原來上一次的清貨文己經係二月的事!!!一直懶懶地儲.... 終於都肯寫下二月三月四月清貨堆!!有化妝品同護膚品!!! 一大堆!!! ULTIMA II 粉餅 買set時買的, 呢個牌子的護膚品好貴, 但化妝品相對比其他專櫃版子平!!謎!! 色號選擇唔多, 有點偏黃, 但質地幾滑, 都好耐用! 而且個盒好靚..但白色用到好dirty,,要成日抹!! 日本CEZANNE 防曬透明兩用粉餅2 Way Cake我要左最淺色號, 平價之選, 都只係$6x左右!!呢款都有防晒SPF18 PA++, 可控油!用樸上粉有點厚, 都係偏黃. 都可以叫幾自然!! 呢個盒子我重覆放唔同牌子的粉餅去用, 用左成兩年, 無點爛,只係盒面花晒!!! 真係超耐用!! 因為佢個粉餅位好闊好深,所以多數牌子的粉餅都貼到入去用!! estee lauder 兩用粉餅 妹子去開倉買的, 未用過貴野, 用過後發覺貴貨真係唔同!!! 見識到粉餅都有好好的遮瑕力!! 粉好滑好幼, 而且真係比平貨耐用得多!! LIERAC PARIS抗皺晚霜 係三月glamabox的試用品, 點講呢.... 搽左上面..轉頭就要洗左去!! 因為搽上面推幾下,變晒擦子膠....雷到無朋友!! 但佢的胸部按摩霜又好好用喎!!! VICHY 落妝水 我覺得比紅水好用, 但貴dd~ 紅水有d人用唔到可以用呢支, 真係好溫和, 唔會敏感!! VICHY 溫泉保濕面霜 15ml之前買set裝一齊, 夏天用真係好好用!!仲有樽大的, 今個夏天靠佢!個樽仔仲可以裝出黎帶去游水, gym, 裝其他護膚品!! Naris Up 透明質酸保濕爽膚水 360ml $45超勁大支,可以用好耐, 我放左好耐, 放到有點酒精味...(以前用又唔覺)佢仲有幾隻色, 保濕,美白,膠原等等!!當paper mask都係唔錯!! orlane 洗面奶勁大支, 我係sogo專櫃買...之後發覺係卓悅只係$60支!!!真係想撞豆腐死!! 好彩佢都好好用!!洗得幾好, 唔會油,唔會乾~不過真係太大支,唔方便!!所以倒出黎去其他樽用會方便好多!!500ml..用左我好耐!! CLARINS 美白精華 係tz sis 交換返黎. 話全新品未用過!! 之後睇返原來佢出過文的試用貨...咁係咪真係全新...唔知! 又唔係話佢好好用, 質地同香味都唔錯, 好吸收!! 但覺得平平無奇囉!!!都係用返olay~ LUCIDO-L HAIR GEL 用第四支~因為gel起黎好自然, 又有香味!! 唔會點轉其他了!! 特價時買好抵$40支!!可以用兩個月~~ VS 修護髮膜 試用裝90ml 屈記$9.9 買, 用完可以keep兩三日!! 好耐用, 可以用十次, 好滑好香!! 價錢真係抵到無朋友, 佢正貨都要$6x 得250ml 之後搵左好多間都搵唔返... 過幾星期係萬寧發現有得換, 即時買左四盒!!! CAUDALÍE 美白精華 15ml 都係買美容盒子的試用貨, 雖然好細支!! 但超級耐用, 我覺得比CLARINS 美白精華好用好多!!! 之前試用過呢個牌子的緊緻系列都好好用!! LERBOLARIO 50度防晒日霜 10ml 一包sample有10ml...用左我兩星期...我真係唔知講咩!! 呢個牌子係賣綠泥粉同香薰油出名的!!應該有sis都用過!! 佢的護膚品其實都唔錯, 多數都係天然提煉成份!! 呢個係之前買野送的sample!! 搽上面有少少厚, 但推開後都吸收得幾快!! 冬天用真係幾潤!! 一支貨size比專櫃貨仲要貴.... bio-essense燕窩滋養膠原白有點油脂feel, 岩乾性皮膚用,或冬天用!質地真係好似豬油膏!!不過都ok, 皮膚用左都有效果, 有彈性!! 忘記左咩牌子的精華素係facess有專櫃..質地幾好, 推上面好吸收!!不過實在貴到無朋友~好似要差唔多800一支貨size~ the body shop BANANE 護髮素東涌outlet買, 好好好平~ 有香蕉味同埋椰子味!! 不過唔太起泡, 每次用量要多d~香味keep好耐, 第二日洗頭都keep都香味,同幾滑!! 其實都用左唔少sample size的護膚品!! vichy 保濕面霜vichy 控油面霜vichy 美白精華 vichy的護膚品一直覺得好好用!!價錢都好合理! 剛好有特價的話,可以一值!! estee lauder美白化妝水/乳液 岩冬天用, 因為真係幾潤, 塊面反晒光!! ElishaCoy蝸牛面霜 試用裝 7g 十二月美容盒子的試用貨! 第一次用蝸牛面霜, 質地好好黏!! 但推上面又真係唔錯, 保濕又潤, 乾燥時用唔錯!! bio-essense燕窩滋養機能水我覺得佢似極潤果種厚身化妝水的質地! 所以相對較滋潤!! neostrata 面霜 10ml 呢支我覺得真係超好用!!!咪講少~ 不過有人會覺得太油! 其實我呢d混合肌, 冬天用呢支真係好正!! 感覺好保濕得黎, 有少少油份, 成日脫皮位置用左兩日就無事!! 寫左好多呀!!! 請推一推支持下啦!!! 我都開左面書專頁啦, 快D黎LIKE我啦~ https://www.facebook.com/amanareahkhttp://aman.theztyle.comhttp://blog.she.com/amanhttp://amanho.blogspot.hk/http://www.fnb.hk/blog/16516https://blog.ulifestyle.com.hk/blogger/amanho/http://weshare.hk/aman/http://www.saladblog.com.hk/content.php
