Day3 成日都係留係豪斯登堡度玩~~ 本日行程: All Day 豪斯登堡! 到左今日我地終於開始用北九州三日Pass 第一日既行程就係出發去豪斯登堡 本身我都有諗過究竟去唔去好, 因為搭車要差唔多兩個鐘, 同埋入場費都唔平 不過去得旅行就唔理咁多啦, 同埋睇過D blog都幾多人推薦去玩下 所以我就加左佢入我地既行程度啦! 點擊圖片放大 佢架烈車個設計係將兩部唔同目的地既烈車連接埋一齊, 之後去到某個站就將佢地分開 我地坐果架就繼續開去豪斯登堡, 而後面果part就開去其他地方 所以係外面睇會好明顯見到兩個唔同既style 點擊圖片放大 (對面月台係傳說中九州最豪華既七星號@@) 最舊啦, 我地都係買定個早餐上車食 九州遊最大既特點就係搭好耐車@@ (話說其實呢D pass 係唔駛過機既 我地又on99咁冇睇清楚, 入左機佢又唔比我地過 所以先會見到張飛打左吼/_\) 點擊圖片放大 +3 (終於都到啦~~) 點擊圖片放大 +6 由於我地冇係外面買定飛, 所以就要係門口買飛入場啦 (冇記錯既話用passport買係有特價既~) 點擊圖片放大 我地入場之後就沿住大路一路行入去 第一站就去到一個熊啤啤既博物館, 入面有唔同既熊啤啤展覽同埋介紹 點擊圖片放大 +2 離開左熊啤啤博物館之後我地就向住冒險區出發 因為去之前望過下D設施都覺得幾吸引, 而我地張pass亦都包左, 所以就去玩啦! 點擊圖片放大 +4 由於我地冇人有go pro果類野, 所以玩緊果陣都冇乜點影相 我地第一樣玩既野係繩網, 其實上到去都比想像中高 雖然話有條救生帶, 但係行緊D冇扶手既地方果陣都淆淆地..... 佢個繩網其實有分三級, 但係由於個pass只係包左初級, 所以我地都只係玩左初級 我見高級起馬高我地3米, 如果上到去都咪話唔驚@@ 點擊圖片放大 +2 玩完繩網之後就到吊索(?), 其實我都唔知係咪叫呢個名XD 佢就係果D比你捉住條滑輪, 之後就係山上面滑落黎 準備緊果陣都覺得有D高, 但係到真係滑落黎果陣就覺得好正! 係冒險區最後玩既野就係迷宮啦, 其實我地入到去先發現原來都係小朋友玩多 但係既然一場入到去又冇理由唔玩既@@ 點擊圖片放大 離開左冒險區之後我地就冇特定話想去邊度玩啦 都係行到邊, 睇到邊, 玩到邊~ (入面有個雪屋仔識得噴雪, 比D情侶係入面影下相) 之後行行下就見到有表演睇, 我地就行左入去望下 個表演係用好多水係你面前做唔同既特效出黎, 但係我自己就覺得冇咩特別 點擊圖片放大 +2 之後就行左入去個類似高達館既野睇佢介紹高達 但係由於佢冇字幕既關係, 我都唔係好聽得明佢講乜@@ 點擊圖片放大 +4 (個高科技館仲有個小型遊樂場比D小朋友玩下機械人碰碰車XD) (好靚既街!) 之後我哋就去咗一個視覺錯覺展覽, 入面全部都係一啲唔同嘅畫 明明係平面但係你會覺得佢係一個立體 其實我一直都想去呢啲展覽好耐 但係睇一個咁嘅展覽真係好貴 估唔到係豪斯登堡報竟然可以咁樣睇到! 點擊圖片放大 +3 睇完展覽, 我哋就行咗去玩笨豬跳嗰度啦 由於小弟畏高嘅關係, 我就冇玩到 但係睇人玩一樣咁刺激, 尤其係當你聽到佢哋跳落嚟叫果下果陣XD 點擊圖片放大 +3 之後我哋就行咗去一個玻璃嘅展覽 我自己就覺得冇乜嘢好睇, 但係因為出邊實在太凍啦, 所以當入去暖下個身都幾好嘅@@ (凍到要買杯熱飲@@) 行多一陣, 個天都開始黑啦 我哋嗱嗱臨行埋最後一個區 點擊圖片放大 +3 一入到去就見到好大架船, 我哋張pass包埋可以上去, 咁就當然要上去影吓相睇吓啦~~ 落咗船再向前行少少, 就見到一間玩具博物館, 一邊有好舊嘅街機到最新嘅遊戲機都可以見到 仲要有好多都可以試玩添! 點擊圖片放大 玩具博物館嘅對面, 就係一個比人試玩VR加AR嘅場區 雖然個畫面都仲唔係好靚, 但係玩落個感覺就幾得意 個遊戲係要你戴上一個手帶嘅物體, 咁佢就可以偵測你手部嘅動作 當你fing隻手出去嘅時候, 佢就可以偵測到你嘅動作, 之後就發出攻擊 (第一名XD) 點擊圖片放大 當我地玩完出返嚟嘅時候, 個天都已經黑晒 我哋見巡遊仲未夠鐘, 就打算過埋對面嘅槍館玩埋最後一個遊戲 其實所謂嘅遊戲都只係試射氣鎗, 其實都幾好玩既 始終我自己又冇乜玩war game , 好少機會會玩到氣鎗 點擊圖片放大 因為今日我都冇預到時間食晚餐, 所以都係求其係啲鋪頭度買咗個包食就算 估唔到佢都幾好食, 有少少辣, 但係又唔會辣到食唔到 點擊圖片放大 +3 求其食完啲嘢之後, 我哋就一路行返出去樂園嘅中心, 一路欣賞下啲燈飾 入夜嘅豪斯登堡真係好靚, 幾乎每一個建築物每一棵樹都有燈飾喺上面 點擊圖片放大 +3 之後終於都睇到佢嘅燈飾巡遊啦! 每一架巡遊車都掛上唔同嘅燈飾, 發出唔同顏色嘅光, 吸引你嘅注意 配合埋佢周圍嘅環境真係好靚! 點擊圖片放大 +2 (用超大螢幕黎玩太鼓之達人, 不過我見好多人排隊我就冇排埋一份啦@@) 點擊圖片放大 +5 (一路行出去離開豪斯登堡, 一路仲見到好多唔同好靚嘅燈飾!) 點擊圖片放大 +2 買咗少少紀念品之後, 我哋就正式離開豪斯登堡啦 由於直接返博多嘅車最後一班車係五點幾, 而我哋睇埋燈飾巡遊都已經八點幾啦 所以就要轉一程車先返到博多 我哋第一程車係自由席嚟嘅, 即係冇得亦都無需要揀定位 點擊圖片放大 +4 去到早岐我哋就轉車返博多啦 係早岐去博多果程車就係指定席, 需要預先劃定位 但係其實班車係極少人坐, 我諗就算唔劃位都一定有位坐~ 點擊圖片放大 (終於都返到博多~) (第一次親眼見到捱打收錢既街頭藝人, 佢張牌就寫住話啲錢係用嚟幫助熊本大地震時候受災嘅人 至於係咪真我都冇辦法驗證啦) 返到博多之後發現仲係好肚餓, 又去咗七仔買個叮既飯嚟食 另外自己配左包菜落去, 估唔到有幾夾幾好食~ (當然除咗飯之外仲有零食啦!) End of Day 3