上星期同老公去開觀塘，佢話想同我食餐好既，就帶我去左鳴門日本料理。 入到去先知鳴門攞左和食天王的大奬，於是就睇下有咩好食。 入座後見到有個魚缸，裡面原先有好多龍蝦，但不斷被餐廳服務員攞起及交去廚房。最後只剩下幾隻。 了解後先知，因好多客人都訂了鳴門15週年紀念的時令推介 – 原隻活波士頓龍蝦兩食(刺食+火窩) (HKD198+另加原價加一服務費 = HKD238)。於是我地都馬上落單要一客。 貼士：記得登入進行LIKE鳴門的FACEBOOK及打卡，就可以免費獲贈一客炭燒雞肉串(1人1串)。 嘩，堅係原隻龍蝦呀，上枱時隻龍蝦D鬚同腳仲郁架！ 忍唔住啦，同隻龍蝦合照先。放入口時，彈牙到呢！！！超新鮮呀，真係好好味呀。。 接著就到第二食 - 火窩了，我地要了豬骨湯底，所以個湯底加入龍蝦後好快變了奶白色，好濃味，仲好甜添。 睇下個龍蝦鉗幾多肉，一口牛試過，新鮮一口鉗真係未試過。。激讚。 見個湯底咁靚，馬上叫多客美國安格斯牛肩肉(HKD98)加料。美味，在湯裡10秒左右就食得，好美味哦！ 因15週年關係，連飲品都有做特價，由於食得咁開心，少少酒少不免，於是叫了1瓶梅酒嚟暖飲(HKD49/200ml)，但唔知這款原價係幾錢。 嚟到了，服務員幫我地將支酒放入熱水內坐暖，好期待呀！ 飲落又暖又酸酸甜甜，味道好得意，酒味唔太強，對於一個唔係好飲得既人嚟講，確實不錯。 除了龍蝦、飲品，小食都有優惠，我同老公又點會放過呢！ 首先真係要講吓鳴門日本料理送的雞串，真係恰到好處，雞肉啱啱熟，醬汁唔太濃；所以忍唔住叫多一客雞肉串燒 (HKD15/串)；之後仲叫了海膽魷魚花 (HKD38/2件)，好味，但無餐牌影得咁大件；以及帶子串燒(HKD28/串)，夠大粒及好味。 飽飽了，本來想食甜品，可惜鳴門未能提供餐牌上的所有甜品，由於無我地想食的款式，故埋單走了。 貼士：埋單前，記得要問下用咩信用咭有優惠，因為我今次CITIBANK信用咭可享正價食品的9折。同時15週年關係，埋單時仲有抽奬添，我今次抽到<<味噌焗廣島蠔2隻>>在下次使用。 參考資料： 地址: 九龍觀塘牛頭角道315號立成大廈地下 Website: http://www.hk-sushi.com/ Facebook: https://www.facebook.com/narutojap.hk?ref=ts&fref=ts Openrice: http://www.openrice.com/鳴門日本料理 我的文章能在以下網站見到： itrial.hk_amyng888 / theztyle_amyng888 / blog.qooza.hk_amyng888 / instagram_amyng_amy / she.com_amyng888 / blogspot.hk_amyng888 / weibo_amyng888 / weshare.hk_amyng888 / beauty.qooza.hk_amyng888 / women.fanpiece.com_amyng888 / gooodapple_amyng888 / fnb.hk_33693 / saladblog_amyng888 / ulifestyle_amyng888 / beautyexchange_amyng888 / Facebook_AmysBeauty.amyng888 歡迎聯絡試用或出席活動事宜！ Email: amyng369@gmail.com (Amy Ng) 謝謝收看，有空請推一推。 是次食品資料由 鳴門日本料理提供。 免責聲明: 是次產品/產品資料由品牌提供，本文章之全部內容均屬個人意見及感受，並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。 點擊圖片放大 點擊圖片放大
