呢個非常時期，注重衛生同時，閉關喺屋企多咗諗煮乜好，趁周末嚟個滋陰潤肺湯水吧！ 雖然未必有龍珠嘅抗疫效果，都不妨多飲潤肺湯水清清積聚嘅肺熱，提升抵抗力同體質！ 【佛手瓜栗子甘筍湯】 材料： 瘦肉-適量（素湯可用腰果代替） 佛手瓜-1個 甘筍– 1條 粟米– 1條 栗子–半磅 南北杏– 約1湯匙 蜜棗–3粒 做法： 1. 瘦肉汆水備用 2. 佛手瓜洗淨去心切件，甘筍去皮以滾刀切塊 3️. 其他材料洗淨後浸洗備用 4️. 加入所有材料，加水至材料過面 5. 用煲湯機或者多用途煲，大約1小時就完成 （如果用明火，先用大火滾約15分鐘，再轉細火煲多1.5小時） 點擊圖片放大 6. 最後加鹽調味（可以先試味，個湯無落鹽都好甜） 以下係各食材嘅功效，可以參考一下呀！ 佛手瓜：理氣和中、疏肝止咳 甘筍：健脾開胃，助腸胃排毒 粟米：益氣補脾 栗子：補腎，治療腰腳無力 是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :) Aminn | Beauty．Food．Fun．Parenting．Trendy｜
