本日行程:橫濱(杯面博物館, 紅磚倉庫, YokohamaWorld Porters, 山下公園, 冰川丸, 山手西洋館)→ 池袋 (SunShine City) 點擊圖片放大 經過左琴日落足成日雨, 今日個天氣好好! 冇雨得黎又唔晒, 仲有D涼風, 非常舒服! 今日就係橫濱一日遊! 因為大家都唔想咁早起身, 所以都係買個飯團當早餐算數~ 點擊圖片放大 咁去橫濱就有好多方法既, 我地就簡左係澀谷轉東急線 個路程都幾遠下, 搭左差唔多成個鐘車先到! 點擊圖片放大 其實橫濱都真係幾有郊區既feel, 路上既行人都唔算多, 可能因為果日係平日啦~ 行下行下就行到去觀光船既乘搭地點, 佢有分唔同既目的地, 都係一D近海既景點黎 因為我地想行下既關係, 所以都係冇搭到 點擊圖片放大 +3 再沿住路行多一陣, 過左條橋就到左杯面博物館啦 可惜既係果日係休館日, 冇得入去....... 點擊圖片放大 跟住就向住紅磚倉庫既方向行, 中途行左去一個類似商店街咁既地方 外面睇起上黎冇乜人, 但係其實有好多人係入面行緊同埋等緊位食飯 我地見到咁多人都廢事同佢地一齊等位 係入面D店舖轉左個圈就出返黎 點擊圖片放大 +2 再向前行多一段仔路就見到紅磚倉庫啦! E幢歷史建築物已經唔再係倉庫, 而成為左一個商場 有D人可能會覺得其實活化又唔一定要變做商場既 但係我覺得E家多左人黎對E個地方黎講都係一件好事黎既 其實佢周圍既環境好靚, 就算唔鐘意行商場既人係外圍行下都好舒服! 點擊圖片放大 行完紅磚倉庫之後就去左食晏啦 因為我記得附近有個商場都有D野食, 又有人推薦入面其中一間既壽司, 所以就決定行過去睇下 行到去壽司店, 發現其實都幾貴, 咁我地琴日又食左餐貴野, 於是就再行下睇下有咩食 再行前少少發現有個food court, 咁food court D野都唔會貴得去邊, 咁就決定入去食啦 點擊圖片放大 入到去之後發現左一間食拉面既價錢都ok,咁大家都決定食拉面 雖然價錢唔貴, 但係都幾好食! 點擊圖片放大 跟住之後就係一路行去山下公園, 中途見到D得意既建築物就影低左 之後係日本睇電視先發現原來佢地係有D特別野, 好似話個頂分別係皇帝, 皇后同埋士兵 不過我就冇影到個頂啦 點擊圖片放大 +3 之後就黎到山下公園行啦 個景色係幾靚既, 但係就好似冇乜特別 可能係我唔識欣賞啦 聽講佢仲有個穿紅鞋既小女鞋既故事 不過我就冇深究啦~ 再行前D就係冰川丸啦 聽聞佢係以前既客船黎 不過E家退左役後就做左一間類似博物館既野 介紹一下之前既客船係咩樣 (E度都係其中一個觀光船停既站~) 點擊圖片放大 +6 入面其實好大, 佢就開放左部分既位置比我地睇 唔係行晒成架船應該都唔止半日! 點擊圖片放大 +2 最後就係橫濱既最後一站, 山手西洋館啦 其實行上山果陣見到已經5點都心知不妙 果然上到去發現5點已經閂左門 唯有係外面睇下叫做去過啦...... (行去山手西洋館既途中買左支Dr. Pepper黎飲, 發現真係好難飲, D咪同乜乜枇杷密沖水差唔多 最後都係飲唔晒就掉左....) 落返山之後就冇再行D咩, 就趕係pokemon centre收工前去到 所以就拿拿臨去搭車出池袋 點擊圖片放大 +6 好彩去到果陣先係7點幾, 都仲有D時間可以慢慢行 其實入面就主要都係賣下D精品既, 咁一場黎到買下野都唔係好過份姐xp 行返出黎果陣都已經係8點幾, 大家都肚餓, 咁就求其搵左間舖入去食 結果晚餐都係食拉面@@ 點擊圖片放大 +2 好肥膩既感覺! 好彩我仲有大把quota XP 食完野之後, 再行多一陣街就係時候返酒店lu~ 今次我地冇去到7仔, 而係去左附近既aeon買宵夜, 入面D野平過便利店好多! (櫻花蝦味同印尼蝦片差唔多味@@) End of Day 2
