移民台灣百樣好，但原來移民台灣後都仲有好多野要適應。😔 1.交通香港鐵路網絡四通八達，平時返工返學，只要搭港鐵，就可以輕鬆到達每一個角落。但其實係台灣，除左台北同高雄有較完善嘅捷運系統外，其他地方主要都係靠巴士同電單車出入。如果大家要移居到去台北同高雄以外嘅城市，或者想提升行動機能，我都建議大家入鄉隨俗，去學同埋買返部「綿羊仔」。2.防災睇新聞都知，台灣成日都會有颱風同地震。每次打大風都會水浸，所以返工返學都比較難搞。如果大家住係東部地區，例如:台東、花蓮、宜蘭就更加煩惱啦，因為呢啲地區嘅風雨災情通常比台北嚴重。如果你住緊嘅單位殘舊，仲要煩惱埋天花漏水同窗框滲水等問題。至於地震，台灣時不時都會有5級以上地震發生。如果大家住係台北附近地區可以放心D，因為近幾年台北嘅基建已經有改善，唔需要擔心地震會嚴重影響日常生活。但如果居住係較易受地震帶影響嘅東部，就需要準備多啲相關用品，以備不時之需。3.生活台灣人重視垃圾分類，所以dum垃圾前每家每戶都會將自己嘅垃圾/廚餘先分類。如果你住台北、新北市更需要購買專用垃圾袋先可以能dum去垃圾車。垃圾車文化可以話係台灣嘅特色之一。垃圾車每日會經過收集點2-3次，民眾都會係指定收集時間係收集點等候，當垃圾車抵達前會奏起指定嘅音樂，呢個時候大家就會拎住垃圾袋將垃圾dum入車中。唔知大家覺得仲有咩要適應架呢?😊
