工作繁忙，每年都無時間去日本睇櫻花，窩心嘅他，就帶我去咗太子日式居酒屋♥ 餓居 ♥ 邊賞櫻花，邊嚐日本美食。 居酒屋打造得仿如日式傳統鳥居，除有餐枱，另設日式榻榻米卡位，以及打卡-able嘅櫻花樹跟燈籠牆，入到去真係好似去咗日本咁呀～ 嚟緊係萬聖節，店內仲增添不少氣氛添，又可以打卡啦！ 點擊圖片放大 +2 嚟到呢度，除咗打卡度爆燈，佢嘅食物都好多元化及高水準，包括串燒、鍋物、一品料理等～ ►壽喜燒牛肉鍋 – 小盛 $128牛肉肉質嫩滑，配合金菇、豆腐、蔬菜及香濃湯汁，鮮甜窩心，足二人份量，好快就連湯清晒！ ►日式餃子 $44餃子外脆內軟，沾點醬汁更添美味～ ►鰻魚粒撈飯 $78鰻魚粒及醬油融入富嚼勁嘅飯中，認真惹味～ ►雞腎 – 2串 $36►鹿兒島一口豚肉串 $38雞腎爽口，豚肉彈牙，沾滿黑椒，惹味之極！ ►波子汽水 – 菠蘿 $21►波子汽水 – 藍莓 $21好耐無飲過波子汽水，有多款味道選擇，入口味道清新，少甜多滋味！ 餓居Hungry Izakaya香港九龍太子砵蘭街440號地下 ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
