新一年新開始，趁放假便約老公到 Café 100， 在海拔393米高的餐廳內，一邊望住怡人美景， 一邊享受精緻的High Tea，仲可到處影相打咭， 寫意到呢…… 點擊圖片放大 +2 Café 100 by The Ritz-Carlton 經常會推出富特色的下午茶餐， 今期就有這個二人套餐：- Café 100 “Dawn of Spring” Afternoon Tea Set Café 100「春曉」下午茶 古銅色的下午茶架， 底部有向外伸展的造型， 正是【環球貿易廣場】的縮影， 咁特別，真係忍唔住要打咭呀！ 下午茶有4層，裡面有多款咸甜點： ᴥ烤雞配橘子果醬，甘筍麵包 ᴥ中式鹵水雞蛋沙律，迷你麵包(含酒精) ᴥ煙三文魚醬多士 ᴥ烤蘑菇芝士蛋撻 ᴥ芒果布丁，芒果莎莎 ᴥ荔枝玫瑰慕斯杯 ᴥ朱古力紅桑子撻 ᴥ英式鬆餅配果醬及奶油忌廉 咸點中，我覺得ᴥ烤蘑菇芝士蛋撻 好出色， 外層鬆化，內有咸香蘑菇及軟滑芝士，正！ 至於甜點，我就喜歡ᴥ荔枝玫瑰慕斯杯， 入口陣陣玫瑰香，咬落又有香甜荔枝肉； 而ᴥ朱古力紅桑子撻 則酸甜細滑而不膩， 食完毫無罪惡感！(哈哈) (左) 泡沫咖啡 (右) 薑味鮮奶咖啡 飲下午茶當然要飲杯靚咖啡， 老公個杯有Café 100 logo，睇得又飲得； 我個杯薑味香濃，天氣咁凍，飲完暖晒！ 提提大家，記得係每個影相位打咭呀！ 想知更多： https://sky100.com.hk/zh-hant/special-offers/cafe100_afternoon_tea/ Café 100 by The Ritz-Carlton 尖沙咀柯士甸道西1號環球貿易廣場(ICC) 100樓天際100香港觀景台
