早日就去咗尖沙咀 ♥ 梵日本焼鳥 ♥嘆咗一餐豐富、高質嘅串燒盛宴。我同老公都覺得性價比高，值得推介～下次一定要帶爸媽嚟食！ 店舖座落於厚福街H8，環境高級雅緻、景觀開揚，L型長Bar枱，可見到師傅嘅功架。日本店長、店員服務有禮，師傅年青有為，師承於日本串燒大師，仲會好客地同我地分享美食心得～ 今次我地食咗好多串焼、燒物同精選套餐：►牛油焼帶子 $120帶子大大粒，外脆內軟，香口又鮮味。 ►照焼鵝肝 $120外層燒得紮實綿密，配搭醬油，甘香豐盈。 ►和牛沙朗 $70肉眼肉質豐富、鮮甜，口感細緻。 ►鰻魚串焼 $40鰻魚肥美、塗滿醬汁，燒得香氣撲鼻。 ►魷魚塩辛 $45鹽醃過嘅魷魚，保持鮮味，配酒一流！ ►海膽塩辛 $60海膽泥狀帶酸，口感特別，同平日認識嘅海膽好唔同，又幾好食，令人回味無窮～ ►明太子茶漬飯 $65明太子辣中帶甜，又有嚼勁，配埋暖笠笠茶漬飯，好滿足！ ►梵精選 $400・前菜 (沙律、牛舌)・焼鳥8串 (柚子醬雞胸肉、雞翼、雞腎、雞尾、 雞頸肉、九州免治雞肉棒、青椒、香菇)・特製焼飯團・冧酒提子雪糕 半生熟雞胸肉，配上清新柚子醬，味道即提鮮；雞尾肉含豐富脂肪，燒起嚟香口、彈牙又多汁；免治雞肉棒內含雞軟骨，外脆肉軟富咬口，正！ 焼飯團好特別，口感仿如飯焦，用紫菜包住食，超香脆外層包住軟綿綿嘅飯，好得！ 估唔到甜品都咁出色，冧酒提子雪糕有爆多提子，冧酒味濃，啖啖夾著冧酒、提子、雪糕，超級正！點擊圖片放大 +6 梵日本焼鳥 @bon_yakitori尖沙咀厚福街8號H8 22樓星期一至六：17:30 - 05:00星期日：17:30 - 22:00 #梵日本焼鳥 #梵 #居酒屋 #grillchicken#japanesefood #焼鳥 #串燒 #厚福街#尖沙咀美食 #相機食先 #香港美食 #hkbeautyblogger #hkfashionblogger#hkinfluencer #hkblogger #coolhkg#hkkol #Amys生活日常 #AmysBeauty ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
