荃灣嘅泰國餐廳唔多,要有地道風味嘅更加少,呢間真係幾有特式,幾有風味架 ! 成日坐無虛設,都係book定位好~位於荃灣曹公坊嘅ANN MAMMA THAI KITCHEN BY 張秀鈴荃灣人會知地點,如果唔係荃灣人,你搵搵地點就係香車街街市隔離,都唔算難搵。由荃灣西/愉景新城行去會近啲。門面裝潢好簡約時尚,侍應都係年青人,服務不錯的。座位唔多,預先訂位好D。 今次我地倆口子叫左3款菜式,2杯飲品,份量好充足,足夠撐破肚皮 飲品我地揀左**芒果百香果沙冰 $48賣相好特別,夠曬大杯,飲嘅時候先將新鮮百香果加入芒果沙冰裡面,好香好fresh!**泰式奶茶 $28正宗泰式口味嘅奶茶茶味香濃,奶味唔會過濃比例剛剛好 **青芒軟殼蟹沙律 $98由於無青芒,用左青木瓜代替大大碟青木瓜,配上酸甜醬汁2隻炸得香脆乾身嘅軟殼蟹口味夠清新,好快就KO曬喇 推薦皇牌**大蝦炒金邊粉 $108大大碟絕不欺場有好多隻大蝦金邊粉炒得夠乾身醬汁味道唔會過鹹夠曬惹味可口 **黃咖喱雞 $88雞件已去除骨,Size大小適中,黃咖哩微辣帶香甜不嗜辣嘅人都食到醬汁夠多唔好曬一定要配白飯,蒜蓉飽或者烤薄餅 我地揀左**烤薄餅 $48酥餅已經預先剪成三角形再焗細細塊容易沾滿咖哩汁一啖一口,食左先算先將減肥拋諸腦後先..... 我地一定會Encore㗎!來荃灣食泰菜可以試下呢間 ~Ann Mamma Thai Kitchen by 張秀鈴曹公坊11號地舖 (香車街街市對面)