本日行程: 築地→銀座→秋葉原→淺草→skytree 因為今日全日地方都可以話可以用東京既地鐵到(唔係JR), 所以就用左E張24小時任搭既飛啦~ 首先第一站就係黎到築地市場啦 因為佢係今次大約11月左右就會搬, 所以就襯佢未搬之前黎一次啦! (市場入面係用ED車仔搬貨既, 好得意xd) 其實我地去到果陣已經算係遲, 差唔多8點 所以可以見到壽司大同大和都已經勁多人係度排隊 咁我地當然就冇排啦, 走左去繼續行睇下有咩食 之後睇過網上D介紹E間虎杖都唔錯, 所以就決定試下 去到先發現原來E間野係築地有7間分店, 仲要唔係每一間都賣同一樣既野 咁我地又冇乜特別要求, 咁就求其入左一間分店啦 其實簡E間分店其中一個原因係經過果陣見到兩個老師傅係度整緊壽司 我D朋友就話比佢地D氣場吸引左xdd 點擊圖片放大 咁我就叫左個魚生飯啦, 其他人就叫壽司 其實價錢同份量都差唔多, 只係我貪佢有海膽食先叫:D 果然近海市場, D魚生的確係新鮮D同好食D既~ 雖然價錢都算貴, 不過一分錢一分貨啦! 食完之後見到門口有玉子燒賣, 唔係貴就買左一個試下 味道有少少偏甜, 不過係接受程度之內既, 都幾好食~ 再之後就行左去睇下個市場, 轉左一個圈 其實都係一個普通既魚市場啦, 同香港果D差唔多 不過E度D魚好似就大條好多XD 行完築地市場之後就打算去銀座, 點知比我地見到個本願寺既路牌, 咁就決定行去望下啦 入面咁岩有個大師講緊經, 我地坐左係度聽一陣, 發覺再坐係度應該會訓著, 所以就拿拿臨起身走人xp 點擊圖片放大 下一站就係銀座啦, 其實銀座全部都係貴野同百貨公司, 我地係有個朋友想去果邊搵野先會過去 可惜既係最後都係搵唔到, 咁都冇謂係度晒時間, 留左個零鐘就走左lu~ 點擊圖片放大 下一個景點係秋葉原啦, 雖然上次都黎過一次, 都係果D動漫同電器, 我都冇話有D咩要買, 不過上次就冇去到女僕cafe, 今次就決定去挑戰一下! 點擊圖片放大 咁就衆所周知入面係唔比影相既, 所以就只係影左D野食 可能見到我地唔係日本人, 所以一開始搵左個鬼妹黎serve我地, 佢仲要用英文同我地講野- -" 我心諗黎日本去女僕cafe聽英文好似怪怪地咁, 好彩之後都有D日本既侍應過黎@@ 咁我地就用僅有既日文同埋英文同佢交流啦 都叫勉強傾到下計既, 不過可能因為咁樣講野好辛苦既關係, 所以係開頭傾左一陣就冇再黎lu@@ 野食就預左唔會好食嫁啦, 我叫果份就有小小伏, 反而正常叫蛋包飯既就幾好食 下次有機會都係叫蛋包飯就算~~ 食完野之後, 行左一陣機舖, 同埋個fd搵完要買既書之後, 就向住skytree進發啦 點擊圖片放大 不過因為要用張24小時pass, 所以我地中途經過左淺草, 見天氣都唔差, 就決定上多一次觀光中心睇景啦! (重點係印相!XDD) 點知去到都係話落雨唔出得去, 不過就咁係個室內既觀景台睇都幾靚 睇睇下仲見到有電視台係度拍野xd 點擊圖片放大 之後就趕去skytree啦 因為日本D野都好早收既關係, 所以成日都驚去到已經閂左門, 好彩去到果陣都仲開緊, 咁我地就去左個food court食晚餐啦 食既野同上次係同一間, 估唔到3年之後佢都仲係度, 都幾好野xd 點擊圖片放大 之後又係例牌既淨行唔買野既JUMP shop啦, 入面多左好多我的英雄學院既精品, 睇黎佢係日本都真係幾紅 睇完之後就趕係佢收工之前買左一set 香蕉蛋糕啦 又係上次黎果陣冇買到, 今次一於買返黎試下 返到去開黎食又真係幾好食! 點擊圖片放大 最後就行左出出面睇下sky tree咩樣啦 今次都係第一次睇sky tree 既夜景, 因為又係有D雨既關係, 所以望唔到個頂 D燈照出黎好似個塔頂發緊光咁xd 最後當然又係食宵夜啦~ 同場加映我女神一隻 End of Day 4
