Throwback Thursday: 一月頭係中環開左個ZA Carnival 真係好好玩! 作為中環既OL緊係lunch time去玩無論從現場既佈置,遊戲,同認真有禮既工作人員,都睇得出ZA team既用心, 仲要係免費! 嘉年華有餐飲區, 打卡位, 周邊產品店. 攤位遊戲有: 1. Teeth(用豆袋擊落指定既牙仔) - 超級好玩同好易贏 (雖然都見好多人掟唔中…),我玩左三次,三次都贏,有時仲有好幾個豆袋淨低。贏左可以得到兩個印仔之外, 工作人員仲會搖響個鐘仔, 氣氛好又開心!! 2. Battle (鬥快拍熄亮燈) – 又係好易贏, 玩親都贏, 可以二人對決/ 同電腦玩,要讚揚呢個Counter個女同事無論係講野同跟大家玩, 都好有heart <3 3. Ring (拋圈圈)- 3個中最難, 可能因為咁,比較少人排隊,我三次都係拋唔中黃色果zappy /.\ 另外, powerdraw夾扭蛋,抽中有ZA Coins等獎品, 所以一直好長人龍, 都無玩到; Zappy & Alfie有時會出黎係果度同大家見面影相｡ 有間mirror room話係預測 2022 年運程, 其實係一間有特別燈光同折射既打卡房, 唔夠印仔先去｡ 完成指定任務，係本 ZA Passport 儲夠印仔, 就可以換領限量版 既ZA 周邊產品,我就換左口罩套,同ZA x Maskology既口罩, 仲有大人同中童size可選擇, 岩哂我呢D細面人, 好貼心! 為左響應政府既防疫措施,開左無耐好快就close左,真係好可惜! 點擊圖片放大 Instagram: amatrice_lifestyle
