本日行程: 江之島 (江之島神社, 岩屋, 暸望燈塔, 恋人の丘「龍恋の鐘」)→ 澀谷 因為day6 既行程只係係酒店出機場, 所以今日可以話係日本之旅既最後一日啦 今日就係江之島一日遊, 由於衡量過時間, 我地應該唔會夠時間去埋鐮倉, 所以決定只係去江之島玩 (又係1 day pass出動既時候!) 點擊圖片放大 +4 我地係新宿搭到去尾站藤澤, 之後再轉對面條線去到江之島 係藤澤落車果陣仲好憨居以為要係第二個車站轉車, 點知原來對面線就係...... 江之島個站設計得好特別, 聽講好似係根據龍宮個傳說黎設計既~ 點擊圖片放大 +4 之後就係一路行去江之島啦 個距離就唔算遠既, 但係都要行大約15分鐘先會到個島到 (我D朋友話有D似去到澳門既感覺@@) 行左一陣街之後, 就買左E個女夫饅頭食啦 貴就唔貴, 但係我覺得冇乜特別..... 點擊圖片放大 +2 之後就一路向住山前進啦, 其實江之島座山都算幾大, 佢幾乎所有景點都係座山上面, 所以基本上黎得都會行上去 咁我地就有1day pass可以搭電梯, 但係比得你搭電梯既位得好少, 大部分都係要你行上去既 (行上山既中途都有幾座寺/神社比你睇下拜下既~) 點擊圖片放大 +6 (中途見到個吻仔魚雪糕就買左黎試下, 有D咸有D甜, 個感覺都幾特別) 點擊圖片放大 +6 行到去山既另一面, 就到左正式既第一個景點, 江之島既岩洞啦 1day pass既可以免費入場, 唔係就收500日元既入場費 參觀完之後發現如果真係比500日元入場既會有D唔抵 點擊圖片放大 佢有分開兩個岩屋既, 第一個岩屋就有個位既路係冇燈, 要你手持上圖既蠟燭行入去 入面仲要好矮, 連唔高既我都要鄔低身先行到入去 入面就主要係睇下以前D人供奉既佛像, 大大小小既佛像就係供奉係E個岩洞入面 點擊圖片放大 +4 係第一岩洞再行一段路就到第二岩洞 入面除左佛像之外, 仲有一個鼓 相傳話你許完願之後打兩下個鼓, 如果兩下都有聲既話你個願望就會成真 但係我發現基本上個個打佢都會有聲既, 所以信唔信就...~ 點擊圖片放大 +3 行完岩洞都已經3點, 所以都冇話特別簡邊間野食, 咁見到E間野個景都幾靚, 同埋有吻仔魚飯食, 咁就入左去 E家諗返, E餐應該係咁多餐中最唔好食既 吻仔魚飯係類似白飯魚咁樣既, 試過一次下次都係唔會再食 個蟹湯就水蟹黎既, 味道麻麻@@ 不過果度個景就真係幾靚既, 食食下仲見到有戰鬥機係上面飛過~ 點擊圖片放大 食完野就行返出去啦, 順住路行入去睇龍恋の鐘 聽個名就知係比戀人去敲, 之後就唔會分手果類既野啦 咁我地4個男仔當然就冇興趣敲啦 (利申: 非hehe) 點擊圖片放大 +2 係江之島既最後一站就係去個瞭望台, 雖然個塔唔係好高 但係因為佢個base已經係山上面, 所以其實可以望到好遠 咁岩我地上去果陣差唔多日落, 所以可以睇到同影到好靚既景色~ 點擊圖片放大 +6 日本最後既行程就係去澀谷行下街同埋食飯啦 原本我地就想試下日本既一蘭既, 不過由於太多人等位啦, 所以最後我地都係冇食到, 而係去左食迴轉壽司 點擊圖片放大 E野間就唔算貴, 但係款都唔多, 質素叫做ok啦~ (行行下見到有人係度拍mv, 係日本5日見到兩次拍野, 係香港咁耐反而冇見過@@) 最後係澀谷行多左一陣, 買下野就走返酒店lu~ (又見到我女神 ) (最後一日宵夜當然要食好D啦XDD) Day 6: 本日行程:成田機場→香港機場 由於第二日係10點幾機, 所以我地一早就要起身去機場lu~ 因為我地黎果陣買既係來回飛 所以都係搭返skyliner走~ 點擊圖片放大 +2 走果程唔知點解快過黎果程, 差唔多半個鐘度就去到機場 最後都係一D機場既相~ (果陣係係E度買車飛既~) 點擊圖片放大 +4 返香港lu~~~ 感想: 我都估唔到自己咁快就會去多一次東京, 果陣plan去日本原本係打算去九州既, 但係熊本就係前果排地震完, 去果度玩又好似唔係幾好, 去九州唔去熊本又好似少緊D野咁, 所以最後都冇去 (之後有朋友同我講話其實果陣去仲好, 幫手振興佢地經濟, 但係我果時諗唔到E樣野@@) 其實去到東京都好既, 正如我開頭講, 上次跟旅行團其實好多地方都冇去到, 今次就可以去返睇下行下, 都算幾好xd 下次如果再去日本就希望可以去下其他地方啦, 例如沖繩, 北海道或者九州啦!!
