煲得韓劇多，對韓國菜都倍感興趣～最近沙田開咗一間簡約時尚嘅新派韓國餐廳 ♥ Cafe Joo ♥ 由本地西式料理名廚Chef Ken親自設計菜單，以西式料理重新演繹韓國傳統菜式，耳目一新同時將味覺享受層次昇華！ 餐廳提供室內主用餐區及室外雅座，淺色木紋為主，散發韓國咖啡室風味，感覺舒適簡樸、輕鬆怡人。 ♥ 酥炸青陽辣椒釀芝士腸 $78邪惡 x 創意之作～將芝士腸釀入韓國青陽辣椒中，金黃酥脆中帶點微辣，想激一點，可沾上辣味千島醬，超開胃！ ♥ 韓式脆辣炸雞 (甜辣醬) $118半隻選用脂肪較豐盈嘅三黃雞，糅合西方炮製火雞嘅技巧，經2次油炸，令面層呈現魚鱗狀嘅凹凸脆薄面層，口感突出，而且仲keep到好juicy！另有香蒜豉油汁、芝士汁及甜辣醬3款醬汁選擇。 ♥ 燒大虎蝦泡菜忌廉汁意粉 $188海鮮 x 泡菜，兩者原來非常夾！加埋忌廉，醬汁綿滑濃郁、微辣刺激，而放面層嘅大虎蝦啖啖肉，充滿嚼勁！ ♥ 濟州島炒八爪魚配墨魚汁意粉 $158墨魚汁香濃、鮮味濃烈，八爪魚爽彈鮮味濃，韓式蘿蔔片酸香脆口，中和醬汁嘅豐盈口感。 ♥ 牛奶軟雪糕伴香蕉榛子醬、烤窩夫牛角包 $98將法國牛角包烘成窩夫，外脆內軟；榛子醬香滑，香蕉上有焦糖，份外美味；加埋店內新鮮製作嘅北海道牛乳軟雪糕，大滿足！ ♥ 士多啤梨芭菲 $88有自家製蛋糕、牛油脆片及新鮮士多啤梨肉等，足料美味！ 點擊圖片放大 最後來杯酸甜凍飲，令整個晚餐變得更圓滿！ ♥ 士多啤梨鮮奶特飲 $58♥ 凍熱情果青檸梳打 $42 Cafe Joo沙田正街18號新城市廣場1期1樓165號舖電話：2882 8323WhatsApp：3001 1283 想知更多：Facebook: @cafejoo.hongkongInstagram: @cafejoo.hk #CafeJoo #hkfood #hkcafe #coffeeshop#coffeeholic #dogslife #沙田 #沙田café#shatin #韓式料理 #koreanfood #韓國菜 #hkbeautyblogger #hkblogger #coolhkg#hkfashionblogger #hkkol #hkinfluencer#hkfoodie #Amys生活日常 #AmysBeauty ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
