有日想食乳鴿，腦海即閃出百年老字號【龍華酒店】，於是早幾日見好天就同老公去打卡同食好嘢！ 龍華酒店相當古色古香，從中式合院大門至茶居，到處見大紅燈籠高高掛，又有涼亭、大型水車等，可在開餐前，勁影靚相～ 入到龍華茶居，牆上放滿上世紀嘅明星相，台上放滿紀念 #李小龍逝世50周年嘅一系列海報及產品，供人影相及懷念一返～ 龍華推出嘅套餐抵食又好味，我地仲叫埋幾款必食點心，全部都高水準，肚仔超滿足～ 開心懷舊二人餐 $398龍華鴛鴦鴿二隻冬瑤薏米燉鴿湯新鮮菠蘿咕嚕肉淮杞上湯浸時蔬石磨豆腐花 點擊圖片放大 +3 布拉腸粉 小點 $29竹炭流沙包 小點 $29杞子桂花糕 小點 $29 乳鴿外皮脆卜卜，油香夾肉嫩；燉鴿湯鮮甜美味，滋補益氣；咕嚕肉酸甜有咬口，菠蘿甜入心；腸粉超級細滑，好食到停唔到口；流沙包做到完美流沙，值得推介；豆腐花同樣滑嘟嘟，完滿咗呢餐！ 龍華酒店 (下禾輋村)香港沙田下禾輋村22號 ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
