大學畢業, 當然要同D朋友去下grad trip啦 今次grad trip 就去左兩個地方, 分別係東京同泰國 咁E家就講下東京先啦! 雖然話幾年前已經去過一次東京, 但係因為果次係跟團既關係, 其實好多想去既地方都冇行到, 咁所以今次就黎返個自由行, 一於自己plan下想去邊度玩! 我地5日既行程分別係: Day1: 淺草, 台場, 新宿(食飯) Day2: 橫濱, 池袋 Day3: 川崎市, 原宿, 東京鐵塔 Day4: 築地, 銀座, 秋葉源, Skytree Day5: 江之島, 澀谷 Day6: 返香港 大致上就係咁啦, Detail既行程就留返果日果篇先打啦! 好啦,首先就係Day1: 本日行程:香港機場→成田機場→新大久保(酒店)→淺草(淺草文化觀光中心,雷門寺)→台場(Decks Tokyo Beach,自由女神像, 富士電視台, DiverCity Tokyo Plaza)→新宿(南蠻亭) 由於比較過國泰同廉航, 發現價錢唔係同國泰學生飛相差好多, 所以最後都係決定坐國泰, 仲有20kg既行李寄倉tim! 去到果陣見到落雨, 希望遲D會停啦! (結果落足成日......) 點擊圖片放大 +2 到機場既第一步就係買車飛, 今次我地就簡左skyliner + 地鐵一日券既組合, 搭skyliner去上野再轉山手線, 不過經過今次發現skyliner D 凳唔太好坐, 下次如果有機會都係坐 N'EX 算, 反正價錢又一樣 因為我地唔係好夠時間食早餐, 所以大家都係係7仔買左個飯團食就算(同上年一樣@@) 由於睇唔明日文, 所以都係求其簡, 其實係日本, 求其簡都唔會話中咩伏, 佢地便利店D野都好好食! 之後就搭到去上野轉山手線啦, 不過果陣plan既時候冇諗到係上班時間, 結果我地就攞住個gip同D上班族一齊逼山手線, 逼到我地到左站都冇位落, 要去到下一個站搭返轉頭..... 咁逼, 當然就影唔到相啦, 之後去到酒店, 放低左D行李, 先有時間攞返部相機出黎影下相 E度就係新大久保站啦, 酒店個樣會遲D再放上黎 之後第一站就係行淺草, 雖然上次都去過, 但係行多一次都ok ge 咁去到之後就去左淺草文化觀光中心, E個地方我都係search 資料先發現, 聽人講上面個景幾好, 咁就一於上去望下, 反正又唔駛錢 結果由於落雨既關係, 佢個戶外觀景台唔開, 咁就只好留係室內睇景啦~ 其實望出去個景都好靚既, 可以望到淺草既全景同埋skytree, 只不過今日落雨就睇唔到Skytree啦, 之後仲會再黎一次, 到時就睇得好清楚! 雖然佢入面唔大, 但係個設計都令人幾舒服 入面仲有一部印相機, 30日元可以印一張, 如果大家都覺得好正XD 咁之後就落左去行淺草同仲見世通啦, 好可惜既係雷門正值維修, 唯有隔住個幕影下相 果陣D雨都仲落緊, 我地係咁意行過左仲見世通就行左入隔離D商店街啦 行過見到個鯛魚燒好似都幾好食, 咁就買左一個試下, 味道都唔錯~ 之後就行左去淺草寺望下, 上次都冇乜點睇過, 今次就入左去睇下 求左支簽, 攞左支吉簽xd E個先知個兜係裝水用~ 不過因為落雨, 都冇留好耐就去左下一站啦 原本既打算係淺草搭觀光船去台場既, 不過大家覺得落雨都冇乜景好睇 所以最後都係決定搭車算 我地就買左E張一日遊既券, 抵唔抵用就見仁見智啦, 因為佢地站都唔算遠, 同埋D景點都唔係exactly係個站隔離, 行得一段路去景點, 再行多一段仔路其實都到下一個站, 咁如果行多陣路都冇所謂既其實又唔需要特別去買 我地既一步就係搵飯食 因為果陣都1點幾2點, 大家都有D肚餓,所以就打算啦啦臨睇下有咩食啦 去到Decks Tokyo Beach, 入面係兩邊既商場 由於之前見到D介紹話和幸都幾好, 就打算過去望下 結果見到和幸之前, 就比D魚生飯吸引左去隔離食魚生啦 黎到東京正式食既第一餐就係築地玉壽司啦 (之後先知原來係連鎖店黎@@) 佢入面有得簡任食, 男女個價會差少少, 不過由於時間唔岩, 我地就簡左魚生飯黎食 點擊圖片放大 可能因為我地去到果陣都冇乜人, 所以個師傅都可以慢慢咁整比我地食, 我地真係覺得個魚生飯超好食! 仲有我果陣應該係第一次係海膽, 食落一D都唔腥, 返黎香港應該就唔敢食啦@@點擊圖片放大 +2 食完之後就係個商場入面行下, 發現佢有一層叫做台場一丁目商店街, 專係營造一個懷舊既氣氛, 入面仲有好多以前既零食賣~ 下一站就係自由女神像同富士電視台 可能因為落雨同太近海既關係, 行到過去真係勁大風, 差D連把遮都吹走, 好勉強咁影左兩張相就去左富士電視台 結果係富士電視台仲大風, 連把遮都吹彎左 結果都冇乜點參觀就走返落去 之後就行左去未來科學館, 不過因為行到過去果陣都已經差唔多閂門, 加上入場費都唔算平, 所以就冇入到去, 只係係外面睇下就算 台場既最後一站就係Diver City啦, 即係睇高達 其實上一次黎果陣都已經睇過, 今次再睇都仲係覺我好震撼, 連我e個唔睇高達既都覺得好型! 上次好似冇乜點影到高達館入面有咩賣, 今次補返XD 之後就離開台場啦, 離開之前見到d雨細左, 所以就去多次海旁睇下景 點擊圖片放大 就咁係海邊望出去都好靚! 今日最後既行程就係去新宿食飯 由於我地都冇plan過要食咩, 所以都係去到先諗 咁有個朋友既朋友就推介左附近一間既燒肉店, 我地就決定去試下 點擊圖片放大 +4 E間就係果間居酒屋啦, 其實佢都唔算平 一個set 差唔多3000幾日元, 不過又真係幾好食既 E間野去到最後先知原來又係係其他地方都有分店既@@ 個蔬菜set 收你300日元左右一set@@ 點擊圖片放大 +4 之後就返酒店lu~ E間就係我地住足咁多日既酒店 花火 Hanabi 聽聞係個韓國人開既, 不過我地就好似冇見過 間房叫做勉強夠4個人住, 係個廁所細D, 同埋冇浴簾, 一沖涼成個廁所就濕晒... 點擊圖片放大 之後就係例行工事, 去買宵夜~ 點擊圖片放大 正! End of Day 1
