辛苦一年，大家終於都放假啦！於是去咗價錢親民、和風味濃嘅中環日式居酒屋 ♥ Shio塩 ♥一邊食好嘢、一邊傾心事，仲可以著日式浴衣打卡留念添～ 呢間居酒屋以原木色作主調，場內嘅木系桌椅質感樸實，另有鋪設榻榻米嘅小包廂，配合窗外紙燈籠及四處可見嘅畫作，呈現出種種傳統地道居酒屋嘅風貌～ 點擊圖片放大 除咗裝修，食物同樣吸引～ ♥ 沖繩黑糖薑茶天氣咁凍，薑茶絕對係冬日恩物，老薑 x 黑糖，温感暖入心，仲可驅寒、防感冒添！ ♥ 鱈魚白子係日本人冬日限定嘅補身良品，呢款來自北海道頂級鱈魚白子，配合埋酸汁、蘿蔔蓉、蔥花等，原汁原味、綿密滑嫩入口即化。 ♥ 櫻花蝦炸豆腐炸豆腐金黃香脆，入口幼滑結實，豆味濃郁，配和風昆布鰹魚醬油，外脆內軟，非常惹味。 ♥ 七味蒜炒雞腳筋雞腳筋嘅濃郁雞味，遠勝雞軟骨，炸後加入辣椒乾、七味粉等炒香，味道辣辣地，香脆爽口。 點擊圖片放大 ♥ 雞白湯清酒煮蜆以自家製雞白湯加清酒煮成，大蜆鮮甜肉厚，加埋雞油，味道更香濃、鮮味～ ♥ 濱燒岩蠔 配素麵新鮮日本岩蠔，無添加調味，鮮甜幼滑、蠔底再放上素麵，吸收所有鮮蠔汁，美味無窮！ ♥ 雞白湯丸子雞白湯係店內嘅主打菜式，選用本地新鮮三黃雞，雞味濃郁，質地厚白、香醇順滑，配上丸子，口感更豐富！ ♥ 真鯛五目什炊鍋飯由新鮮真鯛及金目鯛魚頭熬成，飯上嘅真鯛魚片，鮮味又嫩滑。 ♥ 燒波蘿最後點少得甜品，燒波蘿酸酸甜甜，好味又幫助消化，令今餐更加完滿，回味無窮！ SHIO 塩中環士丹利街34-38號金禾大廈1樓電話：(852) 2777 1016星期一至六 11:30-22:00 (星期日休息) IG：@shio_yakitori #SHIO塩 #中環 #日本居酒屋#coolhkg #hkbeautyblogger #hkkol#hkblogger #hkinfluencer #hkfoodie#Amys生活日常 #AmysBeauty ＝＝＝＝＝＝＝＝＝＝＝＝＝＝＝ Amy's著數盡在：https://linktr.ee/amyng_amy ＝＝＝＝＝＝＝＝＝＝＝＝＝＝＝ My Contact：amyng369@gmail.com (Amy Ng)My Fanpage: AmysBeauty.amyng888
