本日行程:大阪環球影城>道頓堀水上觀光船>Sweet Paradise(Dinner)>HEP FIVE摩天輪 E間酒店就同其他普通既酒店一樣,早餐都係有buffet既,咁就自己簡下想食咩啦 佢就和式既野食同西式既都有,雖然選擇唔算多,但係都足夠食飽 點擊圖片放大 +2 由我地酒店過去環球影城就需要轉兩次車, 到左西九條站之後就可以見到有架列車個表面印左哈利波特同環球影城,果架車就係去環球影城嫁啦~ 點擊圖片放大 去到影城站,行多一陣就已經到左影城既入口 由於我地係提早去到,所以果陣影城仲未開門,要係外面等一陣先入得 係門口就見到一大堆人等緊入場,平日等既人一樣咁多 我地就係之前買左express,就可以排一條快速隊,慳返D時間黎玩多一兩次,果條快速隊同唔駛排隊真係冇乜分別@@ 入到去第一時間就人拉左去玩過山車,睇返相先發現原來自己冇影低到 得E一張入去之前影既相@@ 個過山車有分向前同向後兩種,咁我地就只係玩左向前 原本排緊隊既時候都驚驚地,但係玩完發現冇想像中咁驚,個程度應該同海洋公園果D差唔多@@ 點擊圖片放大 之後我地就去左玩spiderman,今次應該係我第一次玩E類既機動遊戲,感覺真係好得意 雖然明知只係播緊戲,你坐果架車跟住郁,但係個感覺都好真實XD 再之後就黎左space fantasy,原本我地以為佢同sipderman一樣都係睇下片郁下咁,但係點知原來佢係室內過山車黎@@ 同disneyland既飛越太空山差唔多,不過佢就係入面有D裝潢,等你好似係太空度飛過D恆星咁,都幾好玩! 之後我地就跟住張express睇下仲有咩玩啦 發現terminator原來都幾近,就諗住入去睇下玩下啦 點知去到先發現佢維修中,未知幾時先整得返,咁我地唯有繼續行啦@@ 點擊圖片放大 +2 再行多陣,我地就黎到minions區啦 叫就叫做區,其實得一個好細既area,有一間精品店同幾個攤位 精品店就最要賣下D公仔呀,裝飾呀等等 而攤位就有賣爆谷同埋遊戲玩,D爆谷係由一隻好得意既minions裝住,係園區都見唔少人咩住 不過由於都幾貴,我就冇買同玩到啦 點擊圖片放大 +2 再向前行多一陣就去到backdraft啦 嚴格上黎講佢唔係一個遊戲,因為全程都係企係度睇 入面就有分三個地方,睇完一個就行去第二個,頭兩個都係介紹一下果陣佢地係點樣拍backdraft E套戲出黎 最後果個區就模擬返戲入面既一個場景,比你感受一下火場既威力 由於佢全部都係講日文,我地企係度聽其實都真係有D悶@@ 原本我地果日就專登帶多一套杉,就係為左玩佢果個侏羅紀激流既 但係點知去到先發現佢早幾日開始維修,仲要維修一年= = 咁冇計啦,唯有期望一下之後會有機會玩返@@ 點擊圖片放大 冇得玩激流,我地就調返轉頭返去玩back to the future 其實E套戲都真係好耐之前,耐到我有D FD都冇聽過@@ E個機動遊戲其實就有D 似spiderman既,但係佢架車就係定係一個位,跟著就不斷震,搖同埋chok 玩一次都覺得得意既,不過就冇乜興趣玩多次啦,因為其實個機動遊戲都幾舊下,畫質都一般,同埋你會見到有其他車係你隔離一齊搖XD 點擊圖片放大 +2 其實係玩backdraft之前,係門口個staff話比我地聽terminator差唔多整返好,我地就諗住完左back to the future之後去啦, 由於距離開場仲有一D時間,所以我地就去左搵個巨人,MH展 其實果度又係只係得一個細細既area,巨人就有D公仔比你影下相,同埋有得排隊入去睇下戲 不過我地時間唔多,所以就冇排到,只係入左去睇下個MH展 如果鐘意MH既人應該會幾鐘意,佢入面show左唔少裝備既真實版出黎比你影相,不過我地就冇乜研究,所以都係轉左個圈就出返黎~ 之後就到terminator果度啦, 咁入到去都好正常,睇左開頭既片段介紹啦,跟住完左個開頭去第二個area就出事 原來佢又再一次壞左,結果我地最後都係冇睇到terminator@@ 佢就補償左一張express卷比我地,可以入除左harrypotter之外既任何一個遊戲既express隊,叫做賠償返我地浪費左既時間啦/_ 之後就差唔多時間食飯啦,由於要趕返時間去HARRYPOTTER區,所以我地都只係求其搵左一間相對冇咁貴既餐廳入去食 咁我地食既就係pizza,價錢叫可以接受啦,上面加埋晒唔駛1000日元 雖然好似得好少野食,但係都勉強夠飽既 食完飯,我地就差唔多時候入harry potter區啦 E個區係日本環球影城既新賣點,比你可以參觀一下harry potter入面果個Hogwarts 其實入面就係遊戲黎,類似spiderman果款,但係就係有D3D有D真實既模型咁交叉 佢就相對恐怖少少,因為佢架野都係吊腳既 點擊圖片放大 入面排隊果陣,佢就還原左一D電影入面既場景出黎, 例如Gryffindor 既交誼廳,城堡入面識郁果條樓梯等等 等我地排隊果陣唔駛咁悶 點擊圖片放大 +2 影多一陣相之後我地就去左睇魔杖啦 間鋪入面有好多支唔同既魔杖,幾乎有齊晒咁多個主要角色既魔杖,有興趣都可以買返把返屋企玩既,雖然唔知有咩用@@ 點擊圖片放大 最後我地就出返出面影相啦,佢有開去Hogwarts果架火車既火車頭同埋第二集出現果架隱形車,都幾得意XDD 之後我地就出返出面用埋張一次express佢lu~ 4玩完之後出到黎就見到有表演睇,都幾過癮,D表演人員又唱又跳,仲會拉D觀眾一齊出去玩~ 去到最後,當然要去紀念品店睇下啦 原來D魔杖係E度反而會排開晒比你攞黎睇,唔似係得harrypotter區入面分開晒 等你一次過可以影晒同試晒咁多支~ 點擊圖片放大 去完環球影城,我地就出返去道頓堀去坐觀光船LU~ 1由於我地有買到大阪周遊卡,所以可以免費咁搭E架船 點擊圖片放大 +6 架船主要就係係道頓堀既河道來回一下,叫做介紹一下附近既特色同埋歷史 f不過由於聽唔明日文既關係,所以其實都唔太知佢講乜,只係睇下左右兩邊既景色~ 點擊圖片放大 +3 遊完船河之後就當然係食飯啦 我地就去左sweet paradise食甜品buffet 叫就叫做甜品buffet,但係其實都有熟食既,雖然唔多,但係都夠我地食飽 之後就試甜品啦~佢D甜品都算多款式,就算係我食得唔多甜品都試左唔少XD 點擊圖片放大 +3 食完飯之後就繼續我地既旅程啦~ 原本我地諗住去晒梅田空中庭園展望台同埋HEP FIVE摩天輪既, 但係因為展望台係露天,而果陣咁岩又落緊雨,所以我地都只係去左HEP FIVE摩天輪 個摩天輪好得意咁係起係個建築物上面,所以我地要去到個商場再上去先坐到 E個摩天輪又同觀光船一樣,有周遊卡既話係免費既~ 不過由於落左小小雨,所以D玻璃都有D模,同埋望出去都係一般既城市夜景 特別就唔算好特別,不過個景都幾靚XD 係摩天輪望落去果陣,咁岩比我地見到隔離有激安之殿堂,咁就當然要去睇下啦~ 上次去過東京既激安之殿堂,今次黎到大阪既發現其實都差唔多,都係一間特大版既日本城,入面乜都有得買XD 我地行左一陣,買左D野就返左酒店LU 由於實在係太攰,所以今日就冇行到便利店,冇買到宵夜@@ END OF DAY6
