本日行程:平安神宮>祢ざめ家>伏見稻荷神社>清水寺(二年坂)>日月庵>八坂神社>花見小路 一朝起身,梳洗之後就等酒店送早餐上黎 早餐就有分三種,兩種和式同一種洋式 咁黎到日本就當然係食和式啦 今日就試左第一款,味道都唔錯,不過就細份左D 食完早餐就出發LU~ 今日第一個景點係平安神宮,咁我地就買左張一日巴士PASS,成日就可以同果張卡搭巴士周圍走~ 張飛後面就冇有效日既 你第一次用佢搭車果陣就要入落部機度 咁部機就會打個日字上去 之後就只係需要show個日期比司機睇咁就得嫁啦~ 點擊圖片放大 搭左一陣巴士就黎到平安神宮啦 入面都幾大下,仲有一個花園,不過就收費入場既,我地都冇乜興趣,所以都冇入到去 反而大家就好有興致咁整左個紀念幣留念 之後我地就去左搭地鐵去伏見稻荷食lunch同埋參觀神社, lunch我地就去左出名食鰻魚飯既祢ざめ家, 由於我地一行人太多既關係,所以我地一早已經book定位 去到就有得入去坐~ 點擊圖片放大 飯既份量就唔算好多,但係都夠食飽我地既 入面既鰻魚真係燒得超好食! 點擊圖片放大 +2 係祢ざめ家向前行左一陣就到左伏見稻荷神社,個神社係係座山上面 由於行上去太攰同埋時間唔算多 所以我地都只係行左去睇下好出名既千鳥居就算 每一個鳥居都有寫係邊個捐錢同埋起既日期 一排鳥居望埋去都真係幾震撼! 行完神社,跟著就行寺XDD 下一個目的地就係清水寺 原來清水寺距離個地鐵站都幾遠下@@ 行去清水寺既途中,經過二年坂 入面係一條商店街,係度買下手信都係一個唔錯既選擇~ 點擊圖片放大 +2 幾經辛苦,終於爬到上山,去到清水寺! 雖然係好攰,但係係寺望出去既景色真係好靚, 係另一邊望過去清水寺都好壯觀! 點擊圖片放大 +2 行完寺之後,我地就走左去附近既日月庵食懷石料理 E間野係出名在於以相對優惠既價錢去食懷石料理,咁就未必比得上出面好貴果D懷石料理嫁啦,不過就叫做試下係乜野黎咁 我地叫既E個湯豆腐料理就相對清淡一D,有少少魚生,豆腐煲,天婦羅等等既野食,味道都唔錯 飽就唔算好飽,叫夠食咁啦~ 食完飯出返黎,外面D鋪都已經關晒 果陣只不過係7點幾! 所以唔好諗住食完野再行街啦@@ 食完飯,我地就一路行去八坂神社轉個圈 大家E兩日都行左好多唔同既神社 所以都冇乜興趣睇好耐 同埋都已經行左一日,都攰啦 所以都只係叫左入去望一望,跟住就去最後一個景點啦~ E條就係花見小路啦 其實我地黎E度都只係想撞下彩,睇下會唔會見到D藝妓 今次都唔知叫唔叫好彩,我地見到有藝妓係前面行過,不過就只係見到背面,見唔到正面@@ 一日既最後,當然唔少得去便店買野食啦~ END OF DAY2
