Day 2 既行程就係去門司港~ 本日行程: 博多>門司港>鐵路博物館>關門大橋>唐戶市場>日清講和紀念館>赤間神宮>門司港觀景台>舊門司三井司樂部>燒咖哩>JR博多站 因為我地買果張pass 係三日, 即係會有一日冇得用, 所以我地就簡左最近果一個地方另外買飛 就係今日去既門司港啦~ 因為要另外買, 所以我都上網搵定資料 係博多去門司港有三個方法, 第一個係搭新幹線, 第二個係搭特急, 第三個係搭普通列車 第一個同第二個方法就差半個鐘, 但係價錢就貴一倍左右, 而第三個方法雖然平, 但係要搭兩個鐘 所以我諗過之後, 都係簡左特急到小倉轉JR鹿兒島線 車程就大約一個鐘度~ (今次搭既係特急Sonic~) 點擊圖片放大 +4 (搭到小倉之後就轉普通列車搭到終點站) 點擊圖片放大 (我地三個人買左兩張來回+四張來回卷, 咁樣會平過逐張飛買) 點擊圖片放大 搭左成個鐘車, 終於都黎到門司港啦 呢個站係成條JR鹿兒島線既終點站! 點擊圖片放大 (因為係終點站, 佢就有一個0哩紀念碑放左係度) 我地既第一站就係去車站隔離既鐵路博物館, 因為有張JR Pass, 所以可以以9折買入場卷點擊圖片放大 +6 佢入面係分開兩part 既, 係外面就有好多架列車放左係度, 有d就可以比你入去參觀 之後就係室內既部分, 佢就有d舊時鐵路用既野既展覽, 有個好大既鐵路模型去介紹下宜家九洲用緊既車款, 同埋有個列車模擬器比你玩等身大既列車Go xD 點擊圖片放大 +13 最後佢係外面仲放左三個火車頭, 比你可以入去參觀下列車既駕駛室 點擊圖片放大 +2 參觀完鐵路博物館之後, 時間都差唔多去岩去食飯, 所以我地就諗住搭船過對面唐戶市場食魚生啦 不過係過去搭船之前, 因為實在係好凍, 同埋有d肚餓, 所以我地就係便利店買左d小食暖下肚先 點擊圖片放大 跟住我地行到碼頭先發現, 原來今日太大風d船唔開, 正當我地準備行過去唐戶市場之際 有個香港人教我地話可以搭巴士去到關門大橋個行人入口, 之後先再行過去會快d, 所以我地就返左去JR站隔離個巴士站等車啦 就係等車果陣終於落!雪!啦! 我果陣真係好興奮, 雖然唔係咩大雪, 但係我咁大個都係第一次見到落雪! 搭左10分鐘左右既巴士, 我地就去到行人入口, 仲見到條關門大橋係我地頭頂~ 點擊圖片放大 (我地行路行過左兩個縣既交界!) 點擊圖片放大 行左15分鐘左右, 我地就行左過去對面岸啦~ 一出條隧道, 我既第一個感想係:「好L凍呀!」 可能因為佢係海邊, 所以果日係勁大風, 仲要時不時落下雪, 我隻手放係外面一陣就已經僵晒@@ 不過個景就真係好靚既~ 點擊圖片放大 +4 行左大約15分鐘就到左唐戶市場! 去到果陣都已經係2點幾, 有好多檔口都已經收左, 好彩都仲有幾檔仲開緊, 可以買到野食 其實野食就唔算平既, 不過望落都幾新鮮, 行左咁耐吹左咁耐風先黎到, 冇理由唔食多D既 最後我就買左個魚生飯, 兩件壽司同埋一件蝦天婦羅,(上面張圖有D唔係我既@@), 總共大約2000幾円, 唔算貴都唔算平啦~ (食野既地方係市場上一層, 所以可以望到落下面D人叫賣~) (食完之後又覺得有D凍, 所以就買左罐熱既粟米湯飲, 好細罐, 行左一陣就飲完 不過飲完個人真係暖左好多@@) 點擊圖片放大 食完飯, 我地就去日清講和紀念館睇下 佢係免費入場既, 因為入面都幾細, 差唔多5分鐘就行得完 主要就係介紹下果陣日清講和既資料同文件, 因為當時佢地就係係呢個紀念館隔離個飯店講和既 所以就叫做過黎參觀下 點擊圖片放大 +2 行左轉紀念館, 我地就行左去隔離既赤間神宮 因為我地都冇最登去查定呢個地方既資料, 所以都冇咩以歷史既角度都睇 都係純粹當一個睇景既景點去參觀~ 點擊圖片放大 (企係上面望落去個畫面超靚!) 點擊圖片放大 行埋赤間神宮, 我地就行返去關門行人隧道, 諗住行返去門司港 行行下突然諗起好似有觀光火車可以搭, 我地就出左隧道之後行去個站啦 點知悲劇就發生....... 原來佢係3月至11月先開放既, 所以我地行到去個站係蚊都冇隻..... 果陣又大風又落雪, 我地就係凍到痴肺既情況下行返門司港..... (又經過返條橋 好靚不過真係好大風@@) 點擊圖片放大 +2 Total行左大約45分鐘鐘, 我地終於都返到門司港既範圍啦T^T 我地經過呢個出光藝術館, 不過佢入場費唔平, 加上我地又冇咩興趣, 所以都冇入到去睇 我地之後就上左去門司況展望室, 佢都係有JR pass就有特價, 不過要幾錢我就唔記得左 一入到去簡直覺得係天堂, 因為佢有暖氣Orz 我地就係上面留左15分鐘左右, 等個身暖返D, 同埋影下D風景 (果陣上到去赤手摸部相機, 發現已經凍到好似舊冰咁....... 好彩冇壞到@@) 點擊圖片放大 +3 之後我地就行左去對面既舊門司稅關, 不過因為果陣已經差唔多5點鐘, 佢就閂門唔比人入 我地就唯有係門口影下相就算@@ 點擊圖片放大 最後我地見仲未夠5點, 就跑左去舊門司三井俱樂部, 睇下有冇可能入到去啦 原本見佢閂左門, 以為唔入得, 點知度門原來可以推開既, 咁我地就入左去啦 佢地下就係免費參觀既, 但係其實佢大部分都係做餐廳, 我地去到果陣已經閂左門準備緊 咁我地就上樓上參觀啦 原本以為佢差唔多夠鐘唔再比人上, 但係我問完之後佢話可以比我地上 不過5點就會閂門, 即刻得10分鐘左右 咁我地見佢上面應該都唔會好大要慢慢睇, 咁我地就買入場卷上左去啦 佢上面係唔比著鞋既, 所以買入場卷果陣佢比左個膠袋我地入住D鞋 BTW, 佢入場卷有JR Pass都係有折既! 點擊圖片放大 上面就主要分開兩part, 第一part就係果陣愛恩斯坦黎果陣住過果間房, 佢地就將果間房既原貌保留左落黎 (個浴室好大@@) 第二part就係一個日本既作家林芙美子既展覽, 不過入面就唔影得相, 咁我地就淨係睇啦 由於我地都唔識呢位作家, 又睇唔明日文, 所以都係望下佢D畫就算 (P.S. 係我地一路向前行, 後面就有人一路閂左果D門, 應該係想我地快D走@@) Anyway, 行完之後個天都開始入黑, 我地就決定去搵野食啦 我就plan左食果度出門既燒咖哩既, 但係就冇搵定邊間特別, 所以就上左網搵左間有人介紹既入去食 最後我地就搵左呢間「伽喱本舖」試下 點擊圖片放大 入面食野都唔算貴, 我就叫左個普通既雞肉咖哩, 而我兩個fd就叫左牛肉 其實雞肉都幾好食~ 但係試完之後發現牛肉仲好食, 如果下次有機會再去既話都係食牛肉@@ 不過如果下次有機會去門司港應該會試下食第二間~XD (題外話, 我望到燒咖哩唔知點解會諗起香港果D焗咖哩XX飯, 個賣相好似差唔多XDDD) 食完之後我地就查左幾點有車, 見仲有D時間, 我地就行左去出面影下D夜景, 可能係聖誕果D燈仲未拆落黎, 佢每棵樹都有燈掛係上面, 真係好鬼靚! 點擊圖片放大 +4 影完夜景我地就夠鐘坐車返博多啦, 因為我地返到去博多都只係7點幾, 見仲有時間我地就決定行下博多車站 (係行緊既途中, 我比個廣告吸引左, 就去買左個蕃薯黎食, 好甜!) 點擊圖片放大 +3 除左蕃薯之外, 我地仲買左各式各樣既零食返去食(同埋聽朝既早餐@@) 包薯片幾好食, 不過個拉麵就麻麻, 隻半熟蛋仲要浸得太耐變左熟蛋T^T End of Day 2