我跟老公都嗜辣,朋友推薦我地試下尖沙咀嘅麻辣五三五,果然不出所望,夠曬辣啊....... 餐廳裝潢以霓虹燈做裝飾,牆上貼滿特式幽默的字句,幾有趣! 我地點左4款食物先黎麻辣毛肚*$68,夠曬爽口,屬少辣程度,唔太食得辣嘅朋友都食到。 避風塘炒軟殼蟹*$198, 本身想點避風塘炒辣蟹,但因無貨,所以店員建議我地揀炒軟殼蟹。滿滿嘅炸蒜頭, 葱段, 乾辣椒,配上幾隻大大嘅軟殼蟹,唔會好多炸粉,夠惹味,炸蒜頭用黎撈麵就最啱喇! 家常酸辣麵*$38,有葱粒同肉碎,麵條夠滑,湯底帶微酸微辣,唔太食得辣都食到。 店員推介我地試下烤魚*$198,有五款湯底選擇,香茜皮蛋、水煮、酸菜、清椒清香、麻辣,我地揀左麻辣小辣。 用熱煱暖住烤魚,烤魚上枱見到滿滿嘅辣椒,看似好辣喎!入口都喎算太辣,我地叫中辣都可以。魚本身已煎到9成熟,在煱內煮下會入味啲。烤魚新鮮有鮮味又有麻辣味。仲可以加配多款配菜架,下次一定要再試~ 店員好細心幫我地加湯,提醒我哋麻辣湯會越滾越辣。魚肉夠嫩滑,邊食邊浸下麻辣湯,好有風味啊!辣控要黎試下! @gsaamng麻辣五三五尖沙咀寶勒巷10號8樓5404 0522