早前同老公去咗銅鑼灣 ♥ UMI ♥ 食晚飯，呢間樓上cafe環境雅緻，特設一排玻璃窗，全場座位都可180度飽覽維港無敵美景，傍晚仲可將日落時光盡入眼簾，超浪漫！ 點擊圖片放大 佢嘅美食亦不容忽視，好味又打卡able！仲有自選組合，抵食又富彈性～ 今次就揀咗2個主食 配+$48自選飲品 + 精選甜品 ♥ 蒲燒鰻魚玉子燒意大利飯 $158♥ 蝶豆花香梨汁 + 伯爵茶慕絲蛋糕 +$48 原條蒲燒鰻魚，相當有視覺效果，肉質肥美彈牙，配上甜甜嘅醬汁，而意大利飯唔太硬身，好有嚼勁！加埋我最愛嘅玉子燒，大滿足呀～ 香梨汁顏色奪目，充滿夏日氣息，帶有清甜梨肉，味道好清新。 ♥ 黑松露大啡菇自家手打和牛芝士漢堡配脆香薯條 $148♥ 岡山蜜桃咖啡 + 伯爵茶慕絲蛋糕 +$48 和牛漢堡份量十足，肉質嫩滑有口感，大啡菇散發淡淡黑松露清香，更大推呢款熱辣辣薯條，外脆內厚實。 咖啡嘅賣相同口感同樣富層次，入口先有香濃咖啡味，再滲出蜜桃味，都幾特別。 慕絲蛋糕有清新伯爵茶味，質感細滑，同脆脆一齊食，口感倍感豐富！ 點擊圖片放大 UMI銅鑼灣告士打道229-230號宇宙商業大廈13樓 @umi.cafedining_cwb#UMI #umicafedining #Cafe #樓上Café#銅鑼灣美食 #香港美食 #打卡 #西式餐廳#美食推介 #餐廳推介 #探店 #特色餐廳#高質餐廳 #CausewayBay #維港無敵美景 #hkbeautyblogger #coolhkg #hkfoodie#hkfashionblogger #hkinfluencer #hkkol#hkblogger #Amys生活日常 #AmysBeauty ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
