本日行程:二條城>奈良(lunch+奈良公園,)>京極,新京極 一朝起身,當然又係食早餐啦~ 不過因為個早餐同琴日一樣,所以就唔再講啦 今日第一個目的地係二條城,曾經係德川家康既居所 點擊圖片放大 +2 入面真係好大,我地主要就參觀左間果個二之丸御殿, 入面有分唔同既房,係各有唔同既用途,用黎接待唔同身份既客人 另外我地仲行左入去城入面參觀一下 不過就主要係入面既庭園,就入唔到個殿入面睇 離開左二條城之後,我地就出發去奈良LU~ 我地係第一日就買左一張JR西日本pass 咁就可以係7日內任搭JR西日本既線路,非常方便! 由京都去奈良大約需要2個小時 所以我地都捉緊時間係車上面訓覺XDD 到左奈良之後比我既第一個感想係好靚同埋冇人 我地去果一日係星期六黎,但係條街上面可以一個人都冇 就算係車站附近人都唔算多 唔知係因為原本已經係咁樣定係果日遊客特別少@@ 係行去奈良公園既途中,我地先食左個Lunch~ 原本係想去一間叫做平宗既店食壽司既 但係由於佢冇晒位,所以我地就求其係商店街搵左一間望落幾古色古香既鋪仔 入到去,完全有種深夜食堂既感覺(外觀上~) 入面係由兩公婆打理既,我地叫既野食個伯伯就係我地前面整 雖然我地叫既並唔係D咩貴野,但係佢都好用心咁整比我地食,味道亦都非常好! 我地食完走果陣講左一句好食,佢地兩個就笑得好開心~ (P.S. 我地比錢果陣佢地完全冇係我地面前數過,日本人真係好信自律性@@) 點擊圖片放大 食完飯再行多15分鐘左右,我地就到左奈良公園啦! 奈良公園主要係比D遊客睇鹿同埋同D鹿仔玩 另外仲可以用150日元買D鹿餅喂佢地食 班鹿仔見到D餅就會沖埋你果度,好得意XD 原本我地計劃去埋東大寺同埋春日大社既 不過大家都同D鹿仔玩得好開心 另外果兩邊都有好多人,同埋大家都好似冇乜興趣再睇D寺 所以最後都係冇去到,玩左一陣鹿,行左一陣商店就走左LU~ 點擊圖片放大 原本我地係計劃去完奈良就返去錦市場既,不過當我地去到錦市場果陣都已經閂得七七八八,所以我地變左係新京極自由活動,食飯+行街~ 入面都幾多野行,有手信,日用品,化妝品,etc, 點都有樣野會岩你行 真係睇唔岩入面都仲有好多野食比你簡~ 我地行左一陣,由於實在太肚餓,所以就搵左間野入去食 點擊圖片放大 +2 今次食既係大阪燒(係京都食大阪燒,反而係大阪就冇食到@@) 第一次係日本鋪係大阪燒,先知原來佢係會係你張枱度整比你食 我地就好興奮咁睇住自己果個大阪燒係面前燒熟 由於驚唔夠飽,我地仲專登加左個面係入面,所以會見到D相有面XDD 食飽之後就繼續行街啦,不過由於佢D店都好早收 差唔多8點半都收左7成,所以我地有D人都選擇返酒店 我就同幾個FD行多左一陣,見冇乜野行都返左酒店LU~ (臨走買左個小燒餅黎食,入面D蓮蓉幾好味~) 是日宵夜XDD END OF DAY3
