豬里肌係豬肉入面其中一個好受歡迎嘅部分，其實係界乎豬梅頭同豬後腿之間脊椎位置分割出來嘅部位，呢個部位非常之鮮嫩，而且亦都可以有好多種唔同嘅做法，各有風味。（分割部位圖：http://www.flodinsfood.asia/zh-hant/meat/pork/） 1、台式炸豬排 用肉槌將豬里肌拍成薄片並且切斷肉筋，然後用醃料醃大約二十分鐘，拍上炸粉之後炸至金黃色即可。 2、藍帶豬排 將豬里肌起雙飛，撒上醃料、鋪上起司絲、再擺上火腿片之後將豬里肌對折包起，均勻沾上低筋麵粉後裹上蛋液，然後再裹上麵包粉並且壓緊，最後炸成金黃色即可。 3、照燒烤豬排飯 將豬里肌用調味料醃大約二十分鐘，然後放入烤箱以250℃烤約3分鐘，最後於表面均勻刷上醬汁，放於白飯上即成。
