越南菜真係百吃不厭！早幾日又心郁郁，好想食PHO (湯粉)，於是就同屋企人去尖沙咀Le Viet開餐！ Le Viet位於The One 4樓，環境開揚，寬敞舒服，服務員細心有禮，食物足料有質素，所以經常都會去食～ 今次就叫咗：♥ 【NEW】越式吊龍湯粉♥ 青木瓜大蝦雞絲沙律♥ 牛油雞翼♥ 越南咖喱鮮雞鍋配法包♥ 越式大頭蝦海鮮酸辣帽子鍋♥ 越式甜品拼盤 ♥ 【NEW】越式吊龍湯粉 $82新出嘅【越南小黃牛肉粉系列】有匙柄、吊龍同雪花牛，今次叫咗吊龍。 呢碗吊龍PHO真係正，肉質軟嫩、肉汁鮮甜，入口有淡淡油脂甘香，配埋濃郁湯粉，份外滿足～ ♥ 青木瓜大蝦雞絲沙律 $88夏日炎炎，食返個清爽沙律認真開胃，青木瓜、大蝦、雞絲，混合酸甜醬汁，入口清新、口感富層次，為開餐準備！ ♥ 牛油雞翼 $78 (原價$88)賣相勁邪惡，但無法抗拒！雞翼外層脆爆，肉質嫩滑，充滿濃郁蒜香及牛油香氣，食完一隻又一隻，好鬼正！ ♥ 越南咖喱鮮雞鍋配法包 $108好惹味嘅朋友，一定要試吓呢個鍋，濃郁咖喱少香辣多滋味，雞肉嫩滑，薯仔入味有咬口，配埋脆卜卜法包，口感層次豐富！ ♥ 越式大頭蝦海鮮酸辣帽子鍋 $298 (原價$398)上次食過好正，二話不說encore！個鍋有9款新鮮食材仲有支酸辣湯，有：大頭蝦、大元貝、大蜆、魷魚、玉米筍、通心菜、新鮮菠蘿、芽菜。 海鮮肉質鮮甜，爽口彈牙，湯底酸辣、刺激、惹味，菠蘿嘅酸甜，配合海鮮，去油解膩、提鮮開胃，好食到停唔到口呀！ ♥ 越式甜品拼盤 $118餐後點少得甜品，但樣樣都想食，最好就係叫拼盤。 千層糕煙韌彈滑，沾上椰漿，份外美味；香甜芒果配上暖笠笠糯米飯，口感豐富；脆卜卜焦糖配軟滑燉蛋，啖啖窩心，正！ Le Viet尖沙咀彌敦道100號The ONE 4樓L402號舖 #LeViet #TheOne #尖沙咀#越南菜 #越式吊龍湯粉 ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
