本日行程:通天閣>大阪城>藏壽司 無人迴轉壽司 (Lunch)>四天王寺>JR天王寺 (天王寺MIO)>関西空港 估唔到一拖就拖左兩個幾月先打最後E篇-_- Anyway, lets start~ 今日係酒店執好D行李後, 就係樓下食個早餐, check out 埋就出發LU~ 點擊圖片放大 我地首先就係去天王寺站放低D行李,因為我地將會係天王寺站搭返車去機場, 所以放係E度都幾放便~ 之後就正式出發去觀光啦 ! 觀光既第一站係通天閣, 好似係一座好有歷史既塔, 不過詳情就唔記得啦~ 點擊圖片放大 +5 <p.其實塔上面就主要係睇景既, 朝早既能見到都幾高, 再加上係咁高既位置,真係可以望到好遠既地方! 塔下面就係一D店舖, 有賣唔同pocky既商品, 咁我地就當然買左D做手信啦~ 點擊圖片放大 +3 跟住落黎下一站就係大阪城啦 我地就搭地鐵再行過去 原來距離地鐵站都幾遠下,行左差唔多15分鐘先去到@@ 點擊圖片放大 中途仲見到NHK同大阪警察總部 大阪警察總部好似成日係唔同既日劇同動畫入面出現, 所以梗係覺得熟口熟面XD 係大阪警察總部行前多少少就見到大阪城啦, E個就係佢既外圍, 我地要睇既係佢既內城 即係天守閣! 點擊圖片放大 +3 係外城行大約5分鐘就可以入到去啦 由於我地買左周遊卡,所以入場都係唔駛錢既` 點擊圖片放大 +2 我地入到去之後, 首先就上左頂樓睇景 幻想一下果陣既將軍望出去城外面既感覺係點XD 跟住係逐層行返落去, 下面其實係類似博物館既, 咁就介紹一下豐臣秀吉, 大阪城既歷史等等 不過因為係用日文介紹, 加上我對日本既歷史冇乜興趣, 所以都係係咁以睇下就算XP 天守閣外面有一座英式既圖書館, 有種格格不入既感覺@@ 行完一朝都肚餓啦, 所以離開左天守閣之後, 我地就去左食趣味壽司! 點擊圖片放大 +2 E間壽司每一碟都係100日元(未計稅), 所以都幾平 同埋日本好興用ipad落單, 之後再用運輸帶送過黎, 咁就慳返唔少人力, 所以間野其實冇咩員工serve你, 係埋單果陣先有人過黎計數收錢 其中一個E間野得意既地方就係每食夠一定既數量,佢就會有一段動畫, 睇動畫既結果如果係成功既話 上面部扭彈機就會跌一隻扭彈出黎,咁當然失敗既機會一定大過成功啦~XD 另一樣野就係佢收碟都係自動既 係張圖入面可以見到運輸帶下面有一個綠色既位,果度就係收碟既地方啦 由於大部分既壽司價錢係一樣既,所以只係需要count碟數就知道食左幾多錢 咁剩低既就會有人黎數,加埋就係要比既總數啦! 食完野之後原本係plan左去生活體驗館既,不過由於有D人想去shopping多D, 所以最後就各散東西,自己去睇自己想睇既野啦~ 由於我想買多一個御守, 所以就同左兩個fd去天王寺啦 點知去到先發現原來天王寺同我地去開果D清水寺係唔同既, 冇御守買@@ 點擊圖片放大 +3 跟住我地再去左兩個唔同既細寺, 結果連人景都冇,當然一樣係冇御手買@@ 不過係行既途中真係感受到日本住宅區同學校區係點, 算叫做不枉用左時間去睇啦~ 跟住之後就行返JR站搭車去機場LU~ 今次車程就近好多啦, 大約45分鐘就去到機場@@ 同黎果陣一樣, peach既專用停機平都係T2, 所以我地又係係T1搭巴士過T2@@ 由於係peach食飯要比錢買, 所以我地係機場求其買左個便當黎食 果陣仲要趕check in, 所以都係拿拿臨爬晒D飯入口算XDDD Finally, 日本88~~~~ ---------------------------------------------------------------------------------------------------------------------------------------- 感想: 係度多謝晒各位有份幫手計劃今次trip既frd, 今次淨係幫左小小手@@ 盡管今次旅程可能有開心唔開心既地方, 我認為咁多人一齊去旅行真係一件好特別既事~ 更何況去既地方又係我想去既大阪京都, 更加增加左我既期待! 其實每次ED活動開始前我成日都會擔心會唔會有咩意外發生, 好彩最後都無驚無險咁渡過左7日既旅程 而且我相信大家都玩得好開心=] 希望之後我地有機會再一次一齊去旅行啦! (雖然機會好微@@ -完-
