本日行程:千疊夫>和歌山(猫猫火車)>大阪>心齋橋(酒店)>天神橋筋商店街>道頓堀>心齋橋 一覺訓醒,又係時候食早餐啦~ 琴日食晚餐果陣已經有人問左我地係食日式定係洋式,所以我地今日一坐低就有人送早餐過黎啦 點擊圖片放大 佢個早餐都幾豐富下,有一大兜飯比你,加埋落自己燒既魚都幾好食~ 仲有一碗味噌湯,食完都夠晒飽 點擊圖片放大 如果你覺得佢個早餐唔岩食,隔離都仲有D甜品,沙律自動餐,唔駛驚冇落肚 點擊圖片放大 +2 食完早餐,我地就去返一個琴日冇去到既景點千疊夫 因為佢離我地既酒店好近,只不過係行5分鐘左右就去到,所以我地就抓緊時間去望下啦 千疊夫都係屬於果D自然風景既景點,主要都係去睇下果度D岩石同埋海,個範圍都唔算細, 隔離好似仲有間餐廳仔比你入去坐下,但係我地就冇入到去啦 睇埋個千疊夫之後,我地就去大阪啦 不過去大阪之前,我地就順路去一去和歌山站睇E個貓貓列車 (一落車已經有ED腳印帶我地去果個車站XD) 我地去到果陣咁岩有車到,不過就唔係貓貓列車 佢個車站總共有三種列車,分別有普通,草莓同埋貓 咁我地就係搭貓貓列車幾個站,之後就搭返普通列車返黎 等左一陣就見到有貓貓列車到站啦 原本仲應該真係有一隻貓站長,不過由於佢地今日dayoff,所以就見唔到LU 點擊圖片放大 架車入面真係全部野都係貓既圖案黎,佢有一個書架放左一堆有關貓既書,入面仲有多啦A夢XD 係等車返去既中間,我地就食左岩岩等貓貓車果陣買既便當 雖然只係便利店既便當,但係都幾好食,入面既餸都幾岩我胃口~ 睇完貓貓列車之後,我地就出發去大阪返酒店啦~ 再搭左個幾鐘車之後,我地就黎到大阪既天王寺啦,之後再轉車,就去到今晚酒店既所在地心齋橋LU 心齋橋其實就係一個好大既購物區,不過我地就返左酒店先,夜晚再慢慢行~ 我地黎緊E兩晚就係住E間酒店啦,麻雀雖小但五臟俱全,都叫訓得既舒服既,除左個枕頭有D矮之外@@ 點擊圖片放大 +3 之後我地就黎到E個天神橋購物街啦 不過佢就同我地預計有D唔同,原來佢入面主要都係賣日常用品為主,我地由1丁目行到去6丁目都冇乜野睇 野食亦都唔算特別吸引,所以我地除左行過見到有章魚燒同埋鯛魚燒買左黎試下之外,都冇係入面食正餐 點擊圖片放大 +2 行完天神橋之後,我地就去左道頓堀行街兼食飯~ 道頓堀就岩我地行好多,同埋遊客都多好多 去到之後,我地就邊行邊睇下有咩食 最後就選擇左去神座拉麵食啦 點擊圖片放大 (我想知咩叫中國白菜很多拉麵XDD) (同一籣一樣,都係係自動售賣機買左飛之後入去比佢) 神座拉麵好似都屬於出名果D黎,因為我地都唔知邊個好食 所以就簡左佢自稱最好食果個啦~ 佢D叉燒就唔算特別好食,個湯就冇一籣果D咁濃,但係親落D菜同拉麵就好好食! 再行落去就見到一樣出名既四天王同埋金龍,但係我地都食飽晒,所以就冇入去食LU~ (當然唔少得係E度打下卡啦XD) 我地再沿住條路一路行,行下行下先發現原來我地已經行到返酒店果邊 果下先知原來道頓堀同心齋橋係咁近@@ 最後又係每日一宵夜既時候啦~~^^ END OF DAY5
