區區有美食，今次就去咗最近熱推嘅觀塘海濱匯ULIVO歎正宗意大利菜！ 餐廳樓底高、極具空氣感，雅緻舒適，服務員細心有禮，令整餐飯倍感享受～ 開餐前當然食麵包啦！香脆軟熟都有！ 緊接就係： 【私心推介】♥ 蜜糖燒八爪魚伴茴香墨魚汁 $228以前食親八爪魚都好易中伏，會食到「擦膠」咁嘅口感，咬極都咬唔開，但今次好驚喜，入口軟腍腍，又甜又好味！ 【私心推介】♥ 香腸意大利辣醬貓耳麵 $188貓耳麵口感超煙韌，辣醬少少辣超惹味！ ♥ 特式白酒香草焗大蜆 $308大蜆肥美肉嫩，香蒜酒味濃郁，瞬間清碟！ ♥ 澳洲和牛配蕃茄火箭菜沙律 $328和牛軟滑，配合蔬菜，開胃度大增！ 期間亦叫了2杯新cocktail：♥ Old Fashioned $68將威士忌、苦酒、橙片、肉桂等原包經真空低溫烹調14小時，酒味更出、更濃～ ♥ Steam Dark Mojito $68將薄荷、dark及white rum酒等原包以51度蒸氣真空低溫烹調6小時，味道清新爽口，近排咁熱飲啱晒！ ♥ 蘋果金寶配香草冰淇淋 $108甜品送到時，服務員特別為我地放上心形煙花蠟燭製造氣氛，加上甜品清甜，sweet度爆燈呀～ 今餐咁好食，下次要帶埋家人嚟先得！ ULIVO Italian Restaurant & Bar觀塘海濱道77號海濱匯1樓9-10號舖 點擊圖片放大 +4 #ULIVO #ULIVOHK #海濱匯 #觀塘美食#觀塘好去處 #意大利餐 #正宗意大利菜#dining #italianfood #iincommunications #hkbeautyblogger #coolhkg #hkfoodie#hkfashionblogger #hkinfluencer #hkkol#hkblogger #Amys生活日常 #AmysBeauty ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
