事隔兩年,再一次去旅行,再一次去到日本!!! 今次就唔再係去東京啦,而係去到一樣咁受歡迎既京都,大阪,和哥山(白濱)同埋奈良. 我地既安排就係首先去到京都,之後再去奈良,白濱,最後就去大阪. 本日行程: 香港>關西空港>JR京都駅>觀光小火車>天龍寺,野宮神社,渡月橋>東映太秦映畫村>酒店>本格燒肉 今次由於唔係跟團,大家都想慳返D錢,所以我地係搭peach去既 peach通常都係凌晨機,去到日本就岩岩好天光,咁就唔會晒左一日 但係就要睇下你個人會唔會好易攰,因為peach 既位唔算好坐,同埋都幾難訓到 所以好唔好就見仁見智啦 (架機得A至F,30排,都真係幾細@@ 不過其中一個好處就係落機唔駛等咁耐XD) peach既機會降落係關西空港既T2,冇連接橋,需要自己行小小路先會入到去過海關 T2基本上可以話係乜都冇 所以我地攞完行李之後就快快手搭連接巴士過返T1買車飛同早餐 點擊圖片放大 由關西空港去到京都需要差唔多兩個鐘,所以食左早餐,睇左陣風景就訓著左~ 訓醒就黎到京都LU~ 行左一陣,我地就出發去第一個目的地:觀光小火車! 點擊圖片放大 +2 由於上一班車full左 所以我地要等一陣坐下一班 點擊圖片放大 車入面係咁既,由於已經劃晒位 所以唔駛爭上車爭位坐~ 觀光火車主要都係睇下D自然風景 就算我唔太識欣賞都覺得好靚好舒服~ 落左車之後,我地就去左天龍寺 不過由於唔夠時間既關係 我地只係係出面影張相就走左LU~ 之後就行左去野宮神社 入面其實得好細,所以我地都係轉左個圈就走左 行完神社就係時候食飯啦 我地見到有間鋪有喬麥面就行入左去食 由於我地睇唔明個餐牌既關係,我地都係求其跟價錢同個樣簡 最後我就簡左上面個款,食落怪怪地,不過我D FD就話佢地果個唔錯@@ 食完飯親仲有D時間,就拿拿臨去左渡月橋 個景真係好靚,不過就有唔少遊客係度 搞到有D嘈@@ 下一個行程就係去映畫村~ 我地就搭左類似輕鐵既嵐電去 去到第一時間當然係睇kamen Rider 啦XD 不過為免太毒,都係放一張圖算XP 原本佢出面仲有其他表演睇 不過因為佢落雨既關係,所以冇晒 其實佢仲有唔少野玩,但係可能因為大家都覺得貴同埋攰,所以我地都冇入到去玩 之後就搭車返酒店啦 酒店位於四條大宮,交通非常方便! 間酒店就叫village Kyoto,不過原來我冇影到酒店個樣@@ 間房就話大唔大,話細唔細,叫夠位訓晒4個人啦~ 休息左一陣,我地就出左去食燒肉LU! 係酒店附近就有巴士搭去,5-10分鐘車程就到 今次我地食既就係E間本格燒肉 入面係燒肉放題,不過我地都係睇唔明D GOOGLE Translate既中文同埋日文 所以都係求其叫XDD 點擊圖片放大 野飲同埋野食都係任叫,食到勁飽咁返酒店~ 酒店附近有間24小時既小型超級市場同幾間便利店 我地入去行個圈,買左小小野食同野飲就返左酒店訓LU~ END OF DAY 1
