本日行程: 藤子．F．不二雄博物館→明治神宮→原宿→東京鐵塔 由於第一日係淺草既lawson買左12點既飛 所以今日唔駛咁趕出門口, 可以訓晏D 點知就係咁差D遲到= = 點擊圖片放大 +3 正如岩岩所講,由於就快遲到, 所以都係決定行過去而唔等車 係途中就見到一架返去既車 係多啦A夢呀! 行左10-15分鐘到就見到啦 其實望落去好平凡, 唔知既人點都聯想唔到佢係藤子．F．不二雄既博物館 (之前係lawson買定既飛~) 點擊圖片放大 門口外面有D小裝飾~ 咁岩我地去果日係胖虎既生日! 跟住之後入到去就唔比影相啦 入面係一D藤子．F．不二雄既手稿, 除左多啦A夢之外, 仲有佢創作既其他漫畫 咁當然最受歡迎既一定係多啦A夢啦~ 點擊圖片放大 +4 之後出到外面終於可以影返相啦 出面有好多唔同既多啦A夢擺設, 有D係還原返漫畫既場景, 有D就係佢D法寶 每一個位都可以比你影相 可能因為我地簡既係12點果節, 所以其實都幾多人, 如果想去到冇咁多人一齊逼既話, 記得簡返10點果節呀 點擊圖片放大 之後就入返室內睇佢個電影啦, 話係電影既其係一段小片段, 入面就有幾個唔同漫畫入面既角色 雖然唔係好識其他既角色, 但係段短片都幾得意既~ 室內仲有D影貼紙相呀, 扭蛋機, 出口仲有間精品店比你買下野~ 點擊圖片放大 +5 到走果陣見到出面有架巴士未開, 但係佢係其他角色既巴士 咁我地都唔係趕時間, 所以決定等多一班先上 好好彩比我地等到多啦A夢既車, 入面既野都係有多啦A夢個頭係度嫁XD 架車就係返登戶站既, 返到去其實都已經差唔多3點 咁我地又求其搵左間舖就入去食啦 今次E間就食飯既, 我就叫左個芝士豚肉飯, 食完既感覺就係好咸==" 下一站就係明治神宮啦 因為上次黎原宿果陣冇做咩資料收集, 唔知原來明治神宮係咁近既, 所以就冇去到 今次就補返啦~ 明治神宮其實就係正JR原宿站隔離, 行唔夠5分鐘就見到神宮橋 同其他唔同既寺同宮一樣啦, 入面都係好大既 但係其實好多位都係林道黎, 比人一種親近大自然既感覺 點擊圖片放大 +5 (我第一次見到維修塊布可以咁靚@@) 點擊圖片放大 +2 行完神宮之後就出返原宿行街, 今次先發現原來上次行果陣見唔到E個咁靚既車站 (雖然隔離出口都好靚~) 點擊圖片放大 +5 今次比起上次行多左好多地方 可能因為上次太早去D舖未開門啦, 其實我覺得原宿有D似香港既MK, 連鎖店唔多, 好多人都係個人經營既店 當然點都會有連鎖店, 但係比起澀谷, 新宿果D地方少好多 行左3 4個鐘,買左D野之後就向住東京鐵塔出發啦~ 點擊圖片放大 今次係我第一次黎東京鐵塔, 上次因為跟團冇黎到, 今次就可以黎睇返啦 專登安排左夜D過黎就係因為可以睇到東京鐵塔同埋東京既夜景 可能因為已經睇過好多次ED 既夜景, 靚就係靚既, 但係對我黎講已經冇乜特別@@ 點擊圖片放大 +3 上到中段佢會有兩層比你參觀, 高D果層就係正常既燈光, 矮D果層就好似上面D圖咁係藍色既燈光 其實都幾靚, 但係睇得耐會令到隻眼好痛= = 可能得我係咁啦@@ 點擊圖片放大 +3 之後落返黎去果個one piece 既舖度睇下野 由於我地去果陣個one piece展唔知要維修定係更新既關係所以冇開, 咁就唯有係出面影下個牌啦 到我地影完相落去下面睇下有咩買果陣都9點幾, 比完我地入去之後就閂左門唔比人入 好好彩趕到尾班車xd 快手睇完買左D精品之後就走lu~ 因為我地係東京鐵塔走果陣都差唔多10點, 唔駛問好多舖都閂左, 我地又唔想食吉野家果D頹飯 結果就食D更頹既野, 係超市買特價壽司xd 雖然係特價野, 但係其實都幾好食嫁! 當然除左壽司之外, 仲有布丁啦!!!XD End of Day 3
