呼~~終於有時間打一打自己Wedding 既野啦,之前一路都話我要打番d 結婚野~唔好成日打d 美容/彩妝等等~但係真係太攰~唔好話打自己野啦,就連打文既動力都開始減少~不過即使我幾攰我都要打番d 資料先xdd 其實我一路都係想去註冊處度註冊~始終有個情意結,我覺得註冊一定要去註冊處或者去個婚姻場地等等~但係好似d 婚姻場地個d 真係貴到癲左~又唔太值 我既Dream 場e甸園又冇左尖咀啦,我又唔想去拉faye 突所以註冊處當然係我不二之選啦~~不過前排我去睇下點做啦~愈睇愈唔明,又要早3個月同人爭wor~試下問下d 律師有冇期啦,點知唔問由至可....一問就大件事 我問左好幾個真係幾出名既律師~佢地第一句已經講我11月9日~**************全Full 啦********* 有3個律師講左呢句有兩個律師同我講~佢冇哂5-7 既期~得4:30 ,8:30 唔係卦....有冇咁Full 呀?咁多人係個日結婚?鴻星個個月曆又話我個日唔係好日既 一聽到咁,我心真係發矛啦大佬~~5個律師都可以話冇期咁註冊處咪唔洗爭...?諗多兩諗~都係唔好博搵律師註冊啦 好啦,搵呀搵呀~搵左一個律師價錢ok ,又有我想既6點鐘就同左律師行既女仔BOOK 定先啦,當日我星期4 約佢之後佢同我講只要我係佢星期1見到我入左數就OK 架啦 點知....我星期一打電話同律師行既人,講我入左數啦佢地當時都話OK 架,點知當日4點幾律師樓女仔打比我話因為有一對新人比我更早入左數~所以6點既期又比左人啦 聽到即刻想喊呀~~咁點算呀?我又唔想7點最後律師行女仔幫我同另一對新人傾傾傾對家新人又好好~~最後決定左我係5點半註冊對家新人係6點半~~真係要萬分感謝!!! 終於....律師攪掂左啦~我既証婚律師徐志剛律師 ~~ ********************************************************************** 講完証婚~又到講租車啦~~又係一波三折~本身上網見到好多人介紹" 孖一世 " 租車公司既粉紅色Benz \點知打比負責人Frankie 佢話比我知已經上年8月已經有人租左啦 我心諗咁快既??咁就算啦~銀色四眼仔Benz 都好啦,仲平d tim ~又唔係真係一定要個架車~如果係我一早揀左倫敦的啦點知....當我想CFM 番佢既時候....... 佢又話架車已經比人前一日Book 左啦.....個刻真係暈底啦大佬.....點算呀,又比人book 埋咁我又係邊搵車好呀?好彩....Frankie 話佢仲有一架一樣既銀色Benz 只係車牌唔同o者是但啦,車牌對我黎講唔太重要~最重要係有花車架o者xdd 終於完成左呢兩件緊要事.....原來心水既野真係情願早d book 真係唔好學我咁....攪到自己嘔血呀真係=口= 就快又得番9個月~而家日日為自己d 婚沙相排版係度博鬥....內地既影相公司...真係會令你嘔血~日日望住d 排版4個幾鐘又要搵sample 又要同佢講d 相點擺~ 真係快癲啦~~希望第四次既改版可以完成啦唔係我真係會痴線架啦~~
