由於第六日一起身就出發去機場, 所以我就將最後兩日放埋一齊啦! 首先第五日係由布院一日遊~~ 今日行程: 博多>由布院>湯之坪街道>由布院まぶし 心餐廳>金鱗湖>博多 (原來琴晚落左一陣雪, 出到門口都仲有少少積雪係地面!) (由於出門口果陣晏左少少, 差D趕唔切上車@@ 好彩最後都冇事成功趕到!XD) 由布院之森成架車都同我地前幾日坐果D好唔同 其他車即使外面係有D特別 但係車箱都係同其他列車唔大分別 但係一上到呢架由布院之森就即刻感覺到佢成架車都係有design 淨係D凳都睇得出完全係配合返個主題! 點擊圖片放大 除左有design之外, 我估唔到架車上面仲會有服務員server我地~~ 你搭車既途中仲會過黎幫我地影相~ 車上面有個細細地既小食部賣野食, 勁受歡迎XD 係小食部既對面就有個位比人攞張紀念卡同埋印上紀念印 因為我唔係太肚餓, 所以就冇買到佢個便當黎食 之後就淨係買左個布丁(去到邊都要食布丁XDD) 其實就唔係唔好食, 不過就普普通通咁, 可能因為我原本以為佢會同普通果D布丁有分別@@ (搭車既途中見到出面勁大雪@@) 點擊圖片放大 搭左成兩個幾鐘車, 我地終於都黎到由布院啦~ 搭緊果陣見到出面落大雪, 好彩黎到之後勁好天! (雖然都仲係好凍/_\) 沿住湯之坪街道, 我地一路行入去 唔知係咪因為太凍所以肚餓, 行到中間比個可樂餅吸引左, 買左一個黎食 係個咁凍既天氣食個暖笠笠既可樂餅, 真係成個人都暖晒! 點擊圖片放大 再向前行多一陣, 就去到我地今日食lunch既地方, 由布院まぶし 心餐廳 其實佢係由布院有兩間店, 我地就去左佢係金鱗湖隔離既本店 我地去到果陣已經見到前面有條小小既人龍等緊位 咁我地就駛係乖乖跟隊啦~ 等左大半個鐘終於到我地入去食飯啦! 基本上我見個個都係食佢最出名果個釜飯 我地當然都係簡左果個啦! 點擊圖片放大 +3 我地三個人簡左兩份牛一份雞, 本身佢個飯已經好好食 仲有一份飯有三個食法, 真係冇得頂, 搞到我E家一路打一路流緊口水! 食完飯之後, 我地就去左金鱗湖睇湖景 雖然唔係雪景, 但係呢個湖都一樣咁靚~ 我睇過唔少blog都建議係呢度住返一晚, 咁就可以好舒服咁係由布院慢步同埋睇景色 不過呢D退休生活都係未岩我住, 所以我地就唔係呢度留宿啦XD 點擊圖片放大 +4 其實金鱗湖後面有座山可以行上去既, 不過由於時間唔多 我地都係沿路出返去車站啦~ (呢個地方都係好多人推薦既~ 入面有得睇貓頭鷹(另外買入場卷)同埋羊之類既動物, 不過因為我地都冇乜興趣睇 所以都係行個圈就走返出黎) (成日覺得呢架車好似哈利波特入面果架車) (隻羊個樣好呆XDD) 點擊圖片放大 +4 行行下見到個布丁燒就買左個黎食, 個感想係真係好甜xd (個天好靚!!!) 原本諗住臨走果佢果個好出名既蛋卷 不過因為佢真係好出名既關係, 所以一早已經賣晒/_\ 之後我地見到有第二間既蛋卷好似都幾好食, 就買左一條返去食啦! (行到最後比我地搵到果間唔駛錢浸腳溫泉既鋪~~XD) 返博多lu~ (去果程有相影, 返黎果程有糖食XD) 由於已經可以話係最後一日, 所以我地食飯之前就行下個車站睇下有冇野想買 圖中係我女神:) 原本諗住最後一晚係食好出名既燒肉店 多牛 既 但係點知去到佢竟然係休息日......... 最後我地就去左住果度附近既一間商場入面食燒肉啦~ 佢係任食果D店黎既, 就有分三種唔同既價錢, 當然可以叫既肉都唔同啦 我地就食左中間果個價錢, 比起香港果D任食燒肉實在好食太多! 我最鐘意既就係佢用ipad落單, 所有野都有晒相比你睇 雖然好多睇完相都係唔知邊部分既肉黎xp 點擊圖片放大 +2 我地仲加左D錢要埋個任飲, 因為睇唔明日文, 所以都係亂叫XD 呢杯好似叫唔知咩咩太陽XDD 最後一日, 梗係要食埋個布丁佢! (呢家睇返, 我好似一日之內食左三個布丁......) ----------------------------------------------------------------------------------------------------------------------------------------------------------------------------------------------------------------- 第六日: 今日主要既行程就係去郵局寄左D postcard佢, 之後就入機場啦! (886~) 點擊圖片放大 我地見仲有D時間, 就入左商場印相 結果印左十幾廿張出黎xp 點擊圖片放大 +4 (買定個飯團上機食XD) 完! End of Day 5 & 6 感想: 九州比起我想像中好玩好多! 因為我決定去之前真係冇乜概念九州係有D乜野, 所以佢真係比到好大驚喜我 可惜既係我估唔到九州係咁大, 時間上有D不足 仲有D地方係今次去唔到既, 例如鹿兒島 就當係留返個機會比我下次再去啦xpp
