溏心蛋最吸引人就係閃令令嘅溏心，即開即食係吸引嘅，其實都好容易做到，只要睇準時間煮好溏心蛋，再放落醬油醃至少一晚就食得，連料理新手都可以輕易完成㗎！ 材料：雞蛋 2隻鹽 1茶匙洋蔥 1個蔥 適量水 300ml 日式醬油/壽喜燒汁 200ml 味醂 100ml 做法：A)【溏心蛋】步驟：1. 先洗淨雞蛋外殼，備用2. 用大火煮好滾水（水量要浸過雞蛋），水滾之後就落鹽3. 將雞蛋用勺輕輕放到鍋底，以免蛋殼裂開 4. 煮蛋5分鐘，然後舀起雞蛋放入冰凍水直至變常溫（水量要浸過雞蛋） 5. 另開一大碗凍滾水或者過濾水，將雞蛋放喺乾淨水入面剝完殼，備用B)【日式醬油】步驟：1. 洗淨洋蔥同蔥，之後用熟水再清洗一次2. 洋蔥切條、蔥切粒，備用3. 將日式醬油混合水同味醂，放入雞蛋 4. 最後落洋蔥條同蔥粒，放入雪櫃浸泡一晚就完成。 小貼士：溏心蛋切半之後，可以潷一啲醬油同蔥花淋喺面，撈飯撈麵都一流！ 是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)Aminn | Beauty．Food．Fun．Parenting．Trendy｜ 麵語錄食玩遊記 by Aminn (Lifestyle)www.facebook.com/m.for.aminn www.instagram.com/starzaminn C家重地 Be a Asterholic (Parenting) www.facebook.com/sy.lam.family 任何合作請接洽：aminn613@gmail.com
