上星期同老公去咗中環一間高質西餐廳Le Jardin à Soho食飯，樣樣食香味俱全，當中主菜多寶魚，仲有專人即場起骨，呢個服務真係令人貼心難忘呀！ 餐廳上下兩層，各具心思，感覺氣氛好唔同。下層係好chill嘅酒吧，上層係有格調嘅餐廳。服務員細心有禮，我地影相時仲幫忙調光添！ 點擊圖片放大 而家喺Happy Hour叫飲品，可以優惠價叫特色小食。我地今次就叫咗雞鎚！ ♥ Chicken Lollipop +$40雞鎚用大澳蝦醬醃足兩日，超入味，外層炸到脆卜卜，入口肉質超嫩滑，仲滲出陣陣蝦醬香味，伴飲品一流。 ♥ 煎鵝肝多士配魚子醬，杏脯果醬 $248作為鵝肝控，超欣賞呢款煎鵝肝多士。好多時鵝肝嘅油會令多士變得油淋淋；但呢款好細心，在厚身肥美嘅香煎鵝肝及香脆多士之間，鋪上酸甜嘅杏脯果醬，令人享受到肥美鵝肝同時減走美油膩感！ ♥ 油甘魚刺身粉紅胡椒柚子 $168賣相好打卡able，油甘魚肉質細緻幼滑，入口鮮甜，配上醒神酸甜醬汁，份外開胃！ ♥ 煎原條多寶魚配檸檬牛油汁 $380一向鍾意啖啖肉，所以唔願食多骨嘅魚，而今次超正！因服務員會貼心即場起骨，所以可輕鬆食到啖啖鮮嫩緊實嘅多寶魚，配搭埋檸檬牛油汁，鮮味更提升，好味！ ♥ 開心果熔岩班戟雪糕 $158造型吸睛！暖笠笠班戟充滿蛋香，厚身軟熟，面層淋上開心果醬及果碎，加埋凍冰冰雪糕，一凍一暖，口感豐富加味覺嘅強烈對比，爽！ ♥ Sesame & Charcoal latte $48造型似小火山，入口芝麻味香濃，配上香脆麵包條，好夾！ ♥ Mocktail $64我想飲D果味濃嘅飲品，所以服務員就請調酒師幫我整咗杯清甜帶果香嘅Mocktail，入口好清新！ Le Jardin à Soho中環蘇豪士丹頓街36-36B號地下E號舖 @lejardinsoho#LeJardinàSoho #LeJardinSoho #中環美食#豪士丹頓街 #西餐 #westernfood #香港探店#香港好去處 #香港美食 #hkfood #相機食先 #hkinfluencer #coolhkg #hkblogger#hkbeautyblogger #hkfashionblogger#hkkol #Amys生活日常 #AmysBeauty＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
