食xdd食Pizza Hut 已經食到怕怕啦~好記得我聖誕同姊妹去食日本餐廳隔離木台既後生仔女~食到成木台都係壽司~睇見都覺得貴,同姊妹講「究竟我地細個冇錢呀?定係而家d 學生們有錢左呢?」大家都係笑左一笑~都係得唔到答案xd 今日我想回到以前~~想介紹一間,即使我仲係學生妹個陣都食得起既餐廳就係《 Saizeriya 薩莉亞 》意式餐店~ 對於小妹而言佢野食會似番係Pizza 店,但係價錢就好似宜家傢俬啦雖然我只係食左兩次左右~但係次次都係百幾蚊都可以食到飽飽~不過只限女性啦~因為男友就次次都話唔夠飽-口- 先介紹我地兩次都有食既東東先~~第一樣就係前菜~【甜蝦沙津】 $24我真係好鐘意食~佢d 生菜好好食加上沙津醬都好多,Mix 埋好好食~而佢地既甜蝦就唔係平時大家食個d 甜蝦xdd 係似d 迷李蝦仁仔~但係好好食架wor~ 所以我會比佢~好食度:❤❤❤❤ 第二樣前菜~【挪威煙三文魚】 $23呢個三文魚我完全覺得係宜家既三文魚一樣但係男友就好鐘意食~次次都一定要叫佢,味道都係差不多架啦~xd不過我覺得比較貴左d o者~好食度:❤❤❤ 輪到小食篇啦~~呢個就係呢間餐廳最出名既【辣味雞翼】4隻 $16 / 8隻 $30雖然佢個名係辣味~但係連我呢個咁怕辣既人仔都可以食到xd其實真係好好味~所以我比好食度: ❤❤❤❤❤ 再介紹呢個【洋蔥蒜蓉焗青口】 $21/4隻味道方面男友覺得佢好香~而我就好麻麻洋蔥所以我最後掃走哂d 配料食青口xd但係差唔多$5.x 左右隻,都比較貴~所以一次就算啦下次我未必再叫~~好食度: ❤❤ 仲有一款~就係頂頂幅相入面既第一行右邊(但係我唔想左個原圖>.<)就係【黑椒蜆肉鐵板燒】 $17我地覺得佢燒到好乾~所以變得唔好食~所以都係一次就算啦~好食度:❤ 輪到主食類啦~~第一樣介紹就係意份類先【卡邦拿意大利粉】 $27~其實我覺得係幾好味架~以蛋王醬加埋d 火腿蜆肉等等材料(但係男友話覺得佢成本好平唔值呢個價-口-)所以第二次都冇再食啦~同埋真係好濟架,因為佢有蛋王醬啦~好食度: ❤❤❤ 第二個主食~我介紹飯既產品,第一次就試左呢款好似係【芝士甜蝦焗飯】$27(好似)味道尚算不錯~但係材料太簡單啦,但係真係好飽肚~好食度: ❤❤ (可能我個陣太飽啦~所以覺有d 麻麻) 呢個【地中海海洋焗飯】$29本身第一次食呢間餐廳個陣其實我地已經想試呢款可惜冇哂先叫左上面個個但係今次有份一試呢~就覺得呢個飯太乾啦~唔知係本身地中海既種類係比較乾~定係佢地個日太多人呢~呢個飯令我地太失望啦~所以就比❤❤啦~唔乾既話其實真係好好食 最後就介紹一下呢個Pizza~都係我表妹既推介~【水牛芝士Pizza 】$29 雖然係皇牌~可惜我可能始終鐘意有d 材料既Pizza 啦xd呢個都係ok 既,只係冇咩咬口咁啦xd好食度: ❤❤❤ 仲有蒜蓉包都係呢間餐廳最出名既野食之一~但係我地兩次都冇叫而我兩次都係食番屯門既分店~所以可能我以上既食評不代表所有分店既效果仲有一樣野就係~佢地只需要比多$12 就可以任飲架啦~包括汽水,熱朱古力,咖啡,茶包etc..... 我覺得可以去番之前我仲未正式出黎做,而做緊Pastime 得少少錢既日子不過而家d 學生們~分分鐘比我更有錢>.< 起碼我自己都唔捨得買部IPAD 同埋仲供緊部S2囉=口= 今次呢個介紹唔係因為佢特別好食~只係我覺得....係而家呢個香港仲可以食到D 平平地既野食~其實已經好幸福!!希望你地都會喜歡呢間平價小店啦~如果想知邊度有就麻煩自己乖乖地上Openrice 搵一下啦我自己去親就係屯門新墟分店既^^有興趣可以約我一齊去食呀~~ 為感謝一路支持小妹文章既朋友仔,所以小妹攪左個小送禮~今次送上O'slee 既終極毛孔細繳精華一枝 有興趣既朋友快d 到我專頁(按我)參加啦, 最重要記得要去番呢張相入面~留言呀!! (唔係就會Miss 左個機會架啦啦xd ) http://www.facebook.com/photo.php?fbid=366223883473769&set=pb.201619409934218.-2207520000.1357522222&type=3&theater 截止時間就係12/1/2013 中午12時 亦於當晚於專頁公佈結果~^^ 祝好運!!! 多謝你的收看,希望你喜歡我今次既介紹 ◕‿◕如有任何問題歡迎聯絡小妹電郵: man_man811@yahoo.com.hk Weibo: http://www.weibo.com/siuangel Facebook 專頁: http://www.facebook.com/angelbabyhome Y!Blog Link : http://blog.yahoo.com/siuangelbaby/
