隔左半年左右,我又出發去日本啦! 其實我係第一次係冬天去旅行, 出發之前仲好期待可以睇到雪! 今次去既地方就係上次話想去既九州, 其實plan之前我都唔係太清楚九州有咩特別野, 只係知度熊本同阿蘇火山係果度@@ 不過plan完之後發現原來九州都幾多野玩既! 事不宜遲, 即刻開始今次既遊記啦! 本日行程: 香港國際機場>福岡機場>JR博多站Airbnb>太宰府天滿宮>一蘭博多總店>博多運河城>Airbnb 今次就唔係凌晨機啦, 而係晨早機@@ 坐第一班機場巴士去到機場, 已經大約6點幾 HKExpress個counter又鬼死咁多人, 應該大家都係坐7點幾8點果D機, 所以個counter塞死晒, 大排長龍, 排到我地搞好check in都已經6點9 我地就即刻狗沖去登機閘口啦! 去到果陣見到佢打Now boarding, 周圍仲要冇乜人等, 就以為D人已經上晒機, 所以就拿拿聲行去閘口 點知我地行到埋去個閘口,同個地勤對望左兩眼之後, 我問佢係咪上得機, 佢同我講一陣會有宣佈- - 跟住我地就係出面坐到最後一刻先上機....... 點擊圖片放大 終於都到左福岡機場啦! 因為我地第一既行程都幾緊密,所以我地就落機就即刻行去入境, 諗住快D出到去可以快D去第一個景點啦 點知佢同HKExpress個counter一樣咁多人, 應該係同時有幾班機一齊到福岡,結果去到最後我地用左成個鐘都過到入境 行去到攞行李果個位D行李已經係度等緊我地= =" (終於出到黎機場T^T) (因為我地都只係食左個早餐,之後就乜都冇食過, 所以都係便利店買左個飯團~ 黎到日本唔食便利店D飯團硬係好似差D野咁XD) 之後就係搭聯絡巴士由國際線既機場去返國內線既機場, 因為係果度先有得搭福岡既地下鐵 其實除左搭地下鐵之外仲可以搭巴士既, 不過第一次去我地驚唔識落車, 所以都係搭地鐵穩陣! (只係搭左4個站就已經係260円........) 點擊圖片放大 去到博多站之後, 第一時間我地就去左攞Airbnb果間屋既鑰匙 個屋主搵左間公司幫手hold住條匙, 所以我地就係上果間公司度攞, 而全程都係冇見過個屋主既@@ 由於今次見到住福岡既酒店都唔平, 地理位置又唔好, 所以就想試下Airbnb 結果就搵到一間又近博多站, 又算平, 去到都算幾靚既屋! 去完攞匙之後, 我地見JR換三日pass個counter冇乜人, 就諗住去換左先啦, 因為我都驚會換唔到由布院之森果程 好彩我將由布院放左係尾二果日去, 因為去到果陣已經見到之前果兩日我地想搭果程都已經full晒 到我換好晒D pass對好晒之後, 後面已經排緊長龍@@ 點擊圖片放大 +7 (D相係夜晚影既, 不過為左放便睇所以放左黎前面~) 攞完條匙我地就行返去間屋度放低D行李, 之後就出發去太宰府啦! 原本個行程就打算係博多搭JR去到JR既二日市站, 之後再轉西日本鐵道既二日市站去太宰府既 但係一查goolgle map, 發現如果等JR既話就岩岩走左班車, 要差唔多成個鐘先有第二班 一係搭貴D果D車, 貴D係貴成倍咁多...... 所以最後根據google map既推薦, 搭地下鐵去到天神站, 之後再行去西鐵既福岡站, 就可以直接買飛搭到去太宰府啦 點擊圖片放大 +2 (E個係D fd係我換pass果陣去排隊買既, 間野就正正係JR個counter對面 我地經過左咁多日, 無論幾時行過佢都係有咁多人排緊隊 的確佢個包(?)係幾好食既, 入面係蕃薯蓉黎既, 有機會去JR博多站既可以試下!) 點擊圖片放大 +2 去到二日市站就要過隔離月台轉車去太宰府~ 點擊圖片放大 +2 成條太宰府線勁短, 我冇記錯既話只係得三個站, 就係二日市, 中間有一個站, 之後就到太宰府 所以真係貶下眼就到左~~ 不過可能我地去到果陣都已經有D晏, 條街有部分店舖都已經閂左門 不過都仲食到呢個梅ヶ枝餅, 因為我地都冇search過話邊間好食D,心諗反正ED餅都唔會有太大分別 所以都係求其搵間有人買既黎食, 食落都唔錯! (途中經過呢間特別既starbucks~) 行左一陣就黎到太宰府天滿宮啦~ 其實佢個範圍唔大, 行一陣就會行晒, 不過D風景真係幾靚! 點擊圖片放大 +5 (我地第一次行過呢隻牛果陣有勁多人圍住黎影相, 咁我地就冇影到行開左 行完天滿宮出黎之後D人散晒, 就可以慢慢影啦XD) 影完相之後天都開始黑, 我地就離開太宰府返博多啦 點擊圖片放大 +7 因為個fd一落機就話想食拉麵, 所以我諗左一陣, 就決定去食一蘭係博多既總店! Search過google map發現係西鐵福岡站行過去唔算遠, 而且我地都算早返到去, 所以最後就決定行過去食野 點擊圖片放大 +6 (離遠就見到間鋪啦, 不過佢淨係最底果兩層係店黎既, 其餘果D好似係佢既寫字樓黎) 正如岩岩所講啦, 佢就分開兩層既, 第一層就係呢度特有既屋台形式, 第二層就係普通既 咁一場黎到, 當然就係第一層食啦 可能因為我地好早去到, 所以唔駛等位就即刻有得入去坐～ (佢張餐牌係好似菲林咁樣特別既, 而且上面仲有中文, 唔使驚睇唔明！） 點擊圖片放大 除咗拉麵之外, 我仲加咗隻半熟蛋, 係日本食拉麵點都要有隻半熟蛋既！ 點擊圖片放大 係晒！ 食完之後, 我哋見時間尚早, 就打算去博多運河城都行下之後先再返去 查完Google Map之後, 發現行過去都係15分鐘嘅路程, 所以最後我哋就係一蘭嘅總店度行左過去啦 中途穿過左中州區, 入面全部都係無料案內所@@ (中途中見到博多一雙嘅中州分店, 但係啱啱先食完嘢我哋都好飽, 所以就留返之後果幾日先再去食！） 博多運河城主要係一個大型嘅商場, 不過因為我哋都冇乜嘢想行, 所以都係求其行下就算 唔知係咪因為嗰日係平日嘅關係, 嗰度冇乜人喺度行, 有少少冷清嘅感覺@@ 點擊圖片放大 +2 行行吓我哋發現係第5樓有間機鋪, 就入咗去行吓玩吓, 不過最後都係空手而回 :( 行完機鋪出返嚟之後, 突然聽到喺度播緊音樂, 之後行去中間發現原來播緊One Piece嘅短片 我哋就停咗落嚟睇啦！ 睇完之後我哋再行多左一陣, 發現時間都差唔多, 我哋就決定行返去住嗰度啦 行行下覺得有啲肚餓, 就係路過嘅便利店買咗啲宵夜返去食, 同埋順便買定聽日嘅早餐！ (宵夜當然係布丁^o^） (聽日嘅早餐都係飯團@@） End of Day 1
