要全家移民台灣 首先要搞掂小朋友嘅學業先見唔係好多人講 今次就等我講下台灣嘅小學啦台灣小學主要分左做以下2種:公立小學私立小學公立小學同香港嘅小學比較似，入學唔需要interview，主要係按照就近入學原則，小朋友可依戶籍地入讀該區學校。低年級黎講一星期會有4日放12點，到左中年級就一星期有2日放12點，最後高年級學生一星期就只有1日係放12點。公立學校可以俾小朋友接觸到好多台灣當地嘅同學仔，幫助佢地由細開始融入當地。而且公立學校比較自由，學習壓力都比香港少，所以小朋友可以有更多時間去學樂器同做運動，發掘自己興趣。 私立學校就比較著重雙語教學，即係普通話+英文，收得咁貴學費，無論學習資源定師資都肯定比公立小學好，但唯一缺點就係每日都成五點先至放學。私立學校單單係註冊費可達4-5萬台幣，仲要每個月比接近一萬蚊嘅學費，少啲經濟能力都要諗諗先。因為好多私立學校嘅學生最終目標係海外升學，所以佢地會比較重視英文同埋對學生嘅管教都比較嚴格。私立學校對小朋友並唔一定係最好嘅選擇，家長應該按照自己嘅期望去選擇最適合小朋友嘅學校。 入讀要求:(1) 所有中小學必須要有居留證先可以報名。如果小朋友同埋父母都有台灣居留證，但父母選擇返香港工作，只要小朋友係台灣有監護人照顧，都同樣符合入學資格。(2) 台灣政府為學生提供12年免費教育（幼稚園至國中），學生只需每學期繳付2000至3000新台幣的書簿雜費；私立學校學費每學期由十多萬至四五十萬新台幣不等。
