愛享受、愛美食的我，平日最愛約朋友周圍揾美食，早前約了一班女朋友到觀塘開源道一間新開的樓上餐廳「MAGE KITCHEN魔膳工房」開餐兼談心。 在樓下已見到餐廰的半自助餐宣傳資料，價錢好吸引，不用HK100便可享受自助沙律吧、精選主菜及咖啡或茶。 餐廳好有心思地將MAGE KITCHEN的解釋一一展示在餐桌上。 由於我們7個朋友仔當日有好多心事要分享，故在餐廳晚市還未開始已到達，侍應亦十分好人，讓我們可在地方大、整齊而有格調的餐廳內，選擇最喜歡的位置。 由於時間尚早，我們先來一個自助沙律吧，蔬菜及水果都十分新鮮，同時有中西湯選擇。 雖餐酒(紅、白酒)要另加收費，但有多款可供選擇。 今次難得我們7姊妹可以飯聚，一於飲靚酒，嘆西班牙火腿配巴馬臣芝士 (HKD108)。 嘩，好好味呀，這西班牙火腿配巴馬臣芝士，配搭啱啱好，再加上醇滑白酒，一流。 胃口開啟了，主菜前當然要來些精美前菜啦：- (1) 鮮蘑菇焗釀法式田螺 (HKD62) – 蘑菇好鮮甜，田螺啖啖肉。 (2) 越式香茅雞中翼 (HKD48) – 好香口，唔乾身，美味。 (3) 鵝肝醬多士 (HKD88) – 我喜歡鵝肝，所以覺得細細件，醬多多，有口感。 (4) 白酒啫喱帶子 (HKD85) – 推介！！！ – 第一次見這個配搭，白酒啫喱好有酒味，加上帶子後，有估不到的絶配。 (5) 炭燒香辣豬頸肉 (HKD48) – 望落唔覺得好有辣味，但原來食落便可感到辣感慢慢滲出，NICE！ 當大家傾到興高采烈時，侍應細心地介紹我們一些招牌菜，於是我們便叫他們替我們安排：- (1) 海鮮拼盤 (HKD388) – 真係好介紹呀，鮑魚已切好，蝦已拆殼，螺肉新鮮，麵包蟹膏多肉甜。 (2) 蟹肉明太子雜菌意大利飯 (HKD158) – 意大利飯上有個小釀蟹蓋，好精美，如意大利飯可以乾身些更好。 (3) 黑松露雜菌帶子意粉 (HKD158) – 激讚！！！ – 黑松露超香，帶子鮮甜，意粉汁無敵好味，意粉口感恰度好處。 (4) 紐西蘭燒羊架配乾蔥紅酒汁 (HKD165) – 羊架肉軟熟、易切、啖啖肉。 (5) BBQ醬燒豬肋排骨 (HKD168) – BBQ醬好好味，豬肋骨的肉唔黏牙。 (6) 美國豬鞍扒配意大利黑醋汁 (HKD178) – 平時的豬扒好易靭，但這豬鞍好厚肉，好有口感。 食飽飽，係時候動用第二個胃食甜品了！ (1) 羅勒葉奶凍配荔枝闊條麵+血橙魚子+乳酪雪葩 (HKD55) – 讚！！！ – 好有創意，第一次食血橙魚子，脆卜卜，好好味，荔枝肉做成闊麵，有荔枝味但形態跟平日食的不同，實在有心思。 (2) 綠茶心太軟配雲呢拿雪糕+紅豆蓉 (HKD48) – 心太軟超流心，一切開，綠茶汁便湧出來，雖我對綠茶一般，但都對此甜品俾個LIKE。 (3) 朱古力心太軟配覆盆子雪糕 (HKD48) – 今次的朱古力未夠流心，但好鍾意個盆子雪糕，酸酸地，好特別。 (4) All-in Dessert Set (HKD168/2位用) – 當中有自家曲奇、朱古力泡芙、蟹子凍豆腐等，而我最喜歡 - 紅酒煮梨配黑松露奶凍，實在好香好好味。 同時我們亦味嚐了其他創意甜品： - (5) 焦糖燉蛋配新鮮雜啤梨 (HKD48) (6) 蜜糖多士配綠茶雪糕+新鮮雜啤梨 (HKD52) (7) 焦糖芝士餅配乳酪雪糕+士多啤梨湯 (HKD55) (8) 拖肥無花果布甸配冧酒拖肥汁+雲呢嗱雪糕 (HKD68) (9) 自家製黑朱古力 (HKD28/80g) – 朱古力軟滑，拍得住名牌朱古力，如有牛奶朱古力就更好了。 參考資料：- MAGE Kitchen 魔膳工房 營業地址：觀塘開源道77號業發工業大廈一期2樓D室 訂座電話：3955 1460 / 3955 1461 營業時間：中午12點 至 晚上11點 Facebook：https://www.facebook.com/MAGEKitchen.hk 我的文章能在以下網站見到： weshare.hk_amyng888 / gooodapple_amyng888 / blogspot.hk_amyng888 / blog.qooza.hk_amyng888 / blogs.elle.com.hk_amyng888 / ulifestyle_amyng888 / beauty.qooza.hk_amyng888 / saladblog_amyng888 / beautyexchange_amyng888 / instagram_amyng_amy / theztyle_amyng888 / weibo_amyng888 / fnb.hk_33693 / women.fanpiece.com_amyng888 / she.com_amyng888 / Facebook_AmysBeauty.amyng888 / itrial.hk_amyng888 / glamaclub_amyng888 謝謝收看，有空請推一推。 免責聲明： 本文章之全部內容均屬個人意見及感受，如需協助或希望獲得更多有關食店資訊，請直接聯絡該店查詢。
