本日行程:白濱>tore tore 漁市場>南紀白浜 浜千鳥の湯 海舟 今日一早已經要起身去趕車,所以我地早餐都等唔切,要落去大堂問個reception攞 check out之後,我地就攞住個早餐去京都站趕車lu 今日食果個係第二款既和式早餐,唔知係唔係因為要企係度食既關係,覺得佢怪怪地咁@@ (個FRD係車站買既早餐,好似我個B餐加大咁XD) 班車D櫈都幾舒服,仲有得較到好後,所以我地都訓得好舒服XD 搭左兩個幾鐘車,終於都黎到目的地白濱LU~ 我地既第一站就係去巴士站隔離既辦事處寄行李去酒店 16個行李一齊寄好壯觀XD 點擊圖片放大 +2 寄完行李之後就搭巴士去漁市場LU~ 入面其實都算幾大,除左新鮮既海鮮,仲有一D海鮮類既產品,例如係一D魚籽,魚肉罐頭等等 咁佢E度就有一個小型既燒烤場,比少少錢就可以比你即買即整黎食 而另外一面就有一個food court,如果你唔想自己整都可以過果邊買D熟食既 由於果日太多人,我地入去果陣又唔記得攞定位,所以買完野出去諗住燒先知要等位 咁等既時候我地就走左去food court攞左岩岩買果盒鯨魚肉食 鯨魚肉應該只係得日本有得食 唔知係咪因為佢真係好新鮮,食落去其實都幾血腥,加左D豉油同薑先好D 其實味道就唔係特別好,只係叫做試下@@ 等左一陣,終於有得食XDD 我地買左唔算多既野食,但係可能因為要等佢慢慢燒,所以都好似用左差唔多個幾鐘黎燒 所以最後個行程delay晒@@ 我地原本諗住返左酒店先再睇下時間出去 但係點知再出去果陣落大雨 所以最後都係冇去到,只係第二日去左千疊夫睇下@@ (搭車途中見到XD) 點擊圖片放大 +3 係漁市場搭多一陣車就到左我地今日住既溫泉酒店 海舟 啦 酒店係位於草原の湯站,都算離JR站幾遠下 周圍只係得其他既旅館同埋民宅,想搵個地方買野食都冇 咁叫得做溫泉酒店,溫泉當然係其中一個賣點啦 由於大雨得滯,所以我地冇出到去睇其他景點 就變左留返係酒店浸溫泉啦~ 佢入面有分男湯,女湯同埋男女湯既,咁男同女湯就唔可以著杉,男女湯就要著一件佢比既大毛巾包住個身 我就淨係試左男湯,入面都有分幾個唔同既池,聽講話有唔同既功效,係D咩就唔記得啦XDD 浸完溫泉出到黎就見到有D人坐左係度食雪條,原來間酒店係提供埋免費雪條比人浸完溫泉之後食 總共有兩種唔同既味道,我地每樣都試左一條先走XD 食完雪條之後就係時候食晚餐啦~ 今晚既晚餐非常豐富,有D咩可以睇下上面張紙(利申:唔識睇XD) 所以我地都懷住期待既心睇下有咩食 首先就係一D前菜比你清一清口入面既味,等你可以試真D之後既主菜~ 之後就到第一樣主菜 刺身船啦 咁一條船就兩個人share,佢都好貼心咁每一樣刺身都係雙數,咁我地就可以食晒咁多種唔同既魚生啦! 食完魚生之後就有牛肉煲,佢係比左一個煲你等你自己落D料落去 入面就有三塊牛,果三塊牛係熊野牛黎,入口即溶,加上個煲既濃湯湯底,非常好食! (E兩樣我完全唔知係咩黎,只係知道中間果舊野好軔,咬左勁耐先食到@@) 再之後就有一碗細細地既飯(冇記錯應該係鰻魚飯@@)同埋湯, 食埋E兩樣野大家都好飽LU~ 最後當然唔少得日式既甜品啦~ 唔好睇右邊好似生果盤咁,其實底下係布甸黎,兩樣野都好好食:D 原本最後打算係上房休息一陣,再落去浸溫泉同埋食佢果個叉燒拉麵既宵夜,但係可惜太攰上到去已經訓著左T^T END OF DAY4
